പുഴയിൽ മാത്രം ചിത്രികരിച്ച 'പുഴയമ്മ' ജിയോ സിനിമയിലൂടെ റിലീസിന്​

ലോക സിനിമയിൽ ആദ്യമായി പുഴയിൽ മാത്രം ചിത്രികരിച്ച 'പുഴയമ്മ' ജൂലൈ ഒന്നിന് ജിയോ സിനിമയിലൂടെ റിലീസ് ചെയ്യുന്നു. പുഴ, പരിസ്ഥിതി, മഴ, പ്രളയം എന്നിവ വിഷയമാകുന്ന ഇന്തോ- അമേരിക്കൻ പ്രൊജക്ട് ആണ് 'പുഴയയമ്മ'. വിജീഷ് മണി കഥയെഴുതി സംവിധാനം ചെയ്​ത ചിത്രം ശ്രീ ഗോകുലം മൂവിസിനു വേണ്ടി ഗോകുലം ഗോപാലനാണ് നിർമിച്ചിരിക്കുന്നത്.

മഴ എന്ന പെൺകുട്ടിയുടെയും റോസാ ലിൻഡ എന്ന വിദേശ വനിതയുടെയും സൗഹൃദത്തി​െൻറ കഥയാണ് പുഴയമ്മ.

ബേബി മീനാക്ഷിയും ഹോളിവുഡ് നടി ലിൻഡാ അർ സാനിയോയുമാണ്​ കേന്ദ്ര കഥാപാത്രങ്ങളെ അവതരിപ്പിക്കുന്നത്​. തമ്പി ആൻറണി, പ്രകാശ് ചെങ്ങൽ, ഉണ്ണിരാജ , റോജി പി. കുര്യൻ, കെ.പി.എ.സി ലീലാകൃഷ്ണൻ, സനിൽ പൈങ്ങാടൻ, ഡൊമനിക് ജോസഫ്, ആഷ്ലി ബോബൻ, ലക്ഷിമിക, രാജേഷ് ബി, അജിത്ത്, മാസ്റ്റർ വിരാട് വിജീഷ് എന്നിവരാണ്​ മറ്റ്​ അഭിനേതാക്കൾ. ഇവരോടൊപ്പം പ്രശസ്ത ബഹ്​റൈനി സാമൂഹിക പ്രവർത്തക ഫാത്തിമ അൽ മൻസൂരി അതിഥി താരമായി എത്തുന്നുണ്ട്​.

പ്രകാശ് വാടിക്കലാണ്​ തിരക്കഥയും സംഭാഷണവും നിർവഹിച്ചിരിക്കുന്നത്​. എസ്. ലോകനാഥനാണ്​ ഛായാഗ്രഹണം. വയലാർ ശരത്ചന്ദ്രവർമയുടെ ഗാനങ്ങൾക്ക്​ കിളിമാനൂർ രാമവർമ സംഗീത സംവിധാനം നിർവഹിച്ചിരിക്കുന്നു. എഡിറ്റിങ്​- രാഹുൽ, മേക്കപ്പ്- പട്ടണം റഷീദ്​, വസ്ത്രാലങ്കാരം -ഇന്ദ്രൻസ് ജയൻ, പി. ആർ.ഒ ആതിര ദിൽജിത് എന്നിവരാണ്​ മറ്റ്​ അണിയറപ്രവർത്തകർ.