'കിങ്ഡം എന്‍റെ കെ.ജി.എഫ് അല്ല'; തമിഴ്‌നാടിന്റെ പ്രിയപ്പെട്ട അനിരുദ്ധ്, നിന്നെ തട്ടിക്കൊണ്ടുപോകാൻ ഞാൻ ആഗ്രഹിക്കുന്നു -വിജയ് ദേവരകൊണ്ട

ഗൗതം തിന്നനൂരി സംവിധാനം ചെയ്ത് വിജയ് ദേവരകൊണ്ട നായകനാകുന്ന പുതിയ ചിത്രമാണ് കിങ്ഡം. ചിത്രം ജൂലൈ 31 ന് തിയറ്ററുകളിൽ എത്തും. സ്‌ക്രീനിൽ എത്തുന്നതിന് മുന്നോടിയായി ചെന്നൈയിലെ പ്രമോഷൻ പരിപാടിയിൽ സംസാരിക്കുകയാണ് വിജയ് ദേവരകൊണ്ട. പ്രമോഷൻ പരിപാടിയിൽ വിജയ് അനിരുദ്ധ് രവിചന്ദറിനെ കുറിച്ച് പറഞ്ഞ വാക്കുകളാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.

തെലുങ്ക് സംസ്ഥാനങ്ങളുടെയും തമിഴ്‌നാടിന്റെയും പ്രിയപ്പെട്ട അനിരുദ്ധ്... ഇന്നലെ അദ്ദേഹം പ്രീ-റിലീസ് ഇവന്റിനായി ഹൈദരാബാദിലായിരുന്നു. ഇന്ന് തിയറ്ററുകളിൽ പോകുന്നതിനുമുമ്പ് അന്തിമ പകർപ്പിന്റെ ഓഡിയോ മിക്സുകൾ അദ്ദേഹം ഇവിടെ പരിശോധിക്കുന്നു. കഴിഞ്ഞ തവണ ഞാൻ ചെന്നൈയിൽ ആയിരുന്നപ്പോൾ അവനെ ഞാൻ കണ്ടിട്ടില്ലായിരുന്നു.

ആ സമയത്ത് അവനെ തട്ടിക്കൊണ്ടുപോകാൻ ആഗ്രഹിക്കുന്നുവെന്ന് ഞാൻ പറഞ്ഞിരുന്നു. എന്നാൽ കഴിഞ്ഞ രണ്ട് മാസങ്ങളായി ഞാൻ അവനോടൊപ്പം വളരെയധികം സമയം ചെലവഴിച്ചതിനാൽ ഇപ്പോഴും എനിക്ക് അവനെ തട്ടിക്കൊണ്ടുപോകാൻ തോന്നുന്നുവെന്ന് വിജയ് പറഞ്ഞു.

എനിക്ക് അവനെ എന്റെ ഉള്ളിൽ തന്നെ നിർത്തണം. അനി ഞാൻ നിന്നെ സ്നേഹിക്കുന്നു. അവൻ പറയുന്ന ഓരോ വാക്കും വളരെ ഭാരമുള്ളതാണ്. ഞാൻ പറയുന്നതിനേക്കാൾ ആളുകൾ അവൻ പറയുന്നതിനെ ഗൗരവമായി കാണുന്നു. ഇത് അനിരുദ്ധിന്‍റെ വിജയമാണ്. കിങ്ഡം എന്‍റെ കെ.ജി.എഫ് അല്ല. കിങ്ഡം എന്റെ കെ.ജി.എഫ് അല്ല, പക്ഷേ ഇത് സംവിധായകൻ ഗൗതം തിന്നനൂരിയുടെ സിഗ്നേച്ചർ മൂവിയാണ്. ഇതൊരു എന്റർടെയ്‌നർ അല്ല. മറിച്ച് ഒരു ആക്ഷൻ ഡ്രാമയാണ്. പക്ഷേ എല്ലാവരുടെയും കരിയറിലെ ഒരു നാഴികക്കല്ലായിരിക്കും ഈ സിനിമയെന്നും വിജയ് കൂട്ടിച്ചേർത്തു.