Begin typing your search above and press return to search.
exit_to_app
exit_to_app
Homechevron_rightEntertainmentchevron_rightMovie Newschevron_rightകിം...

കിം ​വ​രു​മാ​യി​രു​ന്നു, മ​ല​യാ​ള​ത്തി​ൽ അ​ഭി​ന​യി​ക്കാ​ൻ

text_fields
bookmark_border
കിം ​വ​രു​മാ​യി​രു​ന്നു, മ​ല​യാ​ള​ത്തി​ൽ അ​ഭി​ന​യി​ക്കാ​ൻ
cancel

ലോ​ക​സി​നി​മ​യി​ലെ ധ്യാ​ന​ബു​ദ്ധ​നാ​യി​രു​ന്നു കിം ​കി ഡു​ക്. പാ​ശ്ചാ​ത്യ പ്രേ​ക്ഷ​ക​ര്‍ സാ​ധാ​ര​ണ കാ​ണാ​റു​ള്ള ത​ര​ത്തി​ലു​ള്ള സി​നി​മ​ക​ള​ല്ല, തി​ക​ച്ചും വ്യ​ത്യ​സ്ത​മാ​യ സാം​സ്‌​കാ​രി​ക-​ച​രി​ത്ര-​ഭൗ​മി​ക പ​ശ്ചാ​ത്ത​ല​മു​ള്ള കൊ​റി​യ​യി​ല്‍നി​ന്ന് കിം ​കി ഡു​ക്​ പു​റ​ത്തു​കൊ​ണ്ടു​വ​ന്ന​ത്. ര​ണ്ട​ര മ​ണി​ക്കൂ​റി​നു​ള്ളി​ൽ തി​യ​റ്റ​റി​ൽ കൊ​ണ്ടു​ന​ട​ക്കു​ന്ന​തി​ന​പ്പു​റം ജീ​വി​ത​ത്തി​ൽ മ​റ​ക്കാ​നാ​കാ​ത്ത അ​നു​ഭ​വ​ങ്ങ​ളാ​യി​രു​ന്നു കി​മ്മിെൻറ ഓ​രോ സി​നി​മ​യും. ശാ​ന്ത​ത​യും അ​ക്ര​മ​വും മ​നു​ഷ്യ​മ​ന​സ്സിെൻറ ര​ണ്ടു​വ​ശ​ങ്ങ​ളാ​ണെ​ന്ന് ക​രു​തി​യ സം​വി​ധാ​യ​ക​ൻ തി​യ​റ്റ​റു​ക​ളി​ൽ കോ​ടി​ക്ക​ണ​ക്കി​ന് വ​രു​ന്ന ആ​രാ​ധ​ക​രെ നി​ര​ന്ത​രം ഞെ​ട്ടി​ച്ചു​കൊ​ണ്ടേ​യി​രു​ന്നു.

32ാം വ​യ​സ്സു​വ​രെ ഒ​രു സി​നി​മ പോ​ലും കാ​ണാ​ത്ത മ​നു​ഷ്യ​ൻ 35ാം വ​യ​സ്സി​ൽ ആ​ദ്യ സി​നി​മ ചെ​യ്യു​ന്നു. 10 വ​ർ​ഷ​ത്തി​നു​ള്ളി​ൽ ലോ​ക​ത്തി​ലെ പ്ര​മു​ഖ സം​വി​ധാ​യ​ക​രു​ടെ പ​ട്ടി​ക​യി​ൽ ഇ​ടം​പി​ടി​ക്കു​ന്നു. ദേ​ശ​ഭാ​ഷാ അ​തി​ർ​വ​ര​മ്പു​ക​ളി​ല്ലാ​തെ ആ​രാ​ധ​ക​ർ അ​ദ്ദേ​ഹ​ത്തെ ഹൃ​ദ​യ​ത്തി​ലേ​റ്റു​ന്നു. അ​ക്കാ​ദ​മി​ക്കാ​യി സി​നി​മ പ​ഠി​ച്ച​വ​രെ​ക്കാ​ൾ അ​തൊ​ന്നു​മി​ല്ലാ​തെ ത​ന്നെ ജ​ന​ങ്ങ​ളെ സ്വാ​ധീ​നി​ക്കു​ന്ന സി​നി​മ​യെ​ടു​ക്കാ​മെ​ന്ന് പ​ഠി​പ്പി​ച്ച ബ​ഹു​മു​ഖ പ്ര​തി​ഭ. വ​സ​ന്ത​വും വേ​ന​ലും മ​ഞ്ഞും ഒ​രു​പോ​ലെ തി​ര​ശ്ശീ​ല​യി​ൽ അ​നു​ഭ​വി​പ്പി​ച്ച ആ ​ക​ര​വി​രു​താ​ണ് ഇ​ന്നും എ‍െൻറ പാ​ഠ​പു​സ്ത​ക​ങ്ങ​ൾ.

