Begin typing your search above and press return to search.
proflie-avatar
Login
exit_to_app
exit_to_app
Homechevron_rightEntertainmentchevron_rightMovie Newschevron_rightചൈനയെയും...

ചൈനയെയും പൊട്ടിച്ചിരിപ്പിച്ച്​ 'മിന്നൽ മുരളി'; ​30 രാജ്യങ്ങളിലെ നെറ്റ്​ഫ്ലിക്​സ്​ ടോപ്​ 10ൽ

text_fields
bookmark_border
minnal murali1
cancel

മലയാളത്തിന്‍റെ സ്വന്തം സൂപ്പർ ഹീറോ 'മിന്നൽ മുരളി' നെറ്റ്​ഫ്ലിക്സിന്‍റെ ആഗോള ഹിറ്റ്​ ചാർട്ടിൽ ഇടംപിടിക്കുകയാണ്​. റിലീസ്​ ചെയ്യുന്നതിന്​ മുമ്പേ തന്നെ ഇന്ത്യയിലെ ഹോട്ട്​ടോപ്പിക്കുകളിലൊന്നായി മാറിയ ബേസിൽ ജോസഫ്-ടോവിനോ തോമസ്​​ ചിത്രം നെറ്റ്​ഫ്ലിക്സിന്‍റെ ഇംഗ്ലീഷ്​ ഇതര വിഭാഗത്തിൽ ടോപ്​ മൂന്നാം സ്ഥാനത്താണ്​ നിലയുറപ്പിച്ചിരിക്കുന്നത്​.

മലയാളത്തിന്​ പുറമെ ഹിന്ദി, ഇംഗ്ലീഷ്​, തമിഴ്​, തെലുഗു, കന്നഡ ഭാഷകളിലായി റിലീസ്​ ചെയ്ത ചിത്രം ഭാഷാ അതിർവരമ്പുകൾ ഭേദിച്ച്​ നിരവധി പേരെ രസിപ്പിച്ച്​ മുന്നേറുകയാണ്​.

മിന്നൽ മുരളി ചൈനയിലും ഹിറ്റായ വിഡിയോ ഇൻസ്റ്റഗ്രാമിൽ പങ്കുവെച്ചിരിക്കുകയാണ്​ സംവിധായകൻ ബേസിൽ. ചൈനയിലെ സ്കൂളിൽ മിന്നൽ മുരളി പ്രദർശിപ്പിക്കവേ പൊട്ടിച്ചിരിക്കുന്ന കുട്ടികളുടെ ദൃശ്യങ്ങളാണ്​ വിഡിയോയിലുള്ളത്​. ഈ വിഡിയോ എന്‍റെ ദിനം ധന്യമാക്കിയെന്നാണ്​ ബേസിൽ കുറിച്ചത്​. മികച്ച സിനിമ ആളുകൾക്ക്​ ഇഷ്ടപ്പെടാൻ ഭാഷ ഒരു പ്രശ്നമേയല്ലെന്നാണ്​ആരാധകർ കമന്‍റിടുന്നത്​.

അതോടൊപ്പം മിന്നൽ മുരളി 30 രാജ്യങ്ങളിലെ ടോപ്​ 10ൽ ഇടംപിടിച്ചതായും ബേസിൽ സോഷ്യൽ മീഡിയയിലൂടെ അറിയിച്ചു. അർജന്‍റീന, ബ്രസീൽ, ബൊളീവിയ, ചിലെ, ഡൊമിനിക്കൻ റിപബ്ലിക്​, ഹോണ്ടുറാസ്​, ജമൈക്ക, പെറു, യുറുഗ്വായ്​ എന്നിവക്കൊപ്പം ആഫ്രക്കയിലെ മൗറീഷ്യസിലും നൈജീരിയയിലും മിന്നൽ മുരളി ട്രെൻഡിങ്ങായി. ഏഷ്യയിൽ ഗൾഫ്​ രാജ്യങ്ങൾക്ക്​ പുറമെ ബംഗ്ലാദേശ്​, മലേഷ്യ, മാലദ്വീപ്​, പാകിസ്താൻ, സിംഗപൂർ, ശ്രീലങ്ക എന്നിവിടങ്ങളിലും മിന്നൽ മുരളി ട്രെൻഡിങ്​ പട്ടികയിലുണ്ട്​.


മലയാളത്തിലെ ആദ്യ സൂപ്പർ ഹീറോ ചി​ത്രമായ മിന്നൽ മുരളി കഴിഞ്ഞ ഡിസംബർ 24ന്​ നെറ്റ്​ഫ്ലിക്സിലൂടെയാണ്​ പ്രേക്ഷകരിലേക്കെത്തിയത്​. ആദ്യ ദിനം തന്നെ ചിത്രം നെറ്റ്​ഫ്ലിക്സ്​ ഇന്ത്യയുടെ ട്രെൻഡിങ്​ ലിസ്റ്റിൽ എത്തി. തുടർച്ചയുണ്ടാകുമെന്ന്​ സൂചന നൽകിയാണ്​ ചിത്രം അവസാനിച്ചതെന്നതിനാൽ തന്നെ രണ്ടാം ഭാഗത്തിനായുള്ള കാത്തിരിപ്പിലാണ്​ ആരാധകർ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Basil JosephMinnal MuraliNetflix top 10china
News Summary - ‘Minnal Murali’ made Chinese kids laugh; in the netflix top 10 of 30 countries
Next Story