മനസ് നിറച്ച് രേവതി - പ്രകാശ് രാജ് കോമ്പോ; ഒ.ടി.ടിയിലും പ്രേക്ഷക ശ്രദ്ധ നേടി 'മേജര്'
text_fieldsമേജര് സന്ദീപ് ഉണ്ണികൃഷ്ണന്റെ ജീവിതം വെള്ളിത്തിരയിലെത്തിച്ച 'മേജര്' ഒ.ടി.ടിയിലും പ്രേക്ഷക ശ്രദ്ധ നേടുന്നു. സന്ദീപ് ഉണ്ണികൃഷ്ണനെ തെലുങ്ക് താരം അദിവി ശേഷ് അവതരിപ്പിച്ചപ്പോള് പ്രകാശ് രാജ്, രേവതി, സെയ് മഞ്ജരേക്കര്, മുരളി ശര്മ എന്നിവരാണ് മറ്റ് പ്രധാന കഥാപാത്രങ്ങളായെത്തിയത്.
സന്ദീപിന്റെ അച്ഛന്റേയും അമ്മയുടെയും റോളുകളാണ് പ്രകാശ് രാജും രേവതിയും അവതരിപ്പിച്ചത്. പ്രകാശ് രാജ്- രേവതി കോമ്പോ സിനിമയില് മികച്ച രീതിയില് അവതരിപ്പിക്കാനായി. രേവതി അദിവി ശേഷ് കോമ്പോ സീനുകളും മികച്ചതായിരുന്നു.
മകനെ നഷ്ടപ്പെട്ടതറിയുന്ന രേവതിയുടെ പ്രകടനം പ്രേക്ഷകരുടെ കണ്ണുകളെ ഈറനണിയിക്കുന്നതായിരുന്നു. സിനിമ അവസാനിക്കുന്ന രംഗങ്ങളില് മകനെ നഷ്ടപ്പെട്ട വേദനക്കിടിയിലും അവന്റെ സമര്പ്പണമോര്ത്ത് ആത്മാഭിമാനത്തോടെ തല ഉയര്ത്തി നില്ക്കുന്ന പ്രകാശ് രാജിന്റെ കഥാപാത്രം കാണികളുടെ മനസില് തങ്ങി നില്ക്കും.
ശശി കിരണ് ടിക്ക സംവിധാനം ചെയ്ത ചിത്രത്തിന്റെ തിരക്കഥ നിര്വഹിച്ചിരിക്കുന്നത് അദിവി ശേഷ് തന്നെയാണ്. ശോഭിത ധൂലിപാല, മുരളി ശര്മ എന്നിവര്ക്ക് വളരെ കുറച്ച് സമയം മാത്രമാണ് ലഭിച്ചതെങ്കിലും അവരും തങ്ങളുടെ റോളുകള് ഗംഭീരമാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.