ഇത്​ വിമാനത്താവളമോ പ്രേതാലയമോ​​? യാത്രക്കിടയിലെ വിചിത്ര അനുഭവം പങ്കുവച്ച്​ നടൻ മാധവൻ

കോവിഡ്​ കാലമായതോടെ മനുഷ്യൻ നേരിടുന്ന ഏറ്റവും വലിയ പ്രതിസന്ധി യാത്രചെയ്യാനുള്ള പ്രയാസമാണ്​. ബസ്​ സ്​റ്റേഷനുകളും വിമാനത്താവളങ്ങളും റെയിൽവേ സ്​റ്റേഷനുകളുമെല്ലാം പൂർണമായോ ഭാഗികമായോ അടഞ്ഞുകിടക്കുന്ന കാലത്താണ്​ നാം ജീവിക്കുന്നത്​. നടൻ മാധവൻ ത​െൻറ യാത്രക്കിടെ ഉണ്ടായ വിചിത്ര അനുഭവം സമൂഹമാധ്യമത്തിൽ പങ്കുവച്ചത്​ വൈറലായി. വിമാനത്താവളത്തിലും വിമാനത്തിലും കണ്ട അപൂർവ്വ കാഴ്​ച്ചകളാണ്​ ത​െൻറ ഇൻസ്​റ്റഗ്രാം അകൗണ്ടിൽ താരം വീഡിയോ ആയി പോസ്​റ്റ്​ ചെയ്​തത്​. ത​െൻറ ജീവിതത്തിലെ ഏറ്റവും വിചിത്രമായ പറക്കലാണിതെന്നും​ മാധവൻ കുറിച്ചു.

വീഡി​യോയിൽ വിജനമായ വിമാനത്താവളവും ആ​ളൊഴിഞ്ഞ വിമാനവുമാണ്​ കാണുന്നത്​. യാത്രക്കാരനായി താൻ മാത്രമേ ഇവിടെ ഉള്ളൂ എന്നും മാധവൻ പറയുന്നു. '2021 ജൂലൈ 26 ...ഒരേസമയം രസകരവും ദുഖകരവുമാണിത്​. എത്രയും ​പെട്ടെന്ന് ഇൗയവസ്​ഥ അവസാനിക്കാനായി പ്രാർഥിക്കുന്നു. അങ്ങനെ പ്രിയപ്പെട്ടവർക്ക് ഒരുമിച്ച്​ സഞ്ചരിക്കാൻ കഴിയ​െട്ട'-മാധവൻ ഇൻസ്​റ്റാഗ്രാമിൽ കുറിച്ചു.

'അമേരിക്കി പണ്ടിറ്റ്​'എന്ന സിനിമയുടെ ചിത്രീകരണത്തിനായി ദുബായ്​ക്ക്​ പോകാനാണ്​ നടൻ വിമാനത്താവളത്തിൽ എത്തിയത്​. പോസ്റ്റ് വേഗംതന്നെ സോഷ്യൽ മീഡിയ ശ്രദ്ധ ആകർഷിക്കുകയും ലക്ഷക്കണക്കിനുപേർ പ്രതികരിക്കുകയും ചെയ്​തു. 'ആദ്യ കാഴ്​ചയിൽ ഞാൻ വിചാരിച്ചത്​ മുഴുവൻ ഫ്ലൈറ്റും താങ്കൾ ബുക്ക് ചെയ്​തെന്നാണ്​. ഇതിന്​ എത്ര പണം നൽകിയിട്ടുണ്ടാകുമെന്നും ആലോചിച്ചു.പകർച്ചവ്യാധി ഉടൻ അവസാനിക്കുമെന്ന് പ്രതീക്ഷിക്കുന്നു'-ഒരാൾ കമൻറായി കുറിച്ചു. 'ഇതൊരു പ്രേത സിനിമയെപോലുണ്ട്​'-മറ്റൊരാൾ എഴുതി.

'ഒന്നര വർഷത്തിനുള്ളിൽ കാലം എത്രമാത്രം മാറിയെന്ന് വിശ്വസിക്കാനാകുന്നില്ല. ഇതൊരു അപ്പോക്കാലിപ്റ്റിക് സിനിമയെപ്പോലെ തോന്നുന്നു. പക്ഷേ ഇത് യാഥാർത്ഥ്യമാണ്'-മറ്റൊരു ആരാധകൻ കുറിച്ചു.അമേരികി പണ്ടിറ്റിൽ മലയാളം നടി മഞ്ജു വാര്യറും അഭിനയിക്കുന്നുണ്ട്​. മഞ്​ജുവി​െൻറ ബോളിവുഡ്​ അരങ്ങേറ്റമാണ്​ സിനിമയിലൂടെ നടക്കുന്നത്​​. നവാഗതനായ കൽപേഷാണ് ചിത്രം സംവിധാനം ചെയ്യുന്നത്.

View this post on Instagram

A post shared by R. Madhavan (@actormaddy)