Begin typing your search above and press return to search.
proflie-avatar
Login
exit_to_app
exit_to_app
Homechevron_rightEntertainmentchevron_rightMovie Newschevron_right'യഥാർഥ നായകൻ എപ്പോഴും...

'യഥാർഥ നായകൻ എപ്പോഴും ഒറ്റയ്ക്കാണ്'; ഷാജി കൈലാസിനൊപ്പം 'എലോൺ' ടൈറ്റിൽ പുറത്തുവിട്ട്​ മോഹൻലാൽ

text_fields
bookmark_border
alone movie title release
cancel

12 വർഷത്തിന്​ ശേഷം നടൻ മോഹൻലാലും സംവിധായകൻ ഷാജി കൈലാസും വീണ്ടും ഒന്നിക്കുന്ന ചിത്രത്തിന്​ 'എലോൺ' എന്ന്​ പേരിട്ടു. 'ഷാജിയുടെ നായകന്മാര്‍ എപ്പോഴും ശക്തരാണ്, ധീരരാണ്. യഥാര്‍ഥ നായകന്‍ എല്ലായ്പ്പോഴും തനിച്ചാണ്. അത് ഈ ചിത്രം കാണുമ്പോള്‍ നിങ്ങള്‍ക്ക് മനസിലാവും' -ടൈറ്റിൽ പ്രഖ്യാപന വേളയിൽ നടൻ മോഹന്‍ലാൽ പറഞ്ഞു. സംവിധായകൻ ഷാജി കൈലാസ്​, നിർമാതാവ് ആന്‍റണി പെരുമ്പാവൂർ സാന്നിധ്യത്തിലായിരുന്നു ചിത്രത്തിന്‍റെ ടൈറ്റിൽ പുറത്തുവിട്ടത്​.

2009ൽ റിലീസ് ചെയ്ത റെഡ് ചില്ലീസ് ആണ് ഷാജി കൈലാസ്–മോഹൻലാൽ കൂട്ടുകെട്ടിൽ അവസാനം പുറത്തിറങ്ങിയ സിനിമ. 1997ൽ പുറത്തിറങ്ങിയ ആറാം തമ്പുരാനിലൂടെയാണ്​ മോഹൻലാലും ഷാജി കൈലാസും ആദ്യമായി ഒന്നിച്ചത്. ചിത്രം വൻവിജയമായി മാറി. 2000ൽ നരസിംഹത്തിലുടെ കൂട്ടുകെട്ട്​ വീണ്ടും ബോക്​സ്​ ഓഫീസ്​ റെക്കോഡുകൾ ഭേദിച്ചു. താണ്ഡവം, നാട്ടുരാജാവ്, ബാബാ കല്യാണി, അലി ഭായ്​ എന്നിവയാണ് മറ്റു ചിത്രങ്ങൾ.

ആശീർവാദ് സിനിമാസിന്‍റെ 30ാം ചിത്രമായ എലോണിന്​ രാജേഷ് ജയറാമാണ്​ തിരക്കഥ ഒരുക്കുന്നത്​. ഷാജിയുടെ ടൈം, സൗണ്ട് ഓഫ് ബൂട്ട്, മദിരാശി, ജിഞ്ചര്‍ എന്നീ സിനിമകളുടെയും രചന രാജേഷ് ജയറാമായിരുന്നു. അഭിനന്ദൻ രാമാനുജമാണ്​ ഛായാഗ്രഹണം. സംഗീതം ജേക്സ് ബിജോയ്​യും എ‍ഡിറ്റിങ് ഡ‍ോൺമാക്സും നിർവഹിക്കുന്നു.

പൃഥ്വിരാജിനെ നായകനാക്കി ഷാജി കൈലാസ്​ 'കടുവ' എന്ന ചിത്രം സംവിധാനം ചെയ്യ​ുന്നുണ്ട്​. എന്നാൽ കോവിഡ്​ രണ്ടാംതരംഗത്ത തുടർന്ന്​ ചിത്രത്തിന്‍റെ ഷൂട്ടിങ്​ നിർത്തിവെക്കുകയായിരുന്നു. ഒരുപക്ഷേ കടുവക്ക്​ മുമ്പായി എലോൺ ആയിരിക്കും പ്രേക്ഷകരിലേക്ക്​ ആദ്യം എത്തുക.

നിരവധി ചിത്രങ്ങളാണ്​ മോഹൻലാലി​േന്‍റതായി അണിയറയിൽ ഒരുങ്ങുന്നത്​. പ്രിയദര്‍ശന്‍റെ ബിഗ്​ബജറ്റ്​ ചിത്രം മരക്കാരും ബി. ഉണ്ണികൃഷ്‍ണന്‍റെ ആറാട്ടും റിലീസ്​ കാത്ത്​ നിൽക്കുകയാണ്​.

ലൂസിഫറിന്‍റെ വമ്പൻ വിജയത്തിന്​ ശേഷം പൃഥ്വിരാജ്-മോഹൻലാൽ കൂട്ടുകെട്ട്​ വീണ്ടും ഒരുമിച്ച 'ബ്രോ ഡാഡി' പോസ്റ്റ് പ്രൊഡക്ഷന്‍ ഘട്ടത്തിലാണ്. ദൃശ്യം 2നു ശേഷം ജീത്തു ജോസഫ് സംവിധാനം ചെയ്യുന്ന ട്വൽത്ത്മാന്‍റെ ചിത്രീകരണം കഴിഞ്ഞ ദിവസം പൂര്‍ത്തിയായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Mohanlalshaji kailasAlone movie
News Summary - Mohanlal Reveals The Title Of His Next Project 'Alone' With Shaji Kailas
Next Story