ഈ വിയോഗം വിശ്വസിക്കാനാവുന്നില്ല- സി.ജെ റോയിയുടെ മരണത്തിൽ അനുശോചിച്ച് മോഹൻലാൽ

കോണ്‍ഫിഡന്റ് ഗ്രൂപ്പ് ഉടമയായ മലയാളി വ്യവസായി സി.ജെ റോയിയുടെ അപ്രതീക്ഷിത മരണവാര്‍ത്ത ബിസിനസ് ലോകത്തെ എന്ന പോലെ സിനിമാ ലോകത്തെയും ഒരു പോലെ ഞെട്ടിച്ചിരിക്കുകയാണ്.

സിനിമ നിർമാണ രംഗത്തും വ്യക്തിമുദ്ര പതിപ്പിച്ച സി.ജെ. റോയുടെ വിയോഗത്തിൽ അനുശോചിച്ച് നടൻ മോഹൻലാൽ സമൂഹമാധ്യമത്തിൽ കുറിപ്പ് പങ്കുവെച്ചു. സൗഹൃദത്തിനുമപ്പുറമുള്ള ബന്ധമായിരുന്നു റോയ്‌യുമായി ഉണ്ടായിരുന്നതെന്ന് മോഹൻലാൽ കുറിച്ചു. വിയോഗം വിശ്വസിക്കാൻ കഴിയുന്നില്ലെന്നും ദു:ഖത്തിൽ കുടുംബത്തിനൊപ്പം പങ്കുചേരുന്നുവെന്നും അദ്ദേഹം പറഞ്ഞു.

'പ്രിയ സുഹൃത്ത് സി.ജെ. റോയ്‌യുടെ വിയോഗം വിശ്വസിക്കാനാവുന്നില്ല. വലിയ വേദനയാണ് ഈ വിയോഗം സൃഷ്ടിച്ചിട്ടുള്ളത്. ഈ വിയോഗത്തിൽ കുടുംബത്തിന്‍റെ ദു:ഖത്തിനൊപ്പം പങ്കു ചേരുന്നു. സൗഹൃദത്തിനുപ്പുറമുള്ള ബന്ധമായിരുന്നു അദ്ദേഹമായി ഉണ്ടായിരുന്നത്. എപ്പോഴും സ്‌നേഹത്തോടയും വാത്സല്യത്തോടേയും ഓർമിക്കപ്പെടും', എന്നായിരുന്നു മോഹൻലാലിന്റെ കുറിപ്പ്.