വി.ജാനകിയായാൽ പ്രശ്നമില്ല; 'ജെ.എസ്.കെ'ക്ക് സെന്‍സര്‍ ബോര്‍ഡിന്‍റെ പ്രദർശനാനുമതി

ജാനകി V/S സ്റ്റേറ്റ് ഓഫ് കേരള (ജെ.എസ്.കെ)ക്ക് സെന്‍സര്‍ ബോര്‍ഡിന്‍റെ പ്രദർശനാനുമതി. എഡിറ്റ് ചെയ്ത പതിപ്പിനാണ് അനുമതി ലഭിച്ചത്. പേ​രി​നെ​ച്ചൊ​ല്ലി വി​വാ​ദ​മാ​യ ‘ജെ.​എ​സ്.​കെ’ സി​നി​മ​യു​ടെ​ ടൈ​റ്റി​ലി​ൽ ജാ​ന​കി എ​ന്ന പേ​രി​നൊ​പ്പം ‘വി’ ​എ​ന്നു​കൂ​ടി ചേ​ർ​ത്താൽ ​​പ്ര​ദർശനാനുമതി നൽകാമെന്ന് സെ​ൻ​സ​ർ ബോ​ർ​ഡ്​ നിർദേശിച്ചിരുന്നു. ഇത് നി​ർ​മാ​താ​ക്ക​ൾ ഹൈ​കോ​ട​തി​യി​ൽ സ​മ്മ​തി​ക്കു​ക​യാ​യി​രു​ന്നു. തിരുവനന്തപുരം സെന്‍സര്‍ ബോര്‍ഡ് ഓഫിസിൽ എഡിറ്റ് ചെയ്ത പതിപ്പ് സമർപ്പിച്ച ശേഷമാണ് പ്രദർശനാനുമതി ലഭിച്ചത്.

ചിത്രത്തിന്‍റെ പേര് ജാനകി വി V/S സ്റ്റേറ്റ് ഓഫ് കേരള എന്നാക്കുകയും കോടതി രംഗങ്ങളിൽ ജാനകി എന്ന പേര് മ്യൂട്ട് ചെയ്യുകയും ചെയ്‍തു. മാ​റ്റം​വ​രു​ത്തി സ​മ​ർ​പ്പി​ച്ചാ​ൽ മൂ​ന്നു​ദി​വ​സ​ത്തി​ന​കം സെ​ൻ​സ​ർ സ​ർ​ട്ടി​ഫി​ക്ക​റ്റ് ന​ൽ​കു​മെ​ന്ന് സെ​ൻ​സ​ർ ബോ​ർ​ഡ് വ്യ​ക്ത​മാ​ക്കിയിരുന്നു. ഹ​ര​ജി ജൂ​ലൈ 16ന് വീണ്ടും​ ​പ​രി​ഗ​ണി​ക്കും. സി​നി​മ​ക്ക്​ സെ​ൻ​സ​ർ സ​ർ​ട്ടി​ഫി​ക്ക​റ്റ് നി​ഷേ​ധി​ച്ച​തി​നെ​തി​രെ നി​ർ​മാ​താ​ക്ക​ളാ​യ ‘കോ​സ്മോ എ​ന്റ​ർ​ടെ​യ്ൻ​മെ​ന്റ്സ്’ കോടതിയെ സമീപിച്ചിരുന്നു.

ഹ​ര​ജി പ​രി​ഗ​ണി​ക്ക​വേ, സി​നി​മ​യു​ടെ തു​ട​ക്ക​ത്തി​ൽ​ ‘മ​ത​പ​ര​മാ​യി പ്രാ​ധാ​ന്യ​മു​ള്ള ജാ​ന​കി​യെ​ന്ന പേ​രു​മാ​യി ക​ഥാ​പാ​ത്ര​ത്തി​ന്​ ബ​ന്ധ​മി​ല്ല’ എ​ന്ന്​ എ​ഴു​തി​ക്കാ​ണി​ച്ചാ​ൽ മ​തി​യാ​കു​മോ​യെ​ന്ന്​ കോ​ട​തി​ ചോദിച്ചിരുന്നു. എ​ന്നാ​ൽ, പേര് ​മാ​റ്റം ഒ​ഴി​വാ​ക്കാ​നാ​വി​ല്ലെ​ന്ന നി​ല​പാ​ടി​ൽ സെ​ൻ​സ​ർ ബോ​ർ​ഡി​ന്‍റെ അ​ഭി​ഭാ​ഷ​ക​ൻ ഉ​റ​ച്ചു​നി​ന്നു. തു​ട​ർ​ന്ന് ഹ​ര​ജി പ​രി​ഗ​ണി​ച്ച​പ്പോ​ഴാ​ണ്​ മാ​റ്റ​ങ്ങ​ൾ​ക്ക്​ ത​യാ​റാ​ണെ​ന്ന്​ നി​ർ​മാ​താ​ക്ക​ൾ അ​റി​യി​ച്ച​ത്.

സുരേഷ് ഗോപിയാണ് ചിത്രത്തിലെ നായകൻ. കേന്ദ്രമന്ത്രി ആയതിന് ശേഷം ആദ്യമായി സുരേഷ് ഗോപി നായകനായി എത്തുന്ന ചിത്രമാണിത്. പ്രവീൺ നാരായണനാണ് സംവിധാനം. ചിത്രത്തിന്‍റെ പേരിലും നായികയുടെ പേരിലും ജാനകി പേര് വന്നതാണ് വിവാദത്തിന് കാരണമായത്. രാമായണത്തിലെ സീതയുടെ മറ്റൊരു പേരാണ് ജാനകിയെന്നും ഇത് അനുവദിക്കാന്‍ സാധിക്കില്ല എന്നുമായിരുന്നു സെന്‍സര്‍ ബോര്‍ഡ് നിലപാട്.