നിള ഇന്‍റർനാഷണൽ ഫോക്‌ലോർ ഫിലിം ഫെസ്റ്റിവൽ 30ന്

തൃശൂർ: ആറംങ്ങോട്ടുകര ആസ്ഥാനമാക്കി പ്രവർത്തിക്കുന്ന വയലി ഫോക് ലോർഗ്രൂപ്പിന്‍റെ ആഭിമുഖ്യത്തിൽ നിള ഇന്റർനാഷണൽ ഫോക്‌ലോർ ചലച്ചിത്രമേള സംഘടിപ്പിക്കും. ഒക്ടോബർ 30,31 നവംബർ 1 തിയതികളിലാണ് മേള. പ്രശസ്ത സിനിമ സംവിധായകനും ബേഡ്സ് ക്ലബ് ഇന്റർനാഷണൽ ഫൗണ്ടർ ഡയറക്ടറുമായ ജയരാജാണ് ഫിലിം ഫെസ്റ്റിവെൽ ചെയർമാൻ. റോൾഫ് കില്യൂസ് (ചരിത്രാന്വേഷകൻ-ലണ്ടൻ), രാം പ്രസാദ് കാദൽ (ഫൗണ്ടർ- മ്യൂസിക് മ്യൂസിയം ഓഫ് നേപ്പാൾ) എന്നിവർ മുഖ്യ ഉപദേശകരാണ്.

21 അന്താരാഷട്ര സിനിമകളാണ് 3 ദിവസങ്ങളിലായി നിഫിയുടെ യൂട്യൂബ് - ഫേസ്ബുക്ക് ചാനലുകളിലൂടെ പ്രദർശിപ്പിക്കുക. ഫെസ്റ്റിവലിന്‍റെ ഭാഗമായി ലഭിച്ച എല്ലാ സിനിമകളും വരും മാസങ്ങളിൽ പ്രദർശിപ്പിക്കാനുള്ള തയ്യാറെടുപ്പിലാണെന്ന് നിഫി ഡയറക്ടർ വിനോദ് നമ്പ്യാർ, കോഓർഡിനേറ്റർ ശ്രീജേഷ് രാധാകൃഷ്ണൻ, ജോയിന്റ് കോഓർഡിനേറ്റർ ഭാഗ്യനാഥ് മൂത്തേടത്ത്, ഫെസ്റ്റിവൽ കോഓർഡിനേറ്റർ അസീസ് ടി.പി എന്നിവർ അറിയിച്ചു.