Begin typing your search above and press return to search.
exit_to_app
exit_to_app
Irrfan Khan
cancel
Homechevron_rightEntertainmentchevron_rightMovie Newschevron_rightഇർഫാൻ ഖാനെയും ഭാനു...

ഇർഫാൻ ഖാനെയും ഭാനു അതയ്യയെയും അനുസ്​മരിച്ച്​ ഓസ്​കർ വേദി

text_fields
bookmark_border

ന്യൂഡൽഹി: അന്തരിച്ച ​നടൻ ഇർഫാൻ ഖാനും ​വസ്​ത്രാലങ്കാരിക ഭാനു അതയ്യയെയും അനുസ്​മരിച്ച്​ ഓസ്​കർ പുരസ്​കാര വേദി. 93ാമത്​ ഓസ്​കർ പുരസ്​കാര വേദിയിൽ അവതരിപ്പിച്ച അനുസ്​മരണ വിഡിയോയിൽ ഇരുവരെയും ഉൾപ്പെടുത്തി.

1982ലെ ഗാന്ധി എന്ന ചിത്രത്തിലൂടെ ഇന്ത്യയിൽ ആദ്യമായി ഒസ്​കർ നേടിയ വ്യക്തിയാണ്​ ഭാനു അതയ്യ. അന്താരാഷ്​ട്ര സിനിമ വേദികളിലെ പരിചിത മുഖമായിരുന്നു ഇർഫാൻ ഖാൻ. അർബുദ ചികിത്സയിലായിരുന്ന ഇർഫാൻ ഖാൻ 53ാം വയസിൽ ലോകത്തുനിന്ന്​ വിടപറയുകയായിരുന്നു. ഇർഫാൻ ഖാന്‍റെ ദ നെയിംസേക്ക്​, ലൈഫ്​ ഓഫ്​ പൈ, സ്ലംഡോഗ്​ മില്ല്യണയർ, ജുറാസിക്​ വേൾഡ്​ തുടങ്ങിയ ചിത്രങ്ങൾ ഓസ്​കൾ ഉൾപ്പെടെ അന്താരാഷ്​ട്ര വേദികളിൽ സാന്നിധ്യമായിരുന്നു.

91ാം വയസിലാണ്​ ഭാനു അതയ്യയുടെ വിയോഗം. ലഗാൻ, സ്വദേശ്​​, ചാന്ദ്​നി, അഗ്​നീപത്​ തുടങ്ങിയ ​നൂറോളം ചിത്രങ്ങളുടെ ഭാഗമായിരുന്നു ഭാനു അതയ്യ.

ഹോളിവുഡ്​ നടൻമാരായ സീൻ കോണറിയും ചാഡ്​വിക്​ ബോസ്​മാനുമായിരുന്നു ഓസ്​കർ വേദിയിലെ പ്രധാന നഷ്​ടം. അന്താരാഷ്​ട്ര ചലചിത്ര വേദികളിൽ നിരവധി ബഹുമതികൾ നേടിയ കൊറിയൻ സംവിധായകൻ കിം കി ഡുക്കും സ്​മരണികയിൽ ഇടം നേടി. ചാഡ്​വിക്​ ബോസ്​മാൻ മികച്ച നടനുള്ള നോമിനേഷൻ പട്ടികയിൽ ഉൾപ്പെട്ടിരുന്നു. ജെയിംസ്​ ബോണ്ട്​​ ചിത്രത്തിലൂടെ പ്രേക്ഷകരിലേക്ക്​ ഇറങ്ങിയ നടനായിരുന്നു ​സീൻ കോണറി.

അതേസമയം റിഷി കപൂറിനെയും സുശാന്ത്​ സിങ്​ രജ്​പുത്തിനെയും ഓസ്​കർ സ്​മരണയിൽ ഉൾപ്പെടുത്തിയിട്ടില്ല.

Show Full Article
TAGS:Oscar 2021 Irrfan Khan Bhanu Athaiya 
News Summary - Oscars 2021 Irrfan Khan And Bhanu Athaiya Remembered In Tributes Montage
Next Story