അപ്പു ഭട്ടതിരിയുടെ 'നിഴലി'ൽ ചാക്കോച്ചനും നയൻതാരയും

എഡിറ്റർ എന്ന നിലയിൽ നിരവധി പുരസ്​കാരങ്ങൾ നേടിയ അപ്പു ഭട്ടതിരി ആദ്യമായി സംവിധാനം ചെയ്യുന്ന ചിത്രമാണ്​ 'നിഴൽ'. ലൗ ആക്ഷൻ ഡ്രാമക്ക്​ ശേഷം സൂപ്പർസ്റ്റാർ നയൻതാര മലയാളത്തിലേക്ക്​ തിരിച്ചെത്തുന്ന ചിത്രമായ നിഴലിൽ കുഞ്ചാക്കോ ബോബനാണ്​ നായകനാകുന്നത്​. ചാക്കോച്ചൻ തന്നെയാണ്​ ചിത്രത്തി​െൻറ പോസ്റ്റർ ഫേസ്​ബുക്ക്​ വഴി പങ്കുവെച്ച്​ സിനിമയുടെ പ്രഖ്യാപനം നടത്തിയത്​.

തിരക്കഥ എഴുതുന്നത് സഞ്ജീവ് ആണ്. ദീപക് ഡി മേനോന്‍ ഛായാ​ഗ്രഹണം. സൂരജ് എസ്. കുറുപ്പാണ്​ സംഗീതം. അപ്പു ഭട്ടതിരിയും അരുണ്‍ ലാലും ചേർന്നാണ്​ എഡിറ്റിംഗ് നിർവഹിക്കുക. ആ​േൻറാ ജോസഫ് ഫിലിം കമ്പനിക്കൊപ്പം അഭിജിത് എം പിള്ള, ബാദുഷ, ഫെല്ലിനി ടി.പി, ഗണേഷ് ജോസ് എന്നിവരാണ് ചിത്രം നിര്‍മിക്കുന്നത്. ത്രില്ലര്‍ സ്വഭാവമുള്ള സിനിമയാണിത്. അഞ്ചാംപാതിര എന്ന സൂപ്പര്‍ ഹിറ്റ് ത്രില്ലറിന് ശേഷം കുഞ്ചാക്കോ ബോബന്‍ അഭിനയിക്കുന്ന ത്രില്ലറാണ് നിഴല്‍.