കുമാരനാശാന്റെ ജീവിതം സിനിമയാകുന്നു; പ്രദർശനം 16 മുതൽ

കൊച്ചി: മഹാകവി കുമാരനാശാന്റെ ജീവിതം സിനിമയാകുന്നു. കെ.പി. കുമാരന്‍ രചനയും സംവിധാനവും നിര്‍വഹിക്കുന്ന ‘ഗ്രാമവൃക്ഷത്തിലെ കുയില്‍’ ചിത്രത്തിലൂടെയാണ് കുമാരനാശാന്റെ ജീവിതം അഭ്രപാളികളിലെത്തുന്നത്. 16ന് ചിത്രം റിലീസ് ചെയ്യുമെന്ന് അണിയറ പ്രവര്‍ത്തകര്‍ വാർത്തസമ്മേളനത്തിൽ പറഞ്ഞു.

ചരിത്രം വേണ്ടരീതിയിൽ അടയാളപ്പെടുത്താത്ത കുമാരനാശാന്‍റെ നൂറാം ചരമവർഷികത്തിന്‍റെ ഭാഗമായാണ് ചിത്രം പുറത്തിറക്കുന്നത്. വാര്‍ത്തസമ്മേളനത്തില്‍ സംവിധായകന്‍ കെ.പി. കുമാരന്‍, നിര്‍മാതാവ് എം. ശാന്തമ്മ പിള്ള, സുരേഷ്, വേണു എന്നിവര്‍ പങ്കെടുത്തു.