2012ലെ ​ഷാ​ങ്ഹാ​യ് ഫി​ലിം ഫെ​സ്​​റ്റി​വ​ലി​ലാ​ണ് അ​ദ്ദേ​ഹ​ത്തെ ആ​ദ്യ​മാ​യി നേ​രി​ട്ട് കാ​ണു​ന്ന​ത്. ര​ണ്ടു​വ​ർ​ഷ​ത്തെ അ​ജ്ഞാ​ത വാ​സ​ത്തി​നു​ശേ​ഷം 'ആ​രി​രം​ഗ്' എ​ന്ന സി​നി​മ​യു​മാ​യി കിം ​കിം ഡു​ക്​ പൊ​തു​സ​മൂ​ഹ​ത്തി​ൽ പ്ര​ത്യ​ക്ഷ​പ്പെ​ട്ട സ​മ​യം. പ​റ്റു​മെ​ങ്കി​ൽ ഒാ​രോ ഫോ​ട്ടോ​യെ​ടു​ക്ക​ണം. ഈ ​ആ​ഗ്ര​ഹ​വു​മാ​യാ​ണ് 'ആ​കാ​ശ​ത്തിെൻറ നി​റ'​വു​മാ​യി ഞാ​ൻ ചൈ​ന​യി​ലെ​ത്തു​ന്ന​ത്. വ​ലി​യൊ​രു ആ​രാ​ധ​ക വൃ​ന്ദ​ത്തി​നി​ട​യി​ലൂ​ടെ​യാ​ണ്​ കിം ​വ​രു​ന്ന​ത്. അ​ദ്ദേ​ഹ​ത്തിെൻറ ഓ​ട്ടോ​ഗ്രാ​ഫി​നാ​യി തി​ക്കും തി​ര​ക്കു​മാ​ണ്. ആ​ളു​ക​ളെ ഇ​ടി​ച്ചു​നി​ര​ത്തി ഞാ​നും മു​ന്നി​ലെ​ത്തി. ചു​രു​ക്കം ചി​ല വാ​ക്കു​ക​ളി​ലൂ​ടെ എ​ന്നെ പ​രി​ച​യ​പ്പെ​ടു​ത്തി. എ​ങ്കി​ൽ വാ ​സി​നി​മ ക​ണ്ടി​ട്ട് ബാ​ക്കി സം​സാ​രി​ക്കാ​മെ​ന്നാ​യി അ​ദ്ദേ​ഹം. 'ബു​ക്ക് ചെ​യ്യാ​ത്ത​തു​കൊ​ണ്ട് ടി​ക്ക​റ്റ് കി​ട്ടി​യി​ല്ല' -ഞാ​ൻ പ​റ​ഞ്ഞു .'കു​ഴ​പ്പ​മി​ല്ല. എ‍െൻറ കൂ​ടെ വ​ന്നാ​ൽ മ​തി'​യെ​ന്നും പ​റ​ഞ്ഞ് അ​ദ്ദേ​ഹ​മാ​ണ് എെ​ന്ന തി​യ​റ്റ​റി​ലേ​ക്ക് കൂ​ട്ടി​ക്കൊ​ണ്ടു​പോ​യ​ത്.കേ​ര​ള​ത്തി​ലെ​ത്തി​യ ശേ​ഷം അ​ദ്ദേ​ഹ​വു​മാ​യി വ​ള​രെ അ​ടു​ത്ത സൗ​ഹൃ​ദം സ്ഥാ​പി​ക്കാ​നാ​യി.

