Begin typing your search above and press return to search.
exit_to_app
exit_to_app
Homechevron_rightEntertainmentchevron_rightMovie Newschevron_rightറോളക്സിന് വിക്രമിന്‍റെ...

റോളക്സിന് വിക്രമിന്‍റെ സ്നേഹസമ്മാനം; ലക്ഷങ്ങൾ വിലവരുന്ന റോളക്സ് വാച്ച് സൂര്യക്ക് നൽകി കമൽ ഹാസൻ

text_fields
bookmark_border
റോളക്സിന് വിക്രമിന്‍റെ സ്നേഹസമ്മാനം; ലക്ഷങ്ങൾ വിലവരുന്ന റോളക്സ് വാച്ച് സൂര്യക്ക് നൽകി കമൽ ഹാസൻ
cancel
Listen to this Article

തിയറ്ററുകളിൽ പുതിയ റെക്കോർഡുകൾ തീർക്കുകയാണ് ലോകേഷ് കനനരാജ് ചിത്രം 'വിക്രം'. സിനിമ വൻ വിജ‍യമായതോടെ താരങ്ങൾക്കും അണിയറപ്രവർത്തകർക്കും സമ്മാനങ്ങൾ നൽകുകയാണ് നിർമാതാവ് കൂടിയായ കമൽ ഹാസൻ.

സിനിമയിൽ റോളക്സ് എന്ന കഥാപാത്രമായി അതിഥിവേഷത്തിലെത്തിയത് നടൻ സൂര്യയാണ്. പ്രതിഫലം പോലും വാങ്ങാതെയാണ് സൂര്യ ചിത്രത്തിൽ അഭിനയിച്ചതെന്നാണ് റിപ്പോർട്ടുകൾ. ചിത്രത്തിന്‍റെ വൻ വിജയത്തിന് പിന്നാലെ സൂര്യക്ക് ലക്ഷങ്ങൾ വിലവരുന്ന സമ്മാനവുമായി എത്തിയിരിക്കുകയാണ് ഉലകനായകൻ. ഏകദേശം 30 ലക്ഷം രൂപ വിലവരുന്ന വാച്ചാണ് സൂര്യക്ക് സമ്മാനമായി നൽകിയത്. സൂര്യതന്നെയാണ് കമൽ ഹാസൻ വാച്ച് നൽകുന്ന ചിത്രങ്ങൾ സമൂഹമാധ്യമങ്ങളിലൂടെ പങ്കുവെച്ചത്.

'ഇത്തരം നിമിഷങ്ങൾ ജീവിതം സുന്ദരമാക്കുന്നു' എന്ന അടിക്കുറിപ്പോടുകൂടെയാണ് സൂര്യ ചിത്രങ്ങൾ പങ്കുവെച്ചത്. നേരത്തെ സംവിധായകൻ ലോകേഷ് കനകരാജിന് രണ്ടരക്കോടി വിലവരുന്ന കാർ കമൽ ഹാസൻ സമ്മാനമായി നൽകിയിരുന്നു.

കമൽ ഹാസൻ, വിജയ് സേതുപതി, ഫഹദ് ഫാസിൽ എന്നിവരുൾപ്പടെ വൻ താരനിരയാണ് സിനിമയിലുള്ളത്. റിലീസ് ചെയ്ത് മൂന്ന് ദിവസങ്ങൾകൊണ്ട് 175 കോടി രൂപയുടെ കളക്ഷൻ സിനിമ നേടിയിരുന്നു.

Show Full Article
TAGS:Kamal Haasan Suriya Vikram 
News Summary - Kamal Haasan gifts a watch to Suriya, who played Rolex in Vikram
Next Story