ഒരു പ്രതിക്കൊപ്പമുള്ള എട്ട് പൊലീസുകാരുടെ യാത്ര; 'കാക്കിപ്പട' പൂർത്തിയായി

ഷെബി ചൗഘട്ട് കഥയെഴുതി സംവിധാനം ചെയ്യുന്ന കാക്കിപ്പട എന്ന ചിത്രത്തിന്റെ ചിത്രീകരണം തിരുവനന്തപുരത്ത് പൂർത്തിയായി. പ്ലസ് ടു, ബോബി എന്നീ ചിത്രങ്ങൾക്കു ശേഷം ഷെബി ചാഘട്ട് സംവിധാനം ചെയ്യുന്ന ചിത്രമാണിത്.

മനുഷ്യമനസാക്ഷിയെ ഞെട്ടിച്ച ഒരു സംഭവത്തിൽ നിന്നുമാണ് ഈ ചിത്രത്തിന്റെ പ്രമേയത്തിന് രൂപം കൊടുത്തിരിക്കുന്നത്. ഒരു കേസന്വേഷണത്തിലൂടെയാണ് കഥ പുരോഗതിക്കുന്നത്. തെളിവെടുപ്പിനായി ഒരു പ്രതിക്കൊപ്പം സഞ്ചരിക്കേണ്ടി വരുന്ന എട്ട് ആംഡ് റിസർവ്വഡ് പൊലീസ് കോൺസ്റ്റബിൾ മാരുടെ ജീവിതത്തിലൂടെ ഈ സിനിമ സഞ്ചരിക്കുന്നു.

നിരഞ്ജ് മണിയൻ പിള്ള രാജു, അപ്പാനി ശരത്ത്, ചന്തു നാഥ്, സുജിത് ശങ്കർ മണികണ്ഠൻ ആചാരി, ആരാധിക, ജയിംസ് ഏല്യാ, സഞ്ജിമോൻ പാറായിൽ, വിനോദ് സാക്ക് ( രാഷസൻ ഫെ.യിം ) മാലാ പാർവ്വതി, സൂര്യ കൃഷ്ണാ, ഷിബുലാബൻ, പ്രദീപ് എന്നിവരാണ് ചിത്രത്തിൽ പ്രധാനകഥാപാത്രങ്ങളെ അവതരിപ്പിക്കുന്നത്.

എസ്.വി.ഫിലിംസൻറന്റെ ബാനറിൽ ഷെജി വലിയകത്ത് നിർമിക്കുന്ന ചിത്രത്തിന് സംഗീതം ഒരുക്കുന്നത് ജാസി ഗിഫ്റ്റാണ്. പ്രശാന്ത് കൃഷ്ണ ഛായാഗ്രഹണവും പ്രദീപ് ശങ്കർ എഡിറ്റിംഗും നിർവ്വഹിക്കുന്നു.