ഹോളിവുഡ് സംവിധായകൻ വുൾഫ്ഗാങ് പീറ്റേഴ്സൻ അന്തരിച്ചു

ലോസ് ആഞ്ജൽസ്: വിഖ്യാത ചലച്ചിത്ര സംവിധായകൻ വുൾഫ്ഗാങ് പീറ്റേഴ്സൻ ( 81) അന്തരിച്ചു. ലോസ് ആഞ്ജൽസിലെ വീട്ടിൽ വെച്ചായിരുന്നു അന്ത്യം. പാൻക്രിയാസിന് അർബുദം ബാധിച്ച് ചികിത്സയിലായിരുന്നു.

1982 ൽ പുറത്ത് ഇറങ്ങിയ ദസ് ബൂട്ട് എന്ന ചിത്രത്തിലൂടെയാണ് വുൾഫ്ഗാങ് പീറ്റേഴ്സൻ ഹോളിവുഡിൽ ശ്രദ്ധിക്കപ്പെടുന്നത്. രണ്ടാംലോകമഹായുദ്ധത്തിന്റെ പശ്ചാത്തലത്തിൽ ജർമൻ നാവിക കപ്പലിൽ അകപ്പെട്ടുപോയവരുടെ കഥയായിരുന്നു ചിത്രത്തിന്റെ പ്രമേയം.

ചിത്രത്തിന് ശേഷം ഹോളിവുഡിൽ വ്യത്യസ്ത പ്രമേയമുള്ള നിരവധി ചിത്രങ്ങൾ ഇദ്ദേഹം ഒരുക്കി. ഇന്‍ ദ ലൈന്‍ ഓഫ് ഫയര്‍, എയര്‍ ഫോഴ്സ് വണ്‍, ഔട്ട് ബ്രേക്ക്, ബ്രാഡ്, ട്രോയ് എന്നിവയാണ് വുൾഫ്ഗാങിന്റെ പ്രധാനപ്പെട്ട ചിത്രങ്ങൾ.