വാക്​സിൻ സ്വീകരിച്ച്​ രണ്ടാഴ്ചക്കുശേഷം നടൻ പരേഷ്​ റാവലിന് കോവിഡ്​

ന്യൂഡൽഹി: കോവിഡ്​ വാക്​സിൻ സ്വീകരിച്ച്​ രണ്ടാഴ്ചക്കുശേഷം പ്രമുഖ ബോളിവുഡ് നടനും മുൻ ബി.ജെ.പി എം.പിയുമായ പരേഷ് റാവലിന് കോവിഡ്​ സ്ഥിരീകരിച്ചു. ട്വിറ്ററിലൂടെ നടൻ തന്നെയാണ്​ കോവിഡ്​ സ്ഥിരീകരിച്ച വിവരം അറിയിച്ചത്​. മാർച്ച്​ ഒമ്പതിനാണ്​ 65കാരനായ​ അ​ദ്ദേഹം കോവിഡ്​ വാക്​സിന്‍റെ ആദ്യ ഡോസ്​ സ്വീകരിച്ചത്​.

'നിർഭാഗ്യവശാൽ, ഞാൻ കോവിഡ്​ പോസിറ്റീവ്​ ആയിരിക്കുകയാണ്​. കഴിഞ്ഞ 10 ദിവസങ്ങളിൽ ഞാനുമായി ബന്ധപ്പെട്ടവരൊക്കെ സ്വയം ടെസ്റ്റ് ചെയ്യണമെന്ന് അഭ്യര്‍ഥിക്കുന്നു'- പരേഷ്​ റാവൽ തന്‍റെ ട്വിറ്റർ ഹാൻഡിലിൽ വെള്ളിയാഴ്ച രാത്രി കുറിച്ചു.

മാര്‍ച്ച് 9ന് കോവിഡ്​ വാക്സിന്‍റെ ആദ്യ ഡോസ്​ സ്വീകരിച്ച വിവരവും അദ്ദേഹം ട്വിറ്ററിൽ പങ്കുവെച്ചിരുന്നു. 'വി ഫോര്‍ വാക്​സിൻസ്, ഡോക്ടര്‍മാര്‍ക്കും നഴ്സുമാര്‍ക്കും ആരോഗ്യപ്രവർത്തകര്‍ക്കും ശാസ്ത്രജ്ഞര്‍ക്കും എല്ലാവ‍ർക്കും നന്ദി. നരേന്ദ്ര മോദിക്കും നന്ദി'എന്നാണ് അദ്ദേഹം വാക്സിൻ സ്വീകരിച്ച ശേഷമുള്ള ചിത്രത്തോടൊപ്പം ട്വിറ്ററിൽ കുറിച്ചത്​.

V for vaccines. ! Thanks to All the Doctors and Nurses and the front line Health care workers and The Scientists. 🙏Thanks @narendramodi pic.twitter.com/UC9BSWz0XF

— Paresh Rawal (@SirPareshRawal) March 9, 2021