ഓണാട്ടുകരയുടെ മഹേശ്വരി; കെ.പി.എ.സിയുടെ ലളിത

നാ​ട​ക​ത്ത​ട്ടു​ക​ളി​ൽ​നി​ന്ന്​ ക​ലാ​ലോ​ക​ത്തേ​ക്ക് പ​റ​ന്നു​യ​ർ​ന്ന മ​ഹേ​ശ്വ​രി എ​ന്ന കെ.​പി.​എ.​സി ല​ളി​ത​യു​ടെ ഓ​ർ​മ​ക​ളി​ലാ​ണ്​ ഓ​ണാ​ട്ടു​ക​ര. നാ​ടി‍ന്‍റെ വാ​മൊ​ഴി വ​ഴ​ക്കം അ​ഭ്ര​പാ​ളി​ക​ളി​ലെ​ത്തി​ച്ച് വി​സ്മ​യം തീ​ർ​ത്ത ക​ലാ​കാ​രി​യു​ടെ വി​യോ​ഗം നാ​ടി‍ന്‍റെ തീ​രാ​ന​ഷ്ട​മാ​യി. കെ.​പി.​എ.​സി എ​ന്ന ജ​ന​കീ​യ നാ​ട​ക പ്ര​സ്ഥാ​ന​ത്തെ പേ​രി​നൊ​പ്പം കൂ​ട്ടി​യ​തി​ലൂ​ടെ ഓ​ണാ​ട്ടു​ക​ര​യു​ടെ അ​സ്​​തി​ത്വ​മാ​ണ് മ​ര​ണം വ​രെ​യും അ​വ​ർ ഉ​യ​ർ​ത്തി​ക്കാ​ട്ടി​യ​ത്. കാ​യം​കു​ളം രാ​മ​പു​രം ക​ട​യ്​​ക്ക​ൽ ത​റ​യി​ൽ അ​ന​ന്ത​ൻ നാ​യ​രു​ടെ​യും ഭാ​ർ​ഗ​വി​യ​മ്മ​യു​ടെ​യും മ​ക​ളാ​യി ജ​നി​ച്ച മ​ഹേ​ശ്വ​രി നൃ​ത്ത​വേ​ദി​ക​ളി​ലൂ​ടെ​യാ​ണ് ക​ലാ​ലോ​ക​ത്തേ​ക്ക് പ്ര​വേ​ശി​ക്കു​ന്ന​ത്. കേ​ര​ളം നെ​ഞ്ചേ​റ്റി​യ 'പൊ​ന്ന​രി​വാ​ള​മ്പി​ളി​യി​ൽ ക​ണ്ണെ​റി​യു​ന്നോ​ളെ' എ​ന്ന പാ​ട്ടി​ന് ചു​വ​ടു​വെ​ച്ചാ​യി​രു​ന്നു തു​ട​ക്കം. 10 വ​യ​സ്സ്​ മു​ത​ലാ​ണ് അ​ഭി​ന​യ​ത്തി​ൽ സ​ജീ​വ​മാ​യ​ത്. കെ.​പി.​എ.​സി​യി​ൽ ഗാ​യി​ക​യാ​യി​ട്ടാ​യി​രു​ന്നു തു​ട​ക്കം. മൂ​ല​ധ​നം, നി​ങ്ങ​ളെ​ന്ന ക​മ്യൂ​ണി​സ്റ്റാ​ക്കി തു​ട​ങ്ങി​യ നാ​ട​ക​ങ്ങ​ളി​ലെ പ്ര​ധാ​ന പാ​ട്ടു​കാ​രി​യാ​യി​രു​ന്നു.

