ശതാഭിഷിക്തനായ ഗാനഗന്ധർവ്വന് സ്തുതിഗാനവുമായി നാദബ്രഹ്മമേ, ഒരുങ്ങുന്നത് അഞ്ചു ഭാഷകളിൽ

ശതാഭിഷിക്തനായ മലയാളത്തിന്‍റെ ഗാനഗന്ധർവ്വൻ ഡോ. കെ ജെ യേശുദാസിന് പ്രണാമമർപ്പിച്ച് അഞ്ചു ഭാഷകളിലായി പുറത്തിറങ്ങുന്ന ശതാഭിഷേക ഗാനമാണ് "നാദബ്രഹ്മമേ". എം.എസ് ക്രിയേഷൻസിൻന്‍റെ ബാനറിൽ മലയാളം, തമിഴ്, കന്നട, തെലുങ്ക്, ഹിന്ദി ഭാഷകളിലായാണ് നാദബ്രഹ്മമേ ഒരുക്കുന്നത്. ഇതിൽ മലയാളം, തമിഴ് പതിപ്പുകൾ ഉടൻ റിലീസാകും. മടവൂർ സുരേന്ദ്രനാണ് നിർമ്മാണവും മലയാളം പതിപ്പിന്‍റെ വരികളും രചിച്ചത്. കടയാൽ സത്യരാജാണ് തമിഴ് വരികൾ എഴുതിയത്. കല്ലറ ഗോപനാണ് മലയാളഗാനം ആലപിച്ചത്. ചലച്ചിത്ര സംഗീത സംവിധായകൻ ജി കെ ഹരീഷ്മണിയാണ് സംഗീത സംവിധാനം നിർവഹിച്ചത്. തമിഴ് പതിപ്പ് പാടിയതും ഹരീഷ്മണിയാണ്. അജയ് തുണ്ടത്തിൽ ആണ് പി ആർ ഒ.