ഗൗരി ല​ങ്കേഷ് അഭിനയിച്ച അവസാന സിനിമ ‘ജോർദൻ’ ജനുവരി 30ന് പുറത്തിറങ്ങും

ബം​ഗ​ളൂ​രു: ഹി​ന്ദു​ത്വ തീ​വ്ര​വാ​ദി​ക​ളു​ടെ വെ​ടി​യേ​റ്റ് കൊ​ല്ല​പ്പെ​ട്ട മാ​ധ്യ​മ-​സാ​മൂ​ഹി​ക പ്ര​വ​ർ​ത്ത​ക ഗൗ​രി ല​​ങ്കേ​ഷ് അ​ഭി​ന​യി​ച്ച അ​വ​സാ​ന സി​നി​മ ‘​ജോ​ർ​ദ​ൻ’ ജ​നു​വ​രി 30ന് ​പു​റ​ത്തി​റ​ങ്ങും. ഗൗ​രി ല​​ങ്കേ​ഷ് വെ​ടി​യേ​റ്റ് മ​രി​ച്ച് അ​ഞ്ചു വ​ർ​ഷം ക​ഴി​യു​മ്പോ​ഴാ​ണ് സി​നി​മ പു​റ​ത്തി​റ​ങ്ങു​ന്ന​ത്.

വി​നോ​ദ് ദ​യാ​ല​ൻ ര​ച​ന​യും സം​വി​ധാ​ന​വും നി​ർ​വ​ഹി​ക്കു​ന്ന ചി​ത്ര​ത്തി​ൽ ഒ​രു സ​ന്ന​ദ്ധ സം​ഘ​ട​ന സ്ഥാ​പ​ക​യാ​യ ല​ക്ഷ്മി ശ്രീ​വ​ത്സ എ​ന്ന ക​ഥാ​പാ​ത്ര​ത്തെ​യാ​ണ് ഗൗ​രി അ​വ​ത​രി​പ്പി​ക്കു​ന്ന​ത്. സ​മൂ​ഹ​ത്തി​ന്റെ താ​ഴെ​ക്കി​ട​യി​ൽ വി​ദ്യാ​ഭ്യാ​സം ല​ഭി​ക്കാ​ത്ത കു​ട്ടി​ക​ൾ​ക്കാ​യി പ്ര​വ​ർ​ത്തി​ക്കു​ന്ന ല​ക്ഷ്മി ശ്രീ​വ​ത്സ കു​ട്ടി​ക​ൾ​ക്ക് സൗ​ജ​ന്യ വി​ദ്യാ​ഭ്യാ​സ​ത്തി​നാ​യി ഒ​രു സ്കൂ​ൾ തു​ട​ങ്ങു​ന്നു.

ചേ​രി​യി​ൽ ക​ഴി​യു​ന്ന മൈ​ക്ക​ൽ എ​ന്ന 12 വ​യ​സ്സു​കാ​ര​ന്റെ ജീ​വി​ത​ത്തി​ലൂ​ടെ മു​ന്നോ​ട്ടു​നീ​ങ്ങു​ന്ന സി​നി​മ പ​ല സാ​മൂ​ഹി​ക അ​വ​സ്ഥ​ക​ളെ​യും നേ​രി​ൽ ചി​ത്രീ​ക​രി​ക്കു​ന്നു. മു​മ്പ് ‘മ​ര​ളി മ​നേ​ഗി’ എ​ന്ന ചി​ത്ര​ത്തി​ൽ ഗൗ​രി ല​​ങ്കേ​ഷ് അ​ഭി​ന​യി​ച്ചി​രു​ന്നു. ജോ​ർ​ദ​ൻ ഗൗ​രി​യു​ടെ ര​ണ്ടാ​മ​ത്തെ​യും അ​വ​സാ​ന​ത്തെ​യും ചി​ത്ര​മാ​ണ്. 2017 സെ​പ്റ്റം​ബ​ർ അ​ഞ്ചി​ന് രാ​ത്രി എ​ട്ടോ​ടെ​യാ​ണ് ബം​ഗ​ളൂ​രു രാ​ജ​രാ​ജേ​ശ്വ​രി ന​ഗ​റി​ലെ വീ​ട്ടു​മു​റ്റ​ത്ത് ഗൗ​രി ല​​ങ്കേ​ഷ് ഹി​ന്ദു​ത്വ തീ​വ്ര​വാ​ദി​ക​ളു​ടെ വെ​ടി​യേ​റ്റ് കൊ​ല്ല​പ്പെ​ടു​ന്ന​ത്. ഈ ​കേ​സി​ൽ പ്ര​ത്യേ​ക കോ​ട​തി​യി​ൽ വി​ചാ​ര​ണ ന​ട​ന്നു​വ​രു​ക​യാ​ണ്.

ഗൗ​രി​യു​ടെ സ​ഹോ​ദ​രി ക​വി​ത ല​​ങ്കേ​ഷ് സം​വി​ധാ​യി​ക​കൂ​ടി​യാ​ണ്. ഗൗ​രി​യു​ടെ ജീ​വി​ത​ത്തെ ആ​സ്​​പ​ദ​മാ​ക്കി ക​വി​ത ല​​​ങ്കേ​ഷ്​ ഡോ​ക്യു​മെ​ന്റ​റി ഒ​രു​ക്കി​യി​രു​ന്നു.

കൊ​ല്ല​പ്പെ​ട്ട മാ​ധ്യ​മ​പ്ര​വ​ർ​ത്ത​ക​രെ കു​റി​ച്ച്​ ഡോ​ക്യു​മെ​ന്റ​റി ത​യാ​റാ​ക്കാ​ൻ നെ​ത​ർ​ല​ൻ​ഡ്സി​ലെ ഫ്രീ​പ്ര​സ്​ അ​ൺ​ലി​മി​റ്റ​ഡ്​ അ​ന്താ​രാ​ഷ്​​ട്ര ത​ല​ത്തി​ൽ തി​ര​ഞ്ഞെ​ടു​ത്ത നാ​ലു​പേ​രി​ൽ ഒ​രാ​ളാ​ണ്​ ക​വി​ത ല​​​ങ്കേ​ഷ്. ഡോ​ക്യു​മെ​ന്റ​റി അ​ന്താ​രാ​ഷ്​​ട്ര ത​ല​ത്തി​ൽ പ്ര​ദ​ർ​ശി​പ്പി​ക്കു​ക​യാ​ണ്​ ക​വി​ത​യു​ടെ ല​ക്ഷ്യം. ഗൗ​രി​യു​ടെ സ​ഹോ​ദ​ര​ൻ ഇ​ന്ദ്ര​ജി​ത് ല​​ങ്കേ​ഷും സി​നി​മാ​രം​ഗ​ത്താ​ണ് പ്ര​വ​ർ​ത്തി​ക്കു​ന്ന​ത്.