Begin typing your search above and press return to search.
exit_to_app
exit_to_app
Rakhi Sawant and salman khan
cancel
Homechevron_rightEntertainmentchevron_rightMovie Newschevron_rightമാതാവിന്‍റെ കാൻസർ...

മാതാവിന്‍റെ കാൻസർ ചികിത്സ ഏറ്റെടുത്തു; സൽമാൻ ഖാന്​ നന്ദി പറഞ്ഞ്​ രാഖി സാവന്ത്​

text_fields
bookmark_border

മുംബൈ: കാൻസർ ബാധിച്ച്​ ചികിത്സയിൽ കഴിയുന്ന മാതാവിന്‍റെ ചികിത്സ ഏറ്റെടുത്ത ബോളിവുഡ്​ താരം സൽമാൻ ഖാനും സഹോദരൻ സൊഹൈൽ ഖാനും നന്ദി പറഞ്ഞ്​ നടി രാഖി സാവന്ത്​. കഴിഞ്ഞദിവസം ഇവർ പങ്കുവെച്ച വിഡിയോയിലാണ്​ ഇരുവർക്കും നന്ദി പറഞ്ഞത്​. ആശുപത്രിയിൽനിന്ന്​ എടുത്ത വിഡിയോയിൽ രാഖിയുടെ മാതാവ്​ ജയയും സംസാരിക്കുന്നുണ്ട്​. ഇവർ സൽമാൻ ഖാനെ അനുഗ്രഹിക്കുകയും ആശംസകൾ നേരുകയും ചെയ്​തു.

'സൽമാൻ ജീ, ഒരുപാട്​ നന്ദിയുണ്ട് മകനെ. നന്ദി സൊഹൈൽ ജീ. എന്‍റെ കീമോ പുരോഗമിക്കുകയാണ്​. ഞാൻ ഇപ്പോഴും ആശുപത്രിയിലാണ്​. രണ്ട്​ കീമോ ബാക്കിയുണ്ട്​. അതിനുശേഷമാകും ഓപറേഷൻ'- ജയ വിഡിയോയിൽ പറയുന്നു.

അടുത്തിടെ ഒരു അഭിമുഖത്തിൽ സൽമാനും സൊഹൈലും വൈദ്യചെലവുകൾക്കായി കുടുംബത്തെ സഹായിക്കുന്നുണ്ടെന്ന് രാഖി സാവന്ത് വെളിപ്പെടുത്തിയിരുന്നു. 'ചികിത്സയുടെ ചെലവുകൾ സൽമാൻ ഖാനാണ്​ വഹിക്കുന്നത്​. അദ്ദേഹം ശരിക്കും ഞങ്ങൾക്ക് ഒരു മാലാഖയാണ്. അതുപോലെ തന്നെ അദ്ദേഹത്തിന്‍റെ സഹോദരൻ സൊഹൈൽ ഖാനും. രണ്ടുപേരും ഡോക്ടറുമായി ബന്ധപ്പെടുകയും ചികിത്സയുടെ വിവരങ്ങൾ തേടുകയും ചെയ്യുന്നു​. ദൈവത്തിൽനിന്ന് എനിക്ക് കൂടുതലായി എന്താണ് ചോദിക്കാൻ കഴിയുക? സൽമാൻ സാറിനെ എന്‍റെ സഹോദരനാക്കിയതിൽ ഞാൻ ഭാഗ്യവതിയാണ്' -രാഖി പറയുന്നു.

അടുത്തിടെ സമാപിച്ച ബിഗ് ബോസ് 14ൽ രാഖി സാവന്തുമുണ്ടായിരുന്നു. ഇതിൽനിന്ന്​ ഇവർക്ക്​ 14 ലക്ഷം രൂപ പ്രതിഫലമായി ലഭിച്ചിരുന്നു. ഈ പണവും അമ്മയുടെ ചികിത്സക്കായി ഉപയോഗിക്കുമെന്ന്​ അവർ പറഞ്ഞിരുന്നു.

Show Full Article
TAGS:Rakhi Sawant salman khan 
News Summary - Help with maternal cancer treatment; Rakhi Sawant thanks Salman Khan
Next Story