Begin typing your search above and press return to search.
exit_to_app
exit_to_app
Homechevron_rightEntertainmentchevron_rightMovie Newschevron_right'രാധേ'അത്ര പോര​; ​...

'രാധേ'അത്ര പോര​; ​ സൽമാൻ ചിത്രത്തിന്​ പിതാവ്​ സലീം ഖാ​​െൻറ മോശം റിവ്യൂ

text_fields
bookmark_border
radhe-salman
cancel

മുംബൈ: ബോളിവുഡ്​ സൂപ്പർ താരം സൽമാൻ ഖാ​െൻറ ഏറ്റവും പുതിയ ചിത്രമായ 'രാധേ' മേയ്​ 13നാണ്​​ ഒ.ടി.ടി റിലീസായി പ്രേക്ഷകരിലേക്കെത്തിയത്​. 'സീ 5'ലൂടെ റിലീസായ ചിത്രം വ്യൂവർഷിപ്പ്​ റെക്കോഡുകൾ ഭേദിച്ചെങ്കിലും മോശം അഭിപ്രായമാണ്​ നേടാനായത്​.

ഇപ്പോൾ സൽമാൻ ഖാ​െൻറ പിതാവ​ും തിരക്കഥാകൃത്തുമായ സലീം ഖാനും ചിത്രത്തെ കുറിച്ചുള്ള ത​െൻറ അഭിപ്രായം തുറന്നു പറഞ്ഞിരിക്കുകയാണ്​. രാധേ ഒരു മികച്ച സിനിമയാണെന്ന് താൻ കരുതുന്നില്ലെന്ന് ​ സലീം ഖാൻ ദൈനിക്​ ഭാസ്​കറിന്​ നൽകിയ അഭിമുഖത്തിലാണ്​ അഭിപ്രായപ്പെട്ടത്​.

പ്രേക്ഷകരെ പോലെ സൽമാ​െൻറ മുൻ ചിത്രങ്ങളായ ദബാംഗ് 3, റേസ് 3, ഭാരത്, ടൈഗർ സിന്ദാ ഹായ് എന്നിവയുടെ ആവർത്തനമാണ് രാധേ എന്ന് കരുതുന്നുണ്ടോ എന്ന ചോദ്യത്തിന്​ മറുപടി പറയുകയായിരുന്നു​ സലീം ഖാൻ. 'രാധേയുടെ മുമ്പുള്ള ദബാംഗ് 3 വ്യത്യസ്തമായ ചിത്രമാണ്​. ബജ്​രംഗി ഭായ്​ജാൻ വ്യത്യസ്​ഥമായ ഒരു നല്ല ചിത്രമായിരുന്നു. രാധേ ഒരു മികച്ച സിനിമയല്ല. എന്നാൽ വാണിജ്യ സിനിമയുമായി ബന്ധപ്പെട്ട ഓരോ വ്യക്തിയും കലാകാരന്മാർ മുതൽ നിർമ്മാതാക്കൾ, വിതരണക്കാർ അടക്കം എല്ലാവർക്കും പ്രതിഫലം ലഭിക്കാനാണ്​ ത​െൻറ മകൻ സിനിമ ചെയ്തത്'​-അദ്ദേഹം കൂട്ടിച്ചേർത്തു.

സലീം ഖാനും സൽമാനും

ചിത്രവുമായി ബന്ധപ്പെട്ട പങ്കാളികൾക്ക് രാധേ നേട്ടമുണ്ടാക്കി നൽകിയെന്ന്​ സലിം ഖാൻ പറഞ്ഞു. പ്രഭുദേവ സംവിധാനം ചെയ്​ത രാധേയിൽ ഒരു പൊലീസ്​ ഓഫീസറുടെ വേഷത്തിലാണ്​ സൽമാൻ അഭിനയിച്ചിരിക്കുന്നത്​. ദിശ പഠാനി, ജാക്കി ഷ്​റോഫ്​, രൺദീപ്​ ഹൂഡ എന്നിവരാണ്​ മറ്റ്​ പ്രധാന വേഷങ്ങളിൽ അഭിനയിച്ചത്​.

ആൻറിം: ദി ഫൈനൽ ട്രൂത്ത് എന്ന ചിത്രത്തിലാണ്​ ഇനി അദ്ദേഹം അഭിനയിക്കാൻ പോകുന്നത്​. രാധേയെ പറ്റി ​മോശം റിവ്യൂ നൽകിയ കെ.ആർ.കെക്കെതിരെ സൽമാൻ വക്കീൽ നോട്ടീസ്​ അയച്ചിരുന്നു.

Show Full Article
TAGS:Radhe Movie salman khan Salim Khan 
News Summary - Radhe is not a great film says Salman Khan’s father Salim Khan
Next Story