മികച്ച അഭിപ്രായം നേടി 'ഓത്ത്'; പ്രദർശനം ഫസ്റ്റ് ഷോസ് ഒടിടി പ്ലാറ്റ്​ഫോമിൽ

ജനകീയ കൂട്ടായ്മയില്‍ നിര്‍മ്മിച്ച് നാടകപ്രവര്‍ത്തകനായ പികെ ബിജു രചനയും സംവിധാനവും നിര്‍വ്വഹിച്ച മലയാള ചലച്ചിത്രം 'ഓത്ത്' ഒടിടി പ്ലാറ്റ്​ഫോമിൽ പ്രദര്‍ശനം തുടരുന്നു. ഫസ്റ്റ് ഷോസ് ഒടിടി പ്ലാറ്റ്ഫോമിലായിരുന്നു ചിത്രം റിലീസ് ചെയ്തത്. ഓട്ടിസം ബാധിച്ച മക​െൻറയും അവനെ പരിചരിക്കുന്ന പിതാവി​െൻറയും സംഘര്‍ഷഭരിതമായ ജീവിതമാണ്​ ചിത്രത്തിന്‍റെ പ്രമേയം.

നാടക നടനായ ഷാജഹാനാണ് കേന്ദ്രകഥാപാത്രം. നാടക നടിയായ പ്രീത പിണറായിയാണള നായിക. പ്രശസ്ത ശില്പി ഡാവിഞ്ചി സുരേഷും ശ്രദ്ധേയമായ വേഷം ചെയ്യുന്നുണ്ട്. 2018ലെ ഐഎഫ്എഫ്കെയില്‍ മികച്ച സാമൂഹ്യ പ്രസക്തിയുള്ള ചിത്രമായി 'ഓത്തി'നെ തിരഞ്ഞെടുത്തിരുന്നു.

ഛായാഗ്രഹണം, ചിത്രസംയോജനം-സുല്‍ഫി ഭൂട്ടോ, സംഗീതം- അരുണ്‍ പ്രസാദ്, ആര്‍ട്ട്-ശ്രീനി കൊടുങ്ങല്ലൂര്‍, പ്രൊഡക്ഷന്‍ കണ്‍ട്രോളര്‍- ഷാജി, ടൈറ്റില്‍ ഡിസൈനിംഗ്-ഡാവിഞ്ചി സുരേഷ്, വസ്ത്രാലങ്കാരം-ഷാജി കൂനമ്മാവ്, സിംഗ്സൗണ്ട്- അനീഷ് സേതു, പി ആര്‍ സുമേരന്‍.