നാടൻ പെണ്ണിന്‍റെ അതിജീവന പോരാട്ടവുമായി 'താഹിറ' ഇന്ത്യൻ പനോരമയിലേക്ക്​

അക്ഷരഭ്യാസം കുറഞ്ഞ നിർധനയായ ഒരു നാടൻ പെണ്ണി​െൻറ അതിജീവന​ പോരാട്ടം അവളിലുടെ തന്നെ ​പറഞ്ഞുവെച്ച 'താഹിറ' എന്ന കൊടുങ്ങല്ലൂരി​െൻറ സിനിമ ഇന്ത്യൻ പനോരമയിലേക്ക്​. ഗോവയിൽ നടക്കുന്ന അന്തരാഷ്​ട്ര ചലച്ചിത്രോത്​സവത്തി​െൻറ ഇന്ത്യൻ പനോരമ വിഭാഗത്തിലേക്കാണ്​ പ്രദേശിക സിനിമ പ്രവർത്തകർ അണി​യിച്ചൊരുക്കിയ 'താഹിറ' തെരഞ്ഞെടുക്കപ്പെട്ടത്​.

കൊടുങ്ങല്ലൂരിലെ അഴീക്കോട്​ ഗ്രാമത്തിൽ ജനിച്ച്​ ചെറുപ്രായത്തിൽ തന്നെ ജീവിതത്തോട്​ പൊരുതി നീങ്ങുന്ന ജീവിതമാണ്​ താഹിറയുടേത്​. വാപ്പയുടെ മരണത്തോടെ കുടുംബ പ്രാരാബ്​ധങ്ങൾ ചുമലിലേറ്റി കൂടപിറപ്പുകളെ ചേർത്തുപിടിച്ച്​ അവരെ പല കരകളിലെത്തിക്കുന്ന, പരിഷ്​കാരം എന്തെന്നറിയാത്ത താഹിറയുടെ ജീവിത സമരം നാട്ടിലെ ഒരു സാധാരണ കാഴ്​ചയാണെങ്കിലും അതി​െൻറ ചലച്ചിത്ര രൂപം​ വേറി​ട്ടൊരു ദൃ​ശ്യാനുഭവമാക്കാൻ അണിയറ പ്രവർത്തകർക്ക്​ കഴിഞ്ഞു.

ഇരുചക്രവാഹനത്തിൽ സഞ്ചരിച്ച്​ ഏത്​ പണിയും അനായാസേന ചെയ്​ത്​ കുടുബം പുലർത്തുന്നതിനിടെ സ്വന്തം ജീവിതം മറന്ന താഹിറയുടെ കഥ അവൾ തന്നെയാണ്​ ഏറെ തൻമയത്തത്തോടെ വെള്ളിത്തിരയിൽ അവതരിപ്പിച്ചത്​. കേൾവി തകരാറുള്ള താഹിറ നായികയായ സിനിമയിൽ പൂർണ അന്ധനായ ക്ലിൻറ്​ മാത്യുവാണ് നായക വേഷം അണിയുന്നത്​. പാലക്കാട്​ ശ്രീകൃഷ്​ണപുരം ഹെലൻ കെല്ലർ സ്​പെഷൽ സ്കൂൾ അധ്യാപകനായ ക്ലിൻറ്​ മാത്യു തന്നെയാണ്​ കഥാപാത്രത്തിന്​ ഡബ്ബ്​ ചെയ്​തിരിക്കുന്നതും​. ഈ സിനിമയുടെ പ്രമോഷൻ കണ്ട്​ ഒരു അധ്യാപിക ക്ലിൻറി​െൻറ ജീവിതസഖിയാകാൻ മുന്നോട്ട്​ വരികയും ചെയ്​തു.

'താഹിറ'യുടെ കഥയും തിരക്കഥയും സംഭാഷണവും സംവിധാനവും നിർമാണവും സിദ്ദീഖ്​​ പറവൂരാണ്​ നിർവഹിച്ചിരിക്കുന്നത്​. തികച്ചും സാഹസികമായ ഒരു പരിക്ഷണമാണ്​ ഈ സിനിമിയെന്ന്​ സിദ്ദീഖ്​ പറഞ്ഞു. കൊടുങ്ങല്ലൂരിലെ സാധാരണക്കാരായവരുടെ ചലച്ചിത്രം രാജ്യത്തെ മികച്ച സിനിമകൾക്കൊപ്പം തെരഞ്ഞെടുക്കപ്പെട്ടത്​ തങ്ങൾക്കും നാടിനും ഏറെ അഭിമാനം നൽകുന്നതാണ്​. സിനിമ പിടിച്ചതിലൂടെ 29 ലക്ഷം രപയുടെ കടബാധ്യതയാണ്​ ഉണ്ടായതെന്നും ഇത്തരമൊരു അവസ്​ഥക്ക്​​​ പരിഹാരം കാണാൻ കലാസംഘടനകളും കലയെ സ്​നേഹിക്കുന്നവരും മുന്നോട്ട്​ വരേണ്ടതുണ്ടെന്നും അദ്ദേഹം പറഞ്ഞു.