കേ​ര​ള​ത്തി​ൽ ഇ​ത്ര​യും ആ​രാ​ധ​ക​ർ ത​നി​ക്കു​ണ്ടെ​ന്ന് കിം ​മ​ന​സ്സി​ലാ​ക്കി​യ​ത് 2013ൽ ​ഐ.​എ​ഫ്.​എ​ഫ്.​കെ​യി​ൽ എ​ത്തി​യ ശേ​ഷ​മാ​ണ്. അ​ദ്ദേ​ഹ​ത്തെ അ​വ​സാ​ന​മാ​യി ക​ണ്ട​ത് 2018ൽ ​ക​സാ​ഖ്​​സ്​​താ​നി​ൽ ന​ട​ന്ന അ​ൽ​മാ​തി ച​ല​ച്ചി​ത്ര​മേ​ള​യി​ലാ​ണ്. പ്ര​ള​യം കാ​ര​ണം ഐ.​എ​ഫ്.​എ​ഫ്.​കെ ഉ​പേ​ക്ഷി​ക്കാ​ൻ തീ​രു​മാ​നി​ച്ചി​രി​ക്കു​ക​യാ​ണെ​ന്ന് ഞാ​ൻ അ​ദ്ദേ​ഹ​ത്തോ​ട് പ​റ​ഞ്ഞ​പ്പോ​ൾ അ​ദ്ദേ​ഹം കു​റ​ച്ചു​നേ​രം നി​ശ്ശ​ബ്​​ദ​നാ​യി ഇ​രു​ന്നു. പി​ന്നീ​ട്, ഒ​രു പേ​പ്പ​റി​ൽ 'ക​ല അ​തി​ജീ​വ​ന​ത്തി​നു​ള്ള​താ​ണെ​ന്നും അ​ത് ഉ​പേ​ക്ഷി​ക്ക​രു​തെ​ന്നും' ചൂ​ണ്ടി​ക്കാ​ട്ടി അ​ദ്ദേ​ഹം കൊ​റി​യ​ൻ ഭാ​ഷ​യി​ൽ സം​സ്ഥാ​ന സ​ർ​ക്കാ​റി​നും ച​ല​ച്ചി​ത്ര അ​ക്കാ​ദ​മി​ക്കും ക​ത്ത് ന​ൽ​കി. അ​ന്ന് മേ​ള ന​ട​ന്നി​ട്ടു​ണ്ടെ​ങ്കി​ൽ അ​തി​ൽ കിമ്മി​െൻറ ഇ​ട​പെ​ട​ൽ വ​ലി​യൊ​രു ഘ​ട​ക​മാ​യി​ട്ടു​ണ്ട്. ജൂ​ണി​ലാ​ണ് അ​വ​സാ​ന​മാ​യി ചാ​റ്റ് ചെ​യ്ത​ത്. എ​െൻറ ഒ​രു സി​നി​മ​യി​ൽ അ​ഭി​ന​യി​ക്കാ​മോ എ​ന്ന് ചോ​ദി​ച്ചാ​യി​രു​ന്നു മെ​സേ​ജ്. റ​ഷ്യ​യി​ലും ലാ​ത്​​വി​യ​യി​ലു​മാ​യി ര​ണ്ടു സി​നി​മ​ക​ൾ ചെ​യ്തു​കൊ​ണ്ടി​രി​ക്കു​ക​യാ​ണെ​ന്നും അ​വ പൂ​ർ​ത്തി​യാ​യ ശേ​ഷം ആ​ലോ​ചി​ക്കാ​മെ​ന്നു​മാ​യി​രു​ന്നു അ​ദ്ദേ​ഹ​ത്തി​െൻറ മ​റു​പ​ടി. പ​ക്ഷേ, വി​ധി ന​മ്മ​ളെ വീ​ണ്ടും മു​റി​വേ​ൽ​പി​ച്ചി​രി​ക്കു​ന്നു. പ്രി​യ കിം, ​നി​ങ്ങ​ളു​ടെ സി​നി​മ​ക​ൾ മ​രി​ക്കു​ന്നി​ല്ല... അ​ത് വീ​ണ്ടും വീ​ണ്ടും ലോ​ക​ത്തോ​ട് സം​സാ​രി​ച്ചു​കൊ​ണ്ടി​രി​ക്കും...

Show Full Article
TAGS:kim ki duk dr biju 
News Summary - Dr. Biju shares his experience with kim ki duke
Next Story