വ്യാജൻ ഇറങ്ങുമെന്ന ആശങ്ക; ടൊവിനോയുടെ 'കിലോമീറ്റേഴ്സ് ആന്ഡ് കിലോമീറ്റേഴ്സ്' ഒടിടി റിലീസിന്
text_fieldsജിയോ ബേബിയുടെ സംവിധാനത്തിൽ ടൊവിനോ തോമസ് നായകനായ 'കിലോമീറ്റേഴ്സ് ആന്ഡ് കിലോമീറ്റേഴ്സ്'എന്ന റോഡ് മൂവി ഒടിടി റിലീസിനൊരുങ്ങുന്നു. നിര്മ്മാതാവ് ആേൻറാ ജോസഫ് ഇതുമായി ബന്ധപ്പെട്ട് ഒടിടി പ്ലാറ്റ്ഫോമുകളുമായി ചർച്ച നടത്തി. ഓണ്ലൈനിൽ റിലീസ് ചെയ്യാന് അനുവദിക്കണമെന്ന് ആവശ്യപ്പെട്ട് അദ്ദേഹം വിവിധ സിനിമാസംഘടനകള്ക്ക് കത്ത് നല്കുകയും ചെയ്തിട്ടുണ്ട്.
മാർച്ച് പന്ത്രണ്ടിനായിരുന്നു ചിത്രം റിലീസ് ചെയ്യേണ്ടിയിരുന്നത്. ലോക്ഡൗണിനിടെ ചിത്രത്തിെൻറ വ്യാജ പതിപ്പ് ചോർന്നതിനെ തുടർന്ന് ക്രൈംബ്രാഞ്ച് അന്വേഷണം ആരംഭിച്ചിരുന്നു. വീണ്ടും വ്യാജ പതിപ്പ് പുറത്തിറങ്ങിയേക്കുമെന്ന ആശങ്കയിലാണ് ഒടിടി റിലീസിന് ഒരുങ്ങുന്നതെന്ന് നിര്മ്മാതാവ് അറിയിച്ചതായാണ് റിപ്പോര്ട്ടുകള്. ഓണം റിലീസായിട്ടായിരിക്കും ചിത്രം എത്തുക.
സിദ്ധാര്ത്ഥ് ശിവ, ജോജു ജോര്ജ്ജ്, ബേസില് ജോസഫ്, സുധീഷ് രാഘവന്, മാലാ പാര്വ്വതി, മുത്തുമണി തുടങ്ങിയവരും ചിത്രത്തിൽ പ്രധാന വേഷങ്ങളിലുണ്ട്. സിനു സിദ്ധാര്ത്ഥ് ഛായാഗ്രഹണവും സൂരജ് എസ് കുറുപ്പ് സംഗീതവും നിര്വ്വഹിച്ചിരിക്കുന്നു. സുഷിന് ശ്യാമാണ് പശ്ചാത്തല സംഗീതം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.