നെബിഷ് ബെൻസ​െൻറ 'കനവ് - ദി ഡ്രീം' മമ്മൂട്ടി ലോഞ്ച് ചെയ്തു

നെബിഷ് ബെൻസൺ സംവിധാനം ചെയ്യുന്ന മലയാള ഹ്രസ്വ ഡോക്യൂമെൻററി 'കനവ് - ദി ഡ്രീം' മമ്മൂട്ടി ലോഞ്ച് ചെയ്തു.കേരളത്തി​െൻറ വടക്കൻ ഭാഗമായ വയനാട് ജില്ലയിലാണ് കഥ നടക്കുന്നത്, മൂന്ന്​ തലമുറകളിലെ ആദിവാസികളുടെ ജീവിതവും അവരുടെ ഭൂത കാലവും, വർത്തമാന കാലഘട്ടത്തെയും, ഭാവിയെയും ചുറ്റിപ്പറ്റിയാണ് കഥ വികസിക്കുന്നത്. പാട്ടുകളിലൂടെ- കഥകൾ പറയുന്ന അവരുടെ സാധാരണ രീതിയെയാണ് കഥയിൽ സമഗ്രമായി ഉപയോഗിച്ചിരിക്കുന്നത്.ഒരു എഴുത്തോ രേഖകളിലോ സൂക്ഷിക്കപ്പെടാത്ത ഈ മനോഹരമായ ഗാനങ്ങൾ അവരുടെ ചുറ്റുമുള്ള എന്തിനെക്കുറിച്ചും എല്ലാ കാര്യങ്ങളെക്കുറിച്ചും സംസാരിക്കുന്നു.ആ പാട്ടുകളെ ​പൊതുശ്രദ്ധയിലേക്ക്​ കൊണ്ടുവരാനുള്ള ശ്രമമാണ് ഡോക്യുമെൻററി നടത്തുന്നത്​.

സ്വപ്നം കാണുവാൻ ഭയമില്ലാത്ത ഒരു തലമുറയെ വാർത്തെടുക്കുക എന്ന ലക്ഷ്യത്തോടെ കെ.ജെ ബേബി സ്ഥാപിച്ച കനവ് എന്ന എഡ്യൂക്കേഷണൽ ഫൗണ്ടേഷനുമായി സഹകരിച്ചാണ് ഈ ഡോക്യുമെൻററി ചെയ്തിരിക്കുന്നത്. ഷെബിൻ ബെൻസണി​െൻറ മൂഖ്നായക് പിക്ച്ചേർസി​െൻറ ബാനറിൽ സച്ചു ശാന്തി ജെയിംസ്, നെബിഷ് ബെൻസൺ, ഷെബിൻ ബെൻസൺ എന്നിവർ ചേർന്നാണ്​ ഈ ഹ്രസ്വ ഡോക്യൂമെൻററി നിർമ്മിച്ചിരിക്കുന്നത്.

ആഷിക്​ അബുവി​ന്‍റെ 'വൈറസ്', കെ.കെ രാജീവി​ന്‍റെ 'എവിടെ' അടക്കമുള്ള സിനിമകളിൽ ശ്രദ്ധേയമായ വേഷങ്ങൾ ചെയ്​ത ഷെബിൻ ബെൻസൺ അമൽ നീരദി​െൻ പുതിയ ചിത്രമായ ഭീഷ്​മപർവത്തിൽ പ്രധാന കഥാപാത്രത്തെ അവതരിപ്പിക്കുന്നുണ്ട്​.

ദൃശ്യങ്ങൾ പകർത്തിയിരിക്കുന്നത് അഭിനവ് യു.വിയും, ജേക്കബ് റെജിയും ചേർന്നാണ്. ഷെബിൻ ബെൻസൺ കോ-പ്രൊഡ്യൂസറും,സുജിത മേനോനാണ്​ എക്സിക്യൂട്ടീവ് പ്രൊഡ്യൂസർ. സംഗീതവും എഡിറ്റിംഗും നിർവ്വഹിച്ചിരിക്കുന്നത് ഹരികൃഷ്ണ കുന്നത്താണ്.

ഇവാൻ മൈക്കിൾ - ഡി.ഐ കളറിസ്റ്റ്. ആൽവിൻ വർഗീസ് - അസോസിയേറ്റ് ഡി.ഒ.പി, കെവിൻ ലൂയിസ് - അസിസ്റ്റൻറഎ ഡയറക്ടർ. അശ്വഘോഷ് വിദ്യയുടെ സഹായത്തോടെ ജോയൽ ജെയിംസാണ് ഡോക്യൂമെൻററിയുടെ സൗണ്ട് റെക്കോർഡിങ് കൈകാര്യം ചെയ്തിരിക്കുന്നത്.

സൗണ്ട് മിക്സിങ്ങും മാസ്റ്ററിംഗും രാഹുൽ.ആർ. ഗോവിന്ദയും (സപ്ത റെക്കോർഡ്സ്), പോസ്റ്റർ ഡിസൈൻ ജീവനാഥ് വിശ്വനാഥുമാണ് ചെയ്തിരിക്കുന്നത്. ആനന്ദ് പീറ്ററാണ്​ സബ്ടൈറ്റിൽ ഒരുക്കിയിരിക്കുന്നത്​.കളർ ഗ്രേഡിംഗ് സ്റ്റുഡിയോ ഹിപ്പി ഫിലിംസ്. മൂഖ്നായക് പിക്ചേഴ്സ് വില്ലൻസ് ഓഫ് വിൻററുമായി ചേർന്നാണ് ഡോക്യൂമെൻററി റിലീസ് ചെയ്​തിരിക്കുന്നത്​.