Top
Begin typing your search above and press return to search.
exit_to_app
exit_to_app
Homechevron_rightEntertainmentchevron_rightMovie Newschevron_rightമലയാളി മറക്കൂമോ,...

മലയാളി മറക്കൂമോ, 'എന്റെ മകനാണ് ഇവൻ... ഇവന്‍റെ മകനാണ് അവൻ... അവന്‍റെ മകനാണ് ഇവൻ...'

text_fields
bookmark_border
മലയാളി മറക്കൂമോ, എന്റെ മകനാണ് ഇവൻ... ഇവന്‍റെ മകനാണ് അവൻ... അവന്‍റെ മകനാണ് ഇവൻ...
cancel

തൃപ്പൂണിത്തുറ തെക്കുംഭാഗം പടന്നയിൽ വീട്ടിൽ കെ.ടി. സുബ്രഹ്മണ്യൻ എന്ന കെ.ടി.എസ്​ പടന്നയിൽ വിടപറയു​േമ്പാൾ, മലയാള ചലചിത്ര പ്രേമികൾക്ക്​ മറക്കാൻ കഴിയാത്ത വേഷങ്ങൾ ഏറെ. തന്‍റെ സാന്നിധ്യ​ം ​കൊണ്ട്​ തന്നെ, പ്രേക്ഷക മനസിൽ ഇടം നേടിയ കഥാപാത്രങ്ങൾ കൊണ്ട്​ സമ്പന്നമാണ്​ പടന്നയി​ലിന്‍റെ അഭിനയ ജീവിതം. മലയാളിയെ പൊട്ടിച്ചിരിപ്പിച്ച , 'എന്റെ മകനാണ് ഇവൻ... ഇവന്‍റെ മകനാണ് അവൻ... അവന്‍റെ മകനാണ് ഇവൻ...' എന്ന ഡയലോഗ്​ മാത്രം മതി ആ അഭി​നയ ജീവിത​ത്തിനു പൊൻതൂവലായി.'അനിയൻ ബാവ, ചേട്ടൻ ബാവ' എന്ന ചിത്രത്തിലെ ഈ ഡയലോഗ് അത്രമേൽ പ്രിയപ്പെട്ടതായി.

അരനൂറ്റാണ്ടിലേറെക്കാലം പ്രഫഷണൽ നാടകരംഗത്ത്‌ ഹാസ്യനടനായി തിളങ്ങിനിൽക്കേ തന്നെ വെള്ളിത്തിരയിലേക്കെത്തി.

140-ലേറെ മലയാള സിനിമകളിൽ അഭിനയിച്ചിട്ടുള്ള പടന്നയി​ലിനു കുട്ടിക്കാലം മുതൽക്കെ അഭിനയ രംഗമായിരുന്നു ഇഷ്​ടം. എന്നാൽ, അവസരങ്ങളൊന്നും കിട്ടിയില്ല. പടന്നയിലിന്‍റെ പ്രകൃതം നാടകത്തിനു പറ്റിയതല്ലെന്നുവരെ ചിലർ അഭിപ്രായപ്പെട്ടു. ഇതോടെ, നാടകരംഗ​ത്ത്​ എത്തണമെന്നത്​ വാശിയായി. അങ്ങനെയിരിക്കെ തൃപ്പൂണിത്തുറ ഊട്ടുപുര ഹാളിൽ ചർക്ക ക്ലാസിൽ ചേർന്നു. അവിടെ വാർഷികാഘോഷത്തിൽ നാടകം ഉണ്ടാകും. അതിൽ അഭിനയിക്കാൻ വേണ്ടി മാത്രമായാണ്​ ചർക്ക ക്ലാസിൽ ചേർന്നത്​. അങ്ങനെ 'വിവാഹദല്ലാളി' എന്ന നാടകത്തിൽ ദല്ലാളിയായി വേഷം കെട്ടി. ആദ്യ നാടകമായതുമാറി. 65 വർഷം മുൻ​പത്തെ ആ നാടകത്തെ കുറിച്ച്​ ഏറെ അഭിമാനപൂർവം പടന്നയിൽ പറയാറുണ്ടായിരുന്നു. ഇതിന്‍റെ തുടർച്ചയായി, അഞ്ചുരൂപ പ്രതിഫലത്തിൽ നാടകങ്ങളിൽ അഭിനയം തുടർന്നു. പിന്നീട് പ്രഫഷണൽ നാടകരംഗത്ത് നിറഞ്ഞു നിന്ന അഞ്ച്​ പതിറ്റാണ്ട്​. വൈക്കം മാളവിക, ചങ്ങനാശേരി ഗീഥ, കൊല്ലം ട്യൂണ, ആറ്റിങ്ങൽ പത്മശ്രീ, ഇടക്കൊച്ചി സർഗചേതന തുടങ്ങി ഒട്ടേറെ സമിതികളിൽ പ്രവർത്തിച്ചിട്ടുണ്ട്.

ദിവസം മൂന്ന്‌ നാടകങ്ങൾ വരെ കളിച്ച കാലം. ഉറക്കമില്ലാതെ വേദികളിൽ നിന്നും വേദികളിലേക്കുള്ള ഓട്ടം.. ആ വലിയ അനുഭവമാണ്​ തന്‍റെ ജീവിതത്തിനു കരുത്ത്​ പകർന്നതെന്ന്​ പടന്നയിൽ പറയാറുണ്ടായിരുന്നു. സിനിമാ സംവിധായകൻ രാജസേനൻ നാടകം കണ്ടതോടെയാണ്​, ചലചിത്ര മേഖലയിലെ തിരശ്ശീല ഉയർന്നത്​. അങ്ങനെയാണ് 'അനിയൻ ബാവ, ചേട്ടൻ ബാവ' യിലൂടെ ആദ്യമായി സിനിമയിലെത്തുന്നത്. പടം ഹിറ്റായി, പിന്നെ, കൈനിറയെ ചിത്രങ്ങളായി.

ഇതോടെ, ടെലിവിഷൻ സീരിയലുകളിലും സജീവമായി. തൃപ്പൂണിത്തുറ കണ്ണൻകുളങ്ങരയിൽ ചെറിയൊരു കടയും കെ.ടി.എസ്. പടന്നയിലിനുണ്ട്. ഷൂട്ടിങ് ഇല്ലാത്തപ്പോൾ ഈ കടയിൽ പടന്നയിൽ ഉണ്ടാകും. വഴിയാത്രക്കാർ പലരും ഈ കടയിലെത്തി സെൽഫിയെടുക്കുന്നതൊക്കെ പതിവ്​ കാഴ്ചയായി. മലയാള ചലചിത്ര മേഖലയ്​ക്കൊപ്പം തൃപ്പൂണിത്തുറയുടെ അഭിമാനമായാണ്​ പടന്നയിൽ യാത്രയാവുന്നത്​.

Show Full Article
TAGS:KTS Padannayil film star 
News Summary - KTS Padannayil passed away
Next Story