Begin typing your search above and press return to search.
exit_to_app
exit_to_app
Kangana Ranaut and Indira Gandhi
cancel
Homechevron_rightEntertainmentchevron_rightMovie Newschevron_rightജയലളിതക്ക്​ പിന്നാലെ...

ജയലളിതക്ക്​ പിന്നാലെ ഇന്ദിര ഗാന്ധിയായി കങ്കണ എത്തും

text_fields
bookmark_border

മുംബൈ: രാഷ്​ട്രീയം പ്രമേയമായി ഒരുക്കുന്ന സിനിമയിൽ മുൻ പ്രധാനമന്ത്രി ഇന്ദിര ഗാന്ധിയായി ബോളിവുഡ്​ താരം കങ്കണ റണാവ​ത്ത്​ എത്തും. ഇന്ദിര ഗാന്ധിയുടെ ബയോപിക്കല്ല ചിത്രമെന്നും പേര്​ പുറത്തുവിട്ടിട്ടില്ലെന്നും കങ്കണ അറിയിച്ചു.

സായ്​ കബീറാണ്​ ചിത്രത്തിന്‍റെ സംവിധായകൻ. നിരവധി അഭിനേതാക്കൾ ചിത്രത്തിന്‍റെ ഭാഗമാകുമെന്നും നടി കൂട്ടിച്ചേർത്തു. 'പുതിയ ചിത്രത്തിന്‍റെ പണിപ്പുരയിലാണ്​. തിരക്കഥ അവസാന ഘട്ടത്തിലാണ്​. ഇന്ദിരഗാന്ധിയുടെ ബയോപിക് അല്ല ചിത്രം. ഒരു മഹത്തായ കാലഘട്ടത്തെ എന്‍റെ തലമുറക്ക്​ പരിചയപ്പെടുത്തി നൽകുന്ന ഇന്ത്യയുടെ സാമൂഹിക -രാഷ്​ട്രീയ പശ്ചാത്തലത്തിലൊരുങ്ങുന്ന രാഷ്​ട്രീയ ചിത്രമായിരിക്കും' -കങ്കണ പ്രസ്​താവനയിൽ അറിയിച്ചു.

നിരവധി പ്രമുഖ അഭ​ിനേതാക്കൾ സിനിമയുടെ ഭാഗമാകും. ഇന്ത്യൻ രാഷ്​ട്രീയത്തിലെ പ്രമുഖ വ്യക്തിത്വ​ത്തെ താൻ അവതരിപ്പിക്കുമെന്നും അവർ കൂട്ടിച്ചേർത്തു. ഇന്ദിര ഗാന്ധിക്ക്​ പുറമെ സഞ്​ജയ്​ ഗാന്ധി, രാജീവ്​ ഗാന്ധി, മൊറാജി ദേശായി, ലാൽ ബഹദൂർ ശാസ്​ത്രി എന്നിവരായി പ്രമുഖ താരങ്ങളെത്തുമെന്നാണ്​ വിവരം. ഒരു പുസ്​തകത്തെ അടിസ്​ഥാനമാക്കിയാണ്​ ചിത്രമെന്ന്​ പറഞ്ഞ നടി, ഏതു പുസ്​തകമാണെന്ന്​ പറയാൻ തയാറായിട്ടില്ല.

ചിത്രത്തിന്‍റെ വിവരങ്ങൾ അടങ്ങിയ​ നിരവധി ട്വീറ്റുകൾ കങ്കണ പങ്കുവെക്കുകയും ചെയ്​തു. തമിഴ്​നാട്​ മുൻ മുഖ്യമന്ത്രി ജയലളിതയുടെ ജീവിതകഥ പറയുന്ന ചിത്രമായ തലൈവിയിൽ പ്രധാനവേഷത്തിലെത്തുന്നത്​ കങ്കണയാണ്​. തമിഴിലും ഹിന്ദിയിലും ഒരേ സമയം ചിത്രം പുറത്തിറങ്ങും.



Show Full Article
TAGS:Kangana Ranaut Indira Gandhi Political Drama Bollywood 
Next Story