ചരിത്ര വിജയം; അഞ്ച് ദിവസങ്ങൾ കൊണ്ട് 500 കോടിയും കടന്ന് പത്താൻ

ഷാരൂഖ് ഖാൻ- ദീപിക പദുക്കോൺ എന്നിവരെ കേ​ന്ദ്ര കഥാപാത്രങ്ങളാക്കി സിദ്ധാർഥ് ആനന്ദ് സംവിധാനം ചെയ്ത 'പത്താൻ' ആഗോള ബോക്സോഫീസിൽ 500 കോടി കടന്നു. പുറത്തിറങ്ങി 5 ദിവസത്തിനകം ഇത്രയും വരുമാനം അതിവേഗത്തിൽ നേടുന്ന ആദ്യ ഹിന്ദി ചിത്രമാണ് ഇനിമുതൽ പത്താൻ.

ആഗോളതലത്തിൽ റിലീസ് ചെയ്യപ്പെട്ട ചിത്രം 5 ദിവസത്തിൽ 542 കോടി നേടിയെന്നാണ് ട്രേഡ് അനലിസ്റ്റായ തരൺ ആദർശ് ട്വീറ്റ് ചെയ്തതത്. ഇന്ത്യക്കകത്ത് നിന്ന് 335 കോടിയും ഓവർസീസ് കലക്ഷനായി 207 കോടിയുമാണ് ചിത്രം വാരിക്കൂട്ടിയതെന്നും അദ്ദേഹം ട്വിറ്ററിൽ വ്യക്തമാക്കി.