'വി. ജാനകി' സെന്‍സര്‍ ബോര്‍ഡിന് മുന്നിൽ; 'ജെ.എസ്.കെ'ക്ക് പ്രദര്‍ശനാനുമതി ലഭിച്ചേക്കും

ജാനകി V/S സ്റ്റേറ്റ് ഓഫ് കേരള (ജെ.എസ്.കെ)യുടെ എഡിറ്റ് ചെയ്ത പതിപ്പ് ഇന്ന് സെന്‍സര്‍ ബോര്‍ഡിന് സമര്‍പ്പിക്കും. തിരുവനന്തപുരം സെന്‍സര്‍ ബോര്‍ഡ് ഓഫിസിലാണ് ചിത്രം സമര്‍പ്പിക്കുക. പേ​രി​നെ​ച്ചൊ​ല്ലി വി​വാ​ദ​മാ​യ ‘ജെ.​എ​സ്.​കെ’ സി​നി​മ​യു​ടെ സ​ബ്​ ടൈ​റ്റി​ലി​ൽ ജാ​ന​കി എ​ന്ന പേ​രി​നൊ​പ്പം ‘വി’ ​എ​ന്നു​കൂ​ടി ചേ​ർ​ത്താൽ ​​പ്ര​ദർശനാനുമതി നൽകാമെന്ന് സെ​ൻ​സ​ർ ബോ​ർ​ഡ്​ നിർദേശിച്ചിരുന്നു. ഇത് നി​ർ​മാ​താ​ക്ക​ൾ ഹൈ​കോ​ട​തി​യി​ൽ സ​മ്മ​തി​ക്കു​ക​യാ​യി​രു​ന്നു.

കോ​ട​തി​രം​ഗ​ങ്ങ​ളി​ൽ ജാ​ന​കി എ​ന്ന പേ​ര്​ ഉ​ച്ച​രി​ക്കു​ന്നി​ട​ങ്ങ​ളി​ൽ ശ​ബ്​​ദ​മി​ല്ലാ​താ​ക്കാ​മെ​ന്നും (മ്യൂ​ട്ട്​ ചെ​യ്യാ​ൻ) ഹ​ര​ജി​ക്കാ​ർ കോ​ട​തി​യി​ൽ അ​റി​യി​ച്ചു. ഇ​ത്ത​ര​ത്തി​ൽ മാ​റ്റം​വ​രു​ത്തി സ​മ​ർ​പ്പി​ച്ചാ​ൽ മൂ​ന്നു​ദി​വ​സ​ത്തി​ന​കം സെ​ൻ​സ​ർ സ​ർ​ട്ടി​ഫി​ക്ക​റ്റ് ന​ൽ​കു​മെ​ന്ന് സെ​ൻ​സ​ർ ബോ​ർ​ഡും വ്യ​ക്ത​മാ​ക്കിയിട്ടുണ്ട്. ഹ​ര​ജി ജൂ​ലൈ 16ന് വീണ്ടും​ ​പ​രി​ഗ​ണി​ക്കും. സി​നി​മ​ക്ക്​ സെ​ൻ​സ​ർ സ​ർ​ട്ടി​ഫി​ക്ക​റ്റ് നി​ഷേ​ധി​ച്ച​തി​നെ​തി​രെ നി​ർ​മാ​താ​ക്ക​ളാ​യ ‘കോ​സ്മോ എ​ന്റ​ർ​ടെ​യ്ൻ​മെ​ന്റ്സ്’ ആണ് കോടതിയെ സമീപിച്ചത്.

ബു​ധ​നാ​ഴ്ച രാ​വി​ലെ ഹ​ര​ജി പ​രി​ഗ​ണി​ക്ക​വേ, ജാ​ന​കി എ​ന്ന പേ​രി​ന്‍റെ ആ​ദ്യ​മോ അ​വ​സാ​ന​മോ വി​ദ്യാ​ധ​ര​ൻ എ​ന്ന പേ​രി​ന്‍റെ ചു​രു​ക്കെ​ഴു​ത്താ​യ ‘വി’ ​ചേ​ർ​ക്ക​ണ​മെ​ന്നും കോ​ട​തി രം​ഗ​ങ്ങ​ളി​ൽ പേ​ര്​ നി​ശബ്​​ദ​മാ​ക്ക​ണ​മെ​ന്നു​മു​ള്ള വി​ചി​ത്ര നി​ർ​ദേ​ശ​ങ്ങ​ൾ സെ​ൻ​സ​ർ ബോ​ർ​ഡ്​ മു​ന്നോ​ട്ടു​വെ​ക്കു​ക​യാ​യി​രു​ന്നു. കോ​ട​തി രം​ഗ​ങ്ങ​ളി​ൽ പേ​ര് മ്യൂ​ട്ട് ചെ​യ്യാ​മെ​ങ്കി​ലും പേ​ര്​ മാ​റ്റു​ന്ന​ത്​ ബു​ദ്ധി​മു​ട്ടാ​ണെ​ന്ന്​ നി​ർ​മാ​താ​ക്ക​ൾ അ​റി​യി​ച്ചു.

സി​നി​മ​യു​ടെ തു​ട​ക്ക​ത്തി​ൽ​ ‘മ​ത​പ​ര​മാ​യി പ്രാ​ധാ​ന്യ​മു​ള്ള ജാ​ന​കി​യെ​ന്ന പേ​രു​മാ​യി ക​ഥാ​പാ​ത്ര​ത്തി​ന്​ ബ​ന്ധ​മി​ല്ല’ എ​ന്ന്​ എ​ഴു​തി​ക്കാ​ണി​ച്ചാ​ൽ മ​തി​യാ​കു​മോ​യെ​ന്ന്​ കോ​ട​തി​യും ആ​രാ​ഞ്ഞു. എ​ന്നാ​ൽ, പേര് ​മാ​റ്റം ഒ​ഴി​വാ​ക്കാ​നാ​വി​ല്ലെ​ന്ന നി​ല​പാ​ടി​ൽ സെ​ൻ​സ​ർ ബോ​ർ​ഡി​ന്‍റെ അ​ഭി​ഭാ​ഷ​ക​ൻ ഉ​റ​ച്ചു​നി​ന്നു. തു​ട​ർ​ന്ന് ഹ​ര​ജി പ​രി​ഗ​ണി​ച്ച​പ്പോ​ഴാ​ണ്​ മാ​റ്റ​ങ്ങ​ൾ​ക്ക്​ ത​യാ​റാ​ണെ​ന്ന്​ നി​ർ​മാ​താ​ക്ക​ൾ അ​റി​യി​ച്ച​ത്.

സുരേഷ് ഗോപിയാണ് ചിത്രത്തിലെ നായകൻ. പ്രവീൺ നാരായണൻ സംവിധാനം ചെയ്ത ചിത്രത്തിന്‍റെ പേരിലും കഥാനായികയുടെ പേരിലും ജാനകി പേര് വന്നതാണ് വിവാദത്തിന് കാരണമായത്. രാമായണത്തിലെ സീതയുടെ മറ്റൊരു പേരാണ് ജാനകിയെന്നും ഇത് അനുവദിക്കാന്‍ സാധിക്കില്ല എന്നുമായിരുന്നു സെന്‍സര്‍ ബോര്‍ഡ് നിലപാട്.