പീഡന പരാതി ഉന്നയിച്ചപ്പോൾ ഭാഗ്യലക്ഷ്മി മോശമായി പെരുമാറിയെന്ന് ഹെയർ സ്റ്റൈലിസ്റ്റ്

കൊച്ചി: ഫെഫ്ക യോഗത്തിൽ പീഡന പരാതി ഉന്നയിച്ചപ്പോൾ ഭാഗ്യലക്ഷ്മി മോശമായി പെരുമാറിയെന്ന ആരോപണവുമായി ഹെയർ സ്റ്റൈലിസ്റ്റ്. മണ്ണാർക്കാട് സ്വദേശിയാണ് ഭാഗ്യലക്ഷ്മിക്കെതിരെ ആരോപണം ഉന്നയിച്ചിരിക്കുന്നത്. പീഡനം ഉണ്ടായാൽ അപ്പോൾ തന്നെ പ്രതികരിക്കണമെന്നും പിന്നീടല്ല ഇത് ഉയർത്തേണ്ടതെന്ന് ഭാഗ്യലക്ഷ്മി പറഞ്ഞതായും ഹെയർ സ്റ്റൈലിസ്റ്റ് പറഞ്ഞു.

അതേസമയം, തനിക്കെതിരെ ആരോപണമുന്നയിച്ച ഹെയർ സ്റ്റൈലിസ്റ്റിനെ അറിയില്ലെന്ന് ഭാഗ്യലക്ഷ്മി പ്രതികരിച്ചു. ഫെഫ്‌ക യോഗത്തിന് എത്തിയ രണ്ടു സ്ത്രീകൾ തന്നെ വ്യക്തിവിരോധത്തോടെ തുറിച്ചു നോക്കിയിരുന്നുവെന്നും തന്നെ ടാർഗറ്റ് ചെയ്തുള്ള ആരോപണമാണിതെന്നും ഭാഗ്യലക്ഷ്മി പ്രതികരിച്ചു.