സൈനു ചാവക്കാടൻ സംവിധാനം ചെയ്യുന്ന "മസ്താൻ" എന്ന ചിത്രത്തി​െൻറ ടൈറ്റിൽ പോസ്റ്റർ പുറത്ത്​

കടൽ പറഞ്ഞ കഥ, ആൾക്കൂട്ടത്തിൽ ഒരുവൻ, ഇക്കാക്ക എന്നീ സിനിമകൾക്ക് ശേഷം സൈനു ചാവക്കാടൻ സംവിധാനം ചെയ്യുന്ന "മസ്താൻ" എന്ന ചിത്രത്തി​െൻറ ടൈറ്റിൽ പോസ്റ്റർ പുറത്തിറങ്ങി. ഹൈ ഹോപ്സ് ഫിലിം ഫാക്ടറി, ഹൈസീസ് ഇൻറർനാഷണൽ എന്നിവയുടെ ബാനറിൽ ബോണി അസ്സനാർ, റോബിൻ തോമസ്, സോണിയൽ വർഗീസ്, വിഷ്ണു വി.എസ് എന്നിവർ ചേർന്ന് നിർമിക്കുന്ന ചിത്രത്തി​െൻറ ഷൂട്ടിങ് ഉടൻ ആരംഭിക്കും.

നിത്യജീവിതത്തിൽ നാം കണ്ടില്ല എന്ന് നടിക്കുന്ന പലതും, നഷ്ടപ്പെടുത്തുന്നത് വരുംതലമുറയുടെ അവകാശം കൂടി ആണെന്ന് വിളിച്ചു പറയുന്ന 'മസ്താൻ' ചാലക്കുടിയുടെ പശ്ചാത്തലത്തിൽ ഓട്ടോ തൊഴിലാളിയായ ചെറുപ്പക്കാര​െൻറയും സുഹൃത്തുക്കളുടെയും ജീവിതമാണ് മുന്നോട്ടുവെക്കുന്നത്. ചിത്രത്തി​െൻറ തിരക്കഥ ഒരുക്കിയിരിക്കുന്നത് അപ്പു വൈപ്പിൻ ആണ്.

ആൾക്കൂട്ടത്തിൽ ഒരുവൻ, ഇക്കാക്ക, എന്നീ സിനിമകൾക്ക് ശേഷം ഹൈഹോപ്സ് ഫിലിം ഫാക്ടറിയും, ഹൈസീസ് ഇന്റർനാഷണലും സൈനു ചാവക്കാടനും വീണ്ടും കൈകോർക്കുമ്പോൾ പുതിയ രണ്ട് സിനിമകളാണ് ഈ വർഷം ചിത്രീകരണം ആരംഭിക്കുന്നത്. ബിന്ദു എൻ കെ പയ്യാനൂരും, സലേഷ് ശങ്കർ എന്നിവർ കഥയും തിരക്കഥയും എഴുതിയ പുതിയ ചിത്രത്തി​െൻറ ടൈറ്റിൽ ലോഞ്ചിങ് 2021 ആഗസ്റ്റ് 17 (ചിങ്ങം ഒന്നിന് ) എറണാകുളത്ത് വെച്ച് നടക്കും. ഇരുചിത്രങ്ങളിലും മലയാളത്തിലെ പ്രേക്ഷകരുടെ പ്രിയ താരങ്ങൾ അഭിനയിക്കുമെന്ന് നിർമ്മാതാക്കൾ പറഞ്ഞു. ചിത്രത്തിൻ്റെ കൂടുതൽ വിവരങ്ങൾ പുറത്ത് വിട്ടട്ടില്ല.

ഷിജു, ജിജോ ഭാവചിത്ര എന്നിവരാണ് ചിത്രത്തിൻ്റെ ക്യാമറ കൈകാര്യം ചെയ്യുന്നത്. എഡിറ്റർ- ഷാൻ ആഷിഫ്, പ്രോജക്ട് ഡിസൈനർ- ബോണി അസ്സനാർ, പ്രൊഡക്ഷൻ കൺട്രോളർ- ഷജീർ അഴീക്കോട്, സംഗീതം- പ്രദീപ് ബാബു & ഭിമൽ പങ്കജ്, കലാ സംവിധാനം- ഷറീഫ്,കോസ്റ്റ്യൂം- ബിന്ദു എൻ.കെ പയ്യന്നൂർ, പി.ആർ.ഒ- പി.ശിവപ്രസാദ് എന്നിവരാണ് മറ്റ് അണിയറ പ്രവർത്തകർ.