'അഞ്ഞൂറോളം പേർ എന്നത്​​ വലിയ സംഖ്യയല്ലെന്നാണ്​ പറയുന്നത്'​; സത്യപ്രതിജ്ഞ ചടങ്ങ്​ തെറ്റായ നടപടി -പാർവതി

500 പേർ പ​ങ്കെടുത്തുകൊണ്ട്​ സത്യപ്രതിജ്ഞ ചടങ്ങ്​ നടത്താനുള്ള സംസ്ഥാന സർക്കാറിന്‍റെ തീരുമാനത്തിനെതിരെ പ്രതിഷേധവുമായി നടി പാർവതി തി​രുവോത്ത്​. സമ്മേളിക്കുന്നത്​ ഒഴിവാക്കി സത്യ​പ്രതിജ്ഞ ഓൺലൈനായി നടത്തണമെന്ന്​ പാർവതി ആവശ്യപ്പെട്ടു.

''സത്യപ്രതിജ്ഞക്ക്​ അഞ്ഞൂറോളം പേർ എന്നത്​​ വലിയ സംഖ്യയല്ലെന്നാണ്​ കേരളത്തിന്‍റെ മുഖ്യമന്ത്രി പറയുന്നത് കേരളത്തിലെ നിലവിലെ സാഹചര്യത്തിൽ അത്​ അതീവ തെറ്റാണ്​. പ്രത്യേകിച്ചും മറ്റു സൗകര്യമുള്ളപ്പോൾ'' -പാർവതി ട്വിറ്ററിൽ കുറിച്ചു.

''കോവിഡ് പ്രതിരോധത്തിനായും കോവിഡ് പോരാളികൾക്കായും സംസ്ഥാന സര്‍ക്കാര്‍ ചെയ്തുകൊണ്ടിരിക്കുന്നതെല്ലാം നല്ല കാര്യങ്ങളാണ്. അതിപ്പോഴും സര്‍ക്കാര്‍ ഉത്തരവാദിത്തത്തോടെ തുടരുന്നുണ്ട്​. അതുകൊണ്ടാണ് ഇത് എല്ലാവരെയും ഞെട്ടിക്കുന്നതും അംഗീകരിക്കാന്‍ കഴിയാത്തതുമാക്കുന്നത്​'' -പാർവതി മറ്റൊരു ട്വീറ്റിൽ പറഞ്ഞു.

50000ത്തിലേറെ പേർക്ക്​ ഇരിപ്പിടമുള്ള സ്​റ്റേഡിയത്തിൽ പരമാവധി 500ഓളം പേർ പ​ങ്കെടുക്കുമെന്നാണ്​ മുഖ്യമന്ത്രി പറഞ്ഞിരുന്നത്​. 500 എന്നത്​ ഇത്തരം സാഹചര്യത്തിൽ വലിയ സംഖ്യയല്ലെന്നായിരുന്നു മുഖ്യമന്ത്രിയുടെ നിലപാട്​. 140 നിയമസഭ സാമാജികരും 20 എം.പിമാരുമുണ്ട്​. ലെജിസ്​​േലറ്റർ, എക്​സിക്യൂട്ടീവ്​, ജുഡീഷ്യറി എന്നിവയിൽ നിന്നുള്ളവരും പ​ങ്കെടുക്കും. ജനാധിപത്യത്തെ മാനിക്കുന്ന ഒരാൾക്കും ഇവ മൂന്നിനെയും അവഗണിക്കാനാവില്ലെന്നും മുഖ്യമന്ത്രി പറഞ്ഞിരുന്നു.