കശ്മീരിലെ ഫയറിങ് റേഞ്ചിന് വിദ്യ ബാലന്റെ പേര് നല്‍കി സൈന്യം

ജമ്മു: കശ്മീരിലെ ഗുല്‍മാര്‍ഗില്‍ പുതിയതായി ആരംഭിച്ച ഫയറിങ് റേഞ്ചിന് ബോളിവുഡ് താരം വിദ്യ ബാലന്റെ പേര് നല്‍കി സൈന്യം. ഇന്ത്യന്‍ സിനിമക്ക് വിദ്യ ബാലന്‍ നല്‍കിയ സംഭാവനകള്‍ പരിഗണിച്ചാണ് നടപടി.

ഈ വര്‍ഷം ആദ്യം നടന്ന 'ഗുല്‍മാര്‍ഗ് വിന്റര്‍ ഫെസ്റ്റിവലി'ല്‍ വിദ്യ ബാലന്‍ പങ്കെടുത്തിരുന്നു. സ്ത്രീ ശാക്തീകരണത്തിനായി പ്രവര്‍ത്തിക്കുകയും അത്തരം കഥാപാത്രങ്ങളെ അവതരിപ്പിക്കുകയും ചെയ്യുന്ന വിദ്യ ബാലന് സ്ത്രീകള്‍ക്കിടയിലുള്ള സ്വാധീനം പരിഗണിച്ചാണ് സൈന്യം ഫയറിങ് റേഞ്ചിന് ഇവരുടെ പേര് നല്‍കിയിരിക്കുന്നത്.