'ഡിക്യു41'ന് ഹൈദരാബാദിൽ തുടക്കം; ആദ്യ ക്ലാപ്പ് അടിച്ച് നാനി

ദുൽഖർ സൽമാനെ നായകനാക്കി നവാഗതനായ രവി നെലകുടിറ്റി സംവിധാനം ചെയ്യുന്ന പുതിയ സിനിമയുടെ ചിത്രീകരണം ആരംഭിച്ചു. ഹൈദരാബാദിൽ നടന്ന പൂജ ചടങ്ങോടെ ആരംഭിച്ച ചിത്രത്തിന്‍റെ ആദ്യ ക്ലാപ്പ് അടിച്ചത് നാനിയാണ്. സംവിധായകൻ ബുച്ചി ബാബു സന സ്വിച്ച് ഓൺ കര്‍മം നിര്‍വഹിച്ചു.

നാനി, ഗുന്നം സന്ദീപ്, രമ്യ ഗുന്നം എന്നിവർ ചേർന്ന് സിനിമയുടെ തിരക്കഥ അണിയറപ്രവർത്തകർക്ക് കൈമാറി. ഹൈദരാബാദിൽ നിരവധി വിശിഷ്‌ടാതിഥികളുടെ സാന്നിധ്യത്തിലായിരുന്നു സിനിമയുടെ ഔദ്യോഗിക പ്രഖ്യാപനം.

ദുല്‍ഖറിന്‍റെ കരിയറിലെ 41ാം ചിത്രമായതിനാൽ ഇതിന്‍റെ വര്‍ക്കിങ് ടൈറ്റില്‍ 'ഡിക്യു41' എന്നാണ്. മാനുഷിക വികാരങ്ങളുമായി ഇഴചേർന്ന ഒരു സമകാലിക പ്രണയകഥയാണിത്. തെലുങ്കിന് പുറമെ തമിഴ്, മലയാളം, കന്നഡ, ഹിന്ദി ഭാഷകളിൽ ചിത്രം തിയറ്ററുകളില്‍ എത്തും.

എസ്.എല്‍.വി സിനിമാസിന്‍റെ ബാനറിൽ സുധാകർ ചെറുകുരിയാണ് സിനിമയുടെ നിര്‍മ്മാണം. ചിത്രത്തിന് സം​ഗീതമൊരുക്കുന്നത് ജി.വി പ്രകാശ് കുമാറാണ്. എസ്.എല്‍.വി സിനിമാസിന്‍റെ പത്താമത്തെ ചിത്രമാണിത്. അനയ് ഓം ഗോസ്വാമി ആണ് ചിത്രത്തിന്‍റെ ഛായാഗ്രഹണം.

അതേസമയം 'കാന്ത' ആണ് ദുല്‍ഖര്‍ സല്‍മാന്‍റേതായി റിലീസിനൊരുങ്ങുന്ന തമിഴ് ചിത്രം. 1950 കാ​ല​ത്തെ മ​ദ്രാ​സി​ന്റെ പ​ശ്ചാ​ത്ത​ല​ത്തി​ലാ​ണ് കാ​ന്ത​യു​ടെ ക​ഥ അ​വ​ത​രി​പ്പി​ക്കു​ന്ന​ത്. നെ​റ്റ്ഫ്ലി​ക്സ് ഡോ​ക്യു​മെ​ന്റ​റി​യാ​യ ‘ദ ​ഹ​ണ്ട് ഫോ​ർ വീ​ര​പ്പ​ൻ’ സം​വി​ധാ​നം ചെ​യ്ത് ​ഏ​റെ ശ്ര​ദ്ധ നേ​ടി​യ സെ​ൽ​വ​മ​ണി സെ​ൽ​വ​രാ​ജ് ആ​ണ് ചി​ത്ര​മൊ​രു​ക്കു​ന്ന​ത്.

ത​മി​ഴി​ൽ ഒ​രു​ക്കി​യ ചി​ത്രം മ​ല​യാ​ളം, തെ​ലു​ഗ്, ഹി​ന്ദി ഭാ​ഷ​ക​ളി​ലും റി​ലീ​സ് ചെ​യ്യും. ഒരു ഹൊറർ സിനിമയുടെ ചിത്രീകരണത്തിനായി ഒരുങ്ങുന്ന ഒരു സിനിമ സംഘത്തോടെയാണ് ടീസർ ആരംഭിക്കുന്നത്. ര​ണ്ടു പ്ര​മു​ഖ ക​ലാ​കാ​ര​ന്മാ​ർ​ക്കി​ട​യി​ലെ ഈ​ഗോ​യും മ​റ്റു​മാ​ണ് ചി​ത്ര​ത്തി​ന്റെ ക​ഥാ​ത​ന്തു എ​ന്നാ​ണ​റി​യു​ന്ന​ത്.

തമിഴ് സിനിമയുടെ സുവർണ കാലഘട്ടത്തിന്റെ പശ്ചാത്തലത്തിലാണ് ചിത്രം ഒരുക്കിയിരിക്കുന്നതെന്നാണ് ടീസർ നൽകുന്ന സൂചന. ടീസർ ദു​ൽ​ഖ​ർ ആരാധകർക്ക് വലിയ പ്രതീക്ഷ‍ നൽകുന്നുണ്ട്. നടനായ ചന്ദ്രൻ എന്ന കഥാപാത്രത്തെയാണ് ചിത്രത്തിൽ ദുൽഖർ അവതരിപ്പിക്കുന്നത്. സെപ്റ്റംബർ 12ന് കാന്ത തിയറ്ററുകളിൽ എത്തും.

ദു​ൽ​ഖ​റി​ന് പു​റ​മെ, സ​മു​ദ്ര​ക്ക​നി, ഭാ​ഗ്യ​ശ്രീ ഭോ​ർ​സെ, റാണ ദഗ്ഗുബതി തു​ട​ങ്ങി​യ​വ​രും അ​ഭി​ന​യി​ക്കു​ന്നു​ണ്ട്. ദു​ൽ​ഖ​റി​ന്റെ​ത​ന്നെ ഉ​ട​മ​സ്ഥ​ത​യി​ലു​ള്ള വേ​​ഫേ​റ​ർ ഫി​ലിം​സ്, തെ​ലു​ഗ് താ​രം റാ​ണ ദു​ഗ്ഗ​ബ​ട്ടി​യു​ടെ സ്പി​രി​റ്റ് മീ​ഡി​യ എ​ന്നി​വ​യാ​ണ് നി​ർ​മാ​താ​ക്ക​ൾ. ജാനു ചന്തറാണ് സംഗീതം. ലെവ്ലിൻ ആന്റണി ഗോൺസാൽവസാണ് എഡിറ്റിങ്ങ് നിർവഹിക്കുന്നത്.