'പൊഗണോഫോബിയ'ക്കെതിരെ തിരശ്ശീലയിൽ നിറഞ്ഞ്​ കാഫിർ

തി​രു​വ​ന​ന്ത​പു​രം: മീ​ശ​യും താ​ടി​യും പു​രു​ഷ​ത്വ​ത്തി​ന്‍റെ പ്ര​തീ​ക​മാ​യി കാ​ണു​ന്ന സ​മൂ​ഹ​ത്തി​ൽ നീ​ണ്ട​താ​ടി​യു​മാ​യി ജൂ​ബ​യും തൊ​പ്പി​യും ധ​രി​ച്ച വ​രെ കാ​ണു​മ്പോ​ൾ മാ​ത്രം മ​ന​സ്സി​ന്‍റെ ഏ​തെ​ങ്കി​ലും ഒ​രു കോ​ണി​ൽ അ​വ​ർ​ക്ക് ഭീ​ക​ര​വാ​ദ​വു​മാ​യി ബ​ന്ധ​മു​ണ്ടെ​ന്ന സം​ശ​യം നി​ങ്ങ​ൾ​ക്കു​ണ്ടോ. എ​ങ്കി​ൽ നി​ങ്ങ​ൾ പൊ​ഗ​ണോ​ഫോ​ബി​യ എ​ന്ന രോ​ഗ​ത്തി​ന് അ​ടി​പ്പെ​ട്ട​വ​രാ​ണ്. കേ​ര​ള രാ​ജ്യാ​ന്ത​ര ച​ല​ച്ചി​ത്ര​മേ​ള​യി​ൽ ഡെ​ലി​ഗേ​റ്റു​ക​ളെ പി​ടി​ച്ചു​ല​ച്ച 'കാ​ഫി​ർ' തേ​ടു​ന്ന​തും 'പൊ​ഗ​ണോ​ഫോ​ബി​യ'​ക്കു​ള്ള മ​രു​ന്നാ​ണ്. മാ​ധ്യ​മ​പ്ര​വ​ർ​ത്ത​ക​നും ന​വാ​ഗ​ത സം​വി​ധാ​യ​ക​നു​മാ​യ വി​നോ​യു​ടെ സം​വി​ധാ​ന​വും തി​ര​ക്ക​ഥ​യും തീ​ർ​ത്ത ചി​ത്രം മ​ല​യാ​ള​ത്തി​ന്‍റെ നി​ത്യ​ഹ​രി​ത നാ​യ​ക​ന്മാ​രി​ലൊ​രാ​ളാ​യ പ്ര​താ​പ് പോ​ത്ത​ന്‍റെ അ​വ​സാ​ന ചി​ത്ര​മെ​ന്ന നി​ല​യി​ലാ​ണ് മേ​ള​യി​ലെ​ത്തി​യ​ത്. കാ​ൽ നൂ​റ്റാ​ണ്ടി​നു ശേ​ഷം പ്ര​താ​പ് പോ​ത്ത​ൻ നാ​യ​ക​നാ​യ ചി​ത്രം കൂ​ടി​യാ​ണി​ത്.

