18 വർഷങ്ങൾക്ക്​ ശേഷം ഫഹദും ഫാസിലും ഒരുമിക്കുന്നു; 'മലയൻകുഞ്ഞ്​' ഫസ്റ്റ്​ലുക്ക്​

വിഖ്യാത സംവിധായകൻ ഫാസിലും മകൻ ഫഹദും വീണ്ടും ഒരുമിക്കുന്നു. നവാഗതനായ സജിമോൻ സംവിധാനം ചെയ്യുന്ന 'മലയൻകുഞ്ഞ്​' എന്ന ചിത്രത്തിലൂടെയാണ്​ നീണ്ട 18 വർഷങ്ങൾക്ക്​ ശേഷം ഫഹദും ഫാസിലും വെള്ളിത്തിരയിൽ ഒന്നിക്കുന്നത്​​. ഫാസിൽ നിർമിക്കുന്ന മലയൻകുഞ്ഞ്​ രചിച്ചിരിക്കുന്നത്​ മഹേഷ്​ നാരായണനാണ്​. അടുത്ത വർഷം ജനുവരിയിൽ ചിത്രീകരണം ആരംഭിക്കുമെന്ന്​ ചിത്രത്തി​െൻറ ഫസ്​റ്റ്​ലുക്​ പോസ്റ്റർ പങ്കുവെച്ചുകൊണ്ട്​ ഫഹദ്​ ഫേസ്​ബുക്കിൽ കുറിച്ചു.

ഫഹദി​െൻറ ആദ്യ ചിത്രമായ കൈയ്യെത്തും ദൂരത്ത്​ നിർമിച്ച്​ സംവിധാനം ചെയ്​തത്​ ഫാസിലായിരുന്നു. ചിത്രം വലിയ പരാജയമായിരുന്നു. നീണ്ട ഇടവേളക്ക്​ ശേഷം ഇരുവരും വീണ്ടുമെത്തു​േമ്പാൾ ഒരു ഗംഭീര സിനിമയിൽ കുറഞ്ഞതൊന്നും പ്രേക്ഷകർ പ്രതീക്ഷിക്കുന്നില്ല. സീ യൂ സൂൺ എന്ന മികച്ച അഭിപ്രായം കിട്ടിയ ചിത്രത്തിന്​ ശേഷം മഹേഷ്​ എഴുതുന്ന മലയൻകുഞ്ഞിന്​ സംഗീതമൊരുക്കുന്നത്​ സുഷിൻ ശ്യാമാണ്​. മഹേഷ്​ - ഫഹദ് കൂട്ടുകെട്ടിലെത്തുന്ന നാലാമത്തെ ചിത്രം കൂടിയായിരിക്കും മലയൻകുഞ്ഞ്​. ​