53 ാം വയസിൽ പമേലക്ക്​ ആറാം വിവാഹം; വരൻ ​േബാഡി ഗാർഡ്​

വിഖ്യാത മോഡലും നടിയുമായ പമേല ആൻഡേർസണും ബോഡി ഗാർഡ​്​ ഡാൻ ഹേഹസ്റ്റും വിവാഹിതരായി. 53ാം കാരിയായ നടിയുടെ ആറാം വിവാഹവും ഒരു വർഷത്തിനിടെ നടക്കുന്ന രണ്ടാമത്തെ വിവാഹവുമാണിത്​. കഴിഞ്ഞ ക്രിസ്​മസ്​ രാവി​ൽ അവരുടെ വസതിയിലായിരുന്നു വിവാഹം. '25 വർഷം മുമ്പ്​ മുത്തച്​ഛനിൽ ഞാൻ വാങ്ങിയതാണ്​ ഈ വീട്​. ഇവിടെയാണ്​​ എന്‍റെ മാതാപിതാക്കൾ വിവാഹിതരായത്​. അവർ ഇപ്പോഴും ഒരുമിച്ചാണ്​ കഴിയുന്നത്​' - ​ പമേല പറയുന്നു.

1995 ലായിരുന്നു പമേലയുടെ ആദ്യ വിവാഹം. ടോമി ലീയുമൊത്തുള്ള ആദ്യ ദാമ്പത്യത്തിൽ പമേലക്ക്​ രണ്ട്​ കുട്ടികളും പിറന്നിരുന്നു. എന്നാൽ, 1998 ൽ അവർ വിവാഹ മോചിതരായി. ശേഷം 2006 ൽ രണ്ടാം വിവാഹം. അടുത്ത വർഷം തന്നെ ഈ ദാമ്പത്യവും അവസാനിച്ചു.

2007 ൽ റിക്ക്​ സാലൊമണിനെയാണ്​ പിന്നീട്​ വിവാഹം ചെയ്​തത്​. 2008 ൽ തന്നെ ഇവർ വേർപിരിഞ്ഞെങ്കിലും 2014 ൽ വീണ്ടും വിവാഹതിരാകുകയും 2015 ൽ വിവാഹമോചിതരാകുകയും ചെയ്​തു.

2020 ൽ ജോൺ പീറ്റേർസിനെ വിവാഹം ചെയ്​തെങ്കിലും 12 ദിവസത്തിനകം ഈ ബന്ധം അവസാനിപ്പിച്ച്​ വിവാഹ മോചിതയായി. ശേഷം, 2020 ഡിസംബറിൽ ബോഡി ഗാർഡ്​ ഡാൻ ഹേഹസ്റ്റിനെ വിവാഹം ചെയ്യുകയായിരുന്നു.

അതിനിടെ, വിക്കിലീക്​സ്​ സ്​ഥാപകൻ ജൂലിയൻ അസാൻഞ്ചുമായി പമേലക്ക്​ ബന്ധമുണ്ടായിരുന്നുവെന്ന്​ വാർത്തകൾ വന്നിരുന്നു. ലണ്ടനിലെ ഇക്വാഡോർ എംബസിയിൽ അസാൻഞ്ചിനെ അവർ സന്ദർശിച്ചിരുന്നതായും ഗോസിപ്പുകൾ പ്രചരിച്ചിരുന്നു. എന്നാൽ, ഈ വാർത്തകൾ അവർ സ്​ഥിരീകരിച്ചിട്ടില്ല.