'ദൃശ്യം 2'ന്​ ശേഷം മോഹൻലാലിനെ വെച്ച്​ മാസ്​ എൻറർടെയ്​നർ ഒരുക്കാൻ ബി. ഉണ്ണികൃഷ്​ണൻ

സൂപ്പർ താരം മോഹൻലാലും സംവിധായകൻ ബി. ഉണ്ണികൃഷ്​ണനും വീണ്ടും ഒന്നിക്കുന്നു. ദൃശ്യം 2വിന്​ ശേഷം ചിത്രീകരണം ആരംഭിക്കാൻ പോകുന്ന ചിത്രത്തിന്​ ഉദയ്​കൃഷ്​ണയാകും തിരക്കഥയൊരുക്കുക.

മാടമ്പി, ഗ്രാൻഡ്​മാസ്​റ്റർ, മിസ്​റ്റർ ഫ്രോഡ്​, വില്ലൻ എന്നീ ചിത്രങ്ങൾ മോഹൻ ലാൽ- ബി. ഉണ്ണികൃഷ്​ണൻ കൂട്ടുകെട്ടിൽ പിറന്നവയാണ്​. ഗ്രാമീണ അന്തരീക്ഷത്തിൽ ഒരുക്കുന്ന ചിത്രത്തിന്​ 30 കോടി ബജറ്റാണ്​ പ്രതീക്ഷിക്കുന്നത്​.​

കേരളത്തി​െല കുടുംബപ്രേക്ഷകരെ തൃപ്​തിപ്പെട​ുത്തുന്ന വിധത്തിൽ മാസ്​ എൻറർടെയ്​നർ ചിത്രം ഒരുക്കാനാണ്​ സംവിധായകൻ പദ്ധതിയിടുന്നത്​.

പാലക്കാടും ഹൈദരാബാദിലുമായായിരിക്കും ചിത്രീകരണം. രാഹുൽ രാജാണ്​ സംഗീതം. ഷമീർ മുഹമ്മദ്​ എഡിറ്റിങ്​ നിർവഹിക്കും. ദിലീപ്​ ​നായകനായെത്തിയ 'കോടതി സമക്ഷം ബാലൻ വക്കീൽ'ആയിരുന്നു ബി. ഉണ്ണികൃഷ്​ണൻ അവസാനം സംവിധാനം നിർവഹിച്ച ചിത്രം.