കോ​ർ​പ​റേ​ഷ​ൻ ഹെ​ൽ​ത്ത് ഇ​ൻ​സ്പെ​ക്ട​റാ​യ ര​ഘു​റാ​മി​ന്‍റെ വേ​ഷ​മാ​ണ് പ്ര​താ​പ് പോ​ത്ത​ൻ കൈ​കാ​ര്യം ചെ​യ്യു​ന്ന​ത് . ര​ഘു​റാ​മി​ന്‍റെ മാ​ന​സി​ക സം​ഘ​ർ​ഷ​ങ്ങ​ളു​ടെ ക​ഥ​യാ​ണ് ചി​ത്രം. തീ​വ്ര​വാ​ദ​ത്തെ​യും ഭീ​ക​രാ​ക്ര​മ​ണ​ങ്ങ​ളെ​ക്കു​റി​ച്ചും വേ​വ​ലാ​തി​പ്പെ​ടു​ന്ന അ​ദ്ദേ​ഹ​ത്തി​ന്​ അ​തു​മാ​യി ബ​ന്ധ​പ്പെ​ട്ട പ​ത്ര​വാ​ർ​ത്ത​ക​ൾ വെ​ട്ടി​ശേ​ഖ​രി​ക്കു​ന്ന ശീ​ല​മു​ണ്ട്. താ​ടി​വെ​ച്ച​വ​രെ ഭ​യ​പ്പെ​ടു​ന്ന പൊ​ഗ​ണോ​ഫോ​ബി​യ എ​ന്ന മ​നോ​രോ​ഗ​ത്തി​ന് അ​ടി​മ​യാ​കു​ന്ന ര​ഘു​റാം ഒ​രി​ക്ക​ൽ മ​ദ്​​റ​സ അ​ധ്യാ​പ​ക​നാ​യ ഹൈ​ദ​റി​നെ തീ​വ്ര​വാ​ദി​യാ​യി തെ​റ്റി​ദ്ധ​രി​ക്കു​ന്നു. ഈ ​സം​ഭ​വം ഹൈ​ദ​റി​ന്‍റെ​യും അ​ദ്ദേ​ഹ​ത്തി​ന്‍റെ കു​ടും​ബ​ത്തി​ലും ഉ​ണ്ടാ​ക്കു​ന്ന മാ​റ്റ​ങ്ങ​ളാ​ണ് കാ​ഫി​ർ പ്രേ​ക്ഷ​ക​രോ​ട് പ​ങ്കു​വെ​ക്കു​ന്ന​ത്.

2008 ലെ ​ബം​ഗ​ളൂ​രു സ്‌​ഫോ​ട​ന​ക്കേ​സി​ല്‍ പ്ര​തി​യാ​ണെ​ന്നാ​രോ​പി​ച്ച് ക​ര്‍ണാ​ട​ക പൊ​ലീ​സ് അ​റ​സ്റ്റ് ചെ​യ്ത പ​ര​പ്പ​ന​ങ്ങാ​ടി സ്വ​ദേ​ശി സ​ക്ക​രി​യ​യു​ടെ ജീ​വി​ത​മാ​ണ് സി​നി​മ​ക്ക് പ്ര​ചോ​ദ​ന​മാ​യ​തെ​ന്ന് വി​നോ 'മാ​ധ്യ​മ'​ത്തോ​ട് പ​റ​ഞ്ഞു. ചി​ത്ര​ത്തി​ന്‍റെ തി​ര​ക്ക​ഥ​കേ​ട്ട പ്ര​താ​പ് പോ​ത്ത​ൻ പ്ര​തി​ഫ​ലം പ​റ്റാ​തെ​യാ​ണ് അ​ഭി​ന​യി​ച്ച​ത്. ക​ലാ​ഭ​വ​നി​ൽ നി​റ​ഞ്ഞ സ​ദ​സ്സി​ലാ​ണ് ചി​ത്രം പ്ര​ദ​ർ​ശി​പ്പി​ച്ച​ത്. ഉ​ട​ൻ ഓ​ൺ​ലൈ​നാ​യി റി​ലീ​സ്​ ചെ​യ്യും. തൃ​ശൂ​ർ ചേ​റ്റു​വ സ്വ​ദേ​ശി ഫ​വാ​സ് അ​ലി​യാ​ണ് ഹൈ​ദ​റാ​യി വേ​ഷ​മി​ടു​ന്ന​ത്. നീ​ന കു​റു​പ്പ്, വീ​ണ നാ​യ​ർ, ശി​വ​ജി​ത്ത് പ​ത്മ​നാ​ഭ​ൻ,ജോ​ജോ സി​റി​യ​ക് എ​ന്നി​വ​രും അ​ഭി​നേ​താ​ക്ക​ളാ​യി എ​ത്തു​ന്നു.