‘സീതാരാമം’ സംവിധായകന്‍റെ അടുത്ത ചിത്രത്തിൽ നായകനായി പ്രഭാസ്

മുംബൈ: ദുൽഖർ സൽമാൻ പ്രധാനവേഷത്തിലെത്തിയ ‘സീതാരാമ’ത്തിന്‍റെ വൻ വിജയത്തിനുശേഷം സംവിധായകൻ ഹനു രാഘവപുടിയൊരുക്കുന്ന പുതിയ ചിത്രത്തിൽ നായകനാകുന്നത് പ്രഭാസ്. ഹനു രചനയും സംവിധാനവും നിർവഹിക്കുന്ന ഈ പാൻ ഇന്ത്യൻ ചിത്രത്തിന് ‘പ്രഭാസ്-ഹനു’ എന്നാണ് താത്ക്കാലികമായി നൽകിയ പേര്.

പ്രമുഖ ബോളിവുഡ് നടൻ അനുപം ഖേറും ചിത്രത്തിൽ പ്രധാനവേഷത്തിലെത്തും. ചിത്രത്തിന്‍റെ തിരക്കഥയെ അതിശയകരം എന്നാണ് അനുപം ഖേർ വിശേഷിപ്പിച്ചിരിക്കുന്നത്.

മിഥുൻ ചക്രവർത്തി, ജയപ്രദ എന്നിവരും പ്രധാന വേഷങ്ങളിലുണ്ട്. 1940കളിലെ യോദ്ധാവിന്‍റെ കഥ പറയുന്ന ‘പ്രഭാസ്-ഹനു’ ഒരു ചരിത്ര സിനിമയാണ്. പ്രഭാസിന്‍റെ നായികയായി ഇമാൻവിയെത്തും. ബിഗ് ബജറ്റ് ചിത്രത്തിന്‍റെ നിർമാണം പുരോഗമിക്കുകയാണ്.