പൊക്കമുള്ള കല്യാണച്ചെക്കനെ അതിശയത്തോടെ നോക്കുന്ന മമ്മൂട്ടിയുടെ ചിത്രം വൈറൽ
text_fieldsകൊച്ചി: തന്നേക്കാൾ പൊക്കമുള്ള കല്യാണച്ചെക്കനെ അതിശയത്തോടെ നോക്കുന്ന െമഗാസ്റ്റാർ മമ്മൂട്ടിയുടെ ചിത്രം സമൂഹ മാധ്യമങ്ങളിൽ വൈറലാകുന്നു. കൊച്ചിയിൽ കഴിഞ്ഞദിവസം നടന്ന വിവാഹച്ചടങ്ങിൽ മമ്മൂട്ടി പങ്കെടുക്കുന്നതിനിടെയുള്ള ചിത്രമാണ് ആരാധകർ കൗതുകത്തോടെ പങ്കുവെക്കുന്നത്.
സെൻട്രൽ എക്സൈസ് കസ്റ്റംസ് ഡിപ്പാർട്ട്മെന്റിൽ ജോലി ചെയ്യുന്ന ദിൽഷാദിന്റെയും സാറയുടെയും വിവാഹ റിസപ്ഷനിൽ നിന്നുള്ള ചിത്രമാണിത്. ഇരുവർക്കും കുടുംബാംഗങ്ങൾക്കുമൊപ്പം ഫോട്ടോക്ക് പോസ് ചെയ്യുന്നതിനിടെയാണ് മമ്മൂട്ടി അടുത്തു നിൽക്കുന്ന നല്ല ഉയരമുള്ള ദിൽഷാദിനെ നോക്കുന്നത്. മുൻ കായികതാരമാണ് ദിൽഷാദ്.
നടൻ ഗിന്നസ് പക്രു അടക്കമുള്ള താരങ്ങളും ഈ ചിത്രം സമൂഹ മാധ്യമങ്ങളിൽ പങ്കുവെച്ചു. 'എന്റെ കാഴ്ച"പാടിൽ" മമ്മുക്കയും' എന്ന അടിക്കുറുപ്പോടെയാണ് ഗിന്നസ് പക്രു ചിത്രം പങ്കുവെച്ചത്. 'ഇവനെ ഇനിയും വളരാൻ അനുവദിച്ചു കൂടാ', 'പൊക്കമൊക്കെ ഔട്ട് ഓഫ് ഫാഷൻ ആയി കേട്ടോ' എന്നിങ്ങനെ കമന്റുകളുമായി ആരാധകരും രംഗത്തുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.