Begin typing your search above and press return to search.
exit_to_app
exit_to_app
Homechevron_rightEntertainmentchevron_rightMovie Newschevron_rightനായികാ വേഷത്തിനൊപ്പം...

നായികാ വേഷത്തിനൊപ്പം നിർമാണവും; 'ഏക്​ ദുആ'യുമായി ഇഷ ഡിയോൾ എത്തുന്നു

text_fields
bookmark_border
Esha Deol
cancel

മുംബൈ: ബോളിവുഡ്​ നടി ഇഷ ഡിയോളും ഭർത്താവ്​ ഭരത്​ തഖ്​താനിയും നിർമാതാക്കളാകുന്ന 'ഏക്​ ദുആ' ജൂലൈ 26ന്​ റിലീസ്​ ചെയ്യും. രാം കമൽ ബാനർജിയുടെ സംവിധാനത്തിലൊരുങ്ങുന്ന ചിത്രത്തിൽ ഇഷ തന്നെയാണ്​ മുഖ്യ വേഷത്തിലെത്തുന്നത്​. ചിത്രത്തിന്‍റെ ട്രെയിലറും പോസ്റ്ററും ഇതിനകം ഏറെ ശ്രദ്ധ നേടിക്കഴിഞ്ഞു.

'ആളുക​െള രസിപ്പിക്കുക മാത്രമല്ല, അറിവു നൽകുകയും പ്രചോദിപ്പിക്കുകയും ചെയ്യുന്ന സിനിമയുടെ ഭാഗമാകുകയെന്നത്​ സന്തോഷകരമാണ്​. ഏക്​ ദുആയുടെ ആശയം എന്നെ ഏറെ സ്​പർശിച്ചു. രണ്ടു പെൺകുട്ടികളുടെ അമ്മയെന്ന നിലക്ക്​ പ്രത്യേകിച്ചും. അതുകൊണ്ടാണ്​, സിനിമയിൽ കേവലമൊരു നടിയെന്ന നിലയിൽ ഭാഗമാകുന്നതിനു പകരം നിർമാതാവെന്ന നിലയിൽ എന്‍റെ സഹകരണം വിപുലപ്പെടുത്താൻ നിശ്ചയിച്ചത്​.' -ഇഷ ഡിയോൾ പറയുന്നു. ചിത്രത്തിൽ ഒരു മുസ്​ലിം സ്​ത്രീയുടെ വേത്തിലാണ്​ ഇഷ അഭിനയിക്കുന്നത്​.


കഴിഞ്ഞ കുറേ വർഷങ്ങളായി ഞാൻ എന്‍റെ രണ്ടു പെൺമക്കളുടെ പരിചരണവുമായി തിരക്കിലായിരുന്നു. അവരാണെ​ന്‍റെ ജീവിതത്തിലെ വലിയ അനുഗ്രഹം. സിനിമയിൽ തിരിച്ചെത്തണമെന്ന്​ എപ്പോഴും ആഗ്രഹിക്കാറുണ്ടായിരുന്നു. അതേസമയം, അത്​ വേറിട്ട രീതിയിലാകണമെന്നും തോന്നിയിരുന്നു. മക്കൾ വളർന്നു കഴിഞ്ഞ ഈ സമയത്ത് വളരെ നല്ല പ്രൊജക്​ടുകൾ എനിക്കു മു​മ്പാകെ വരുന്നുണ്ട്​. ഇതാണ്​ കാമറക്കു​മുന്നിൽ വരാൻ പറ്റിയ സമയമെന്ന്​ എനിക്ക്​ തോന്നുന്നു. അതുകൊണ്ടാണ്​ എന്നെ ഏറെ ആകർഷിച്ച 'ഏക്​ ദുആ'യിലൂടെ തിരിച്ചുവരവിന്​ ഒരുങ്ങുന്നത്​' - ധർമേ​ന്ദ്ര-ഹേമമാലിനി താരദമ്പതികളുടെ മകളായ ഇഷ പറഞ്ഞു. ജൂലൈ 26ന്​ വൂട്ട്​ സെലക്​ടിലൂടെ ഡിജിറ്റലായാണ്​ സിനിമ റിലീസ്​ ചെയ്യുന്നത്​.

Show Full Article
TAGS:Esha Deol Ek Duaa Bollywood 
News Summary - Esha Deol turned producer with Ek Duaa, set to release 26 July
Next Story