പി​ന്നീ​ട് സ്വ​യം​വ​രം, അ​നു​ഭ​വ​ങ്ങ​ള്‍ പാ​ളി​ച്ച​ക​ള്‍, കൂ​ട്ടു​കു​ടും​ബം, ശ​ര​ശ​യ്യ, തു​ലാ​ഭാ​രം തു​ട​ങ്ങി​യ പ്ര​ശ​സ്ത നാ​ട​ക​ങ്ങ​ളി​ല്‍ വേ​ഷ​മി​ട്ടു. ഇ​തി​ലൂ​ടെ രൂ​പ​പ്പെ​ടു​ത്തി​യ അ​ഭി​ന​യ​പാ​ട​വ​വു​മാ​യാ​ണ് സി​നി​മ​യി​ലേ​ക്ക് പ്ര​വേ​ശി​ക്കു​ന്ന​ത്.

തോ​പ്പി​ൽ​ഭാ​സി​യു​ടെ 'കൂ​ട്ടു​കു​ടും​ബം' സി​നി​മ​യാ​ക്കി​യ​പ്പോ​ൾ ക​ന്നി​ക്കാ​രി​യാ​യി ക​ട​ന്നു​വ​ന്ന്​ പി​ന്നീ​ട് മ​ല​യാ​ള സി​നി​മ​യു​ടെ അ​വി​ഭാ​ജ്യ​ഘ​ട​ക​മാ​യി ഉ​യ​രു​ക​യാ​യി​രു​ന്നു അ​വ​ർ. തോ​പ്പി​ൽ​ഭാ​സി​യാ​ണ്​ മ​ഹേ​ശ്വ​രി​യ​മ്മ​യെ 'ല​ളി​ത'​യാ​ക്കി ക​ലാ​ലോ​ക​ത്തി​ന്​ സ​മ്മാ​നി​ച്ച​ത്. പി​ന്നീ​ട്​ കെ.​പി.​എ.​സി​യും പേ​രി​നൊ​പ്പം ചേ​ർ​ത്തു. തോ​പ്പി​ൽ​ഭാ​സി​യോ​ടു​ള്ള ആ​ദ​രം​ ല​ളി​ത എ​ല്ലാ​ക്കാ​ല​വും സൂ​ക്ഷി​ച്ചു. തി​ര​ക്കേ​റി​യ സി​നി​മ​ജീ​വി​ത​ത്തി​നി​ട​യി​ലും ഓ​ണാ​ട്ടു​ക​ര​യി​ലെ കു​ടും​ബ​ബ​ന്ധ​ങ്ങ​ൾ നി​ല​നി​ർ​ത്തു​ന്ന​തി​ൽ ക​ണി​ശ​ത പു​ല​ർ​ത്തി​യി​രു​ന്ന​താ​യി മാ​തൃ​സ​ഹോ​ദ​ര​ൻ കൃ​ഷ്ണ​പു​രം കു​ന്ന​ത്താ​ലും​മൂ​ട് അ​മ്മ​വീ​ട്ടി​ൽ വേ​ലാ​യു​ധ​ൻ പി​ള്ള (83) ഓ​ർ​മി​ക്കു​ന്നു. തി​ര​ക്കു​ക​ൾ​ക്കി​ട​യി​ൽ കു​ടും​ബ​വി​ശേ​ഷ​ങ്ങ​ളി​ൽ പ​ല​പ്പോ​ഴും ല​ളി​ത​ക്ക് പ​​ങ്കെ​ടു​ക്കാ​ൻ ക​ഴി​ഞ്ഞി​രു​ന്നി​ല്ല. ഫോ​ൺ​വി​ളി​ക​ളി​ലൂ​ടെ​യാ​ണ് ഈ ​വി​ട​വ് നി​ക​ത്തി​യി​രു​ന്ന​ത്. വാ​ർ​ധ​ക്യ അ​വ​ശ​ത​ക​ൾ കാ​ര​ണം സം​സ്കാ​ര​ച്ച​ട​ങ്ങി​ന് പ​​ങ്കെ​ടു​ക്കാ​ൻ ക​ഴി​യാ​തി​രു​ന്ന​തി‍ന്‍റെ വി​ഷ​മ​ത്തി​ലാ​ണ്​ വേ​ലാ​യു​ധ​ൻ പി​ള്ള.