ഫഹദിന്‍റെ 'മാലിക്' ആമസോൺ പ്രൈമിൽ; റിലീസ്​ തിയതി പ്രഖ്യാപിച്ചു

മലയാള സിനിമാരാധകർ ഏറെ ആകാംഷയോടെ കാത്തിരിക്കുന്ന ഫഹദ് ഫാസില്‍ ചിത്രം മാലിക്​ ഒ.ടി.ടിയിൽ റിലീസ്​ ചെയ്യാൻ തീരുമാനം. ആമസോൺ പ്രൈമിലാണ്​ ചിത്രം പ്രീമിയർ ചെയ്യുക. ജൂലൈ 15 നാണ്​ ചിത്രം പുറത്തിറങ്ങുക. മഹേഷ് നാരായണനാണ്​ സംവിധാനം. സംവിധാനത്തിനൊപ്പം തിരക്കഥയും എഡിറ്റിംഗും അ​ദ്ദേഹം ​തന്നെയാണ്​ നിർവഹിച്ചിരിക്കുന്നത്​. നിമിഷ സജയനാണ് നായിക.

ജോജു ജോര്‍ജ്, ദിലീഷ് പോത്തന്‍, വിനയ് ഫോര്‍ട്ട്, നിമിഷ സജയന്‍, പതിനെട്ടാം പടിയിലൂടെ ശ്രദ്ധേയനായ ചന്ദുനാഥ് എന്നിവരും മാലിക്കിലുണ്ട്. ടേക്ക് ഓഫിന് ശേഷം സാനു ജോണ്‍ വര്‍ഗീസ് മഹേഷ് നാരായണന് വേണ്ടി ഫ്രെയിമുകള്‍ ഒരുക്കുന്ന ചിത്രം കൂടിയാണ്​ ഇത്​. സുഷിൻ ശ്യാമാണ്​ ചിത്രത്തിന്‍റെ സംഗീതമൊരുക്കിയിരിക്കുന്നത്​.