പട, നാരദൻ, വെയിൽ ഒ.ടി.ടിയിലേക്ക്

പട, നാരദൻ, വെയിൽ എന്നീ മലയാളള ചിത്രങ്ങളുടെ ഒ.ടി.ടി റിലീസ് തീയതി പ്രഖ്യാപിച്ചു. ആമസോൺ പ്രൈമിലൂടെയാവും ചിത്രങ്ങൾ പ്രദർശനത്തിനെത്തുക. പട മാർച്ച് 30 മുതലും നാരദൻ ഏപ്രിൽ എട്ട് മുതലും വെയിൽ ഏപ്രിൽ 15 മുതലും സ്ട്രീം ചെയ്യും.

കുഞ്ചാക്കോ ബോബൻ, ജോജു ജോർജ് , വിനായകൻ, ദിലീഷ് പോത്തൻ എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ക്രൈം ആൻഡ് ഡ്രാമ ത്രില്ലറായ പടക്ക് കമൽ കെ.എം രചനയും സംവിധാനവും നിർവഹിക്കുന്നു. ആഷിഖ് അബു സംവിധാനം നിർവഹിക്കുന്ന നാരദനിൽ ടൊവിനോ തോമസ്, അന്ന ബെൻ, ഷറഫുദ്ദീൻ, വിജയരാഘവൻ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.

ശരത് മേനോൻ രചനയും സംവിധാനവും നിർവഹിക്കുന്ന വെയിലിൽ ഷെയ്ൻ നിഗം, ഷൈൻ ടോം ചാക്കോ, സുരാജ് വെഞ്ഞാറമൂട് തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്