Begin typing your search above and press return to search.
proflie-avatar
Login
exit_to_app
exit_to_app
റഷ്യയിലെ ഡികാപ്രിയോക്ക്​ കോവിഡ്​ കൊടുത്ത പണി....
cancel
Homechevron_rightEntertainmentchevron_rightMovie Newschevron_rightറഷ്യയിലെ...

റഷ്യയിലെ 'ഡികാപ്രിയോക്ക്​' കോവിഡ്​ കൊടുത്ത പണി....

text_fields
bookmark_border

ഹോളിവുഡ്​ സൂപ്പർതാരം ലിയനാർഡോ ഡികാപ്രിയോയുമായുള്ള രൂപ സാദൃശ്യം കാരണം ഇന്‍റർനെറ്റിൽ തരംഗമായ റഷ്യക്കാരനാണ്​ റോമൻ ബുർത്​സവ്​. എന്നാൽ, 39 കാരനായ റോമന്​ കോവിഡ്​ കൊടുത്തത്​ മുട്ടൻ പണിയാണ്​. കൊറോണ വൈറസ്​ തന്‍റെ കരിയർ തന്നെ നശിപ്പിച്ചെന്ന്​ അദ്ദേഹം പറഞ്ഞു.


കോവിഡ്​ മഹാമാരിക്ക്​ മുമ്പ്​ ആളുകൾ റോമനൊപ്പം സെൽഫിയെടുക്കാൻ മത്സരിക്കുമായിരുന്നു. എന്നാൽ, ഇപ്പോൾ ആളുകൾ തന്നെ മറന്നുപോയെന്നാണ്​ കരുതുന്നതെന്ന്​ റോമൻ പറയുന്നു. മാതാപിതാക്കൾക്കൊപ്പം ഇപ്പോൾ രണ്ട്​ മുറി ഫ്ലാറ്റിൽ താമസിക്കുകയാണ്​ റോമൻ.

കോവിഡ്​ നിയന്ത്രണങ്ങൾ ആരംഭിച്ചതോടെയാണ്​ പ്രശ്​നങ്ങൾ തുടങ്ങിയത്​. ആൾകൂട്ടവും സെൽഫിയെടുപ്പും അഭിമുഖങ്ങളുമെല്ലാം കുറഞ്ഞതോടെ ഫ്ലാറ്റിൽ വെറുതെയിരുന്ന്​ തടികൂടി. വൈറൽ താരമായിരുന്ന സമയത്ത്​ ചില പരസ്യ കമ്പനികളുമായി കരാറിലൊപ്പിട്ടിരുന്നു. എന്നാൽ, തടി കുറക്കാൻ കഴിയാതെ വന്നതോടെ അതും നഷ്​ടമായി. 'ഞാൻ തടി കുറയ്​ക്കാൻ ഒരുപാട്​ വഴികൾ നോക്കി. ഒടുവിൽ​ സ്വന്തമായി ഒന്ന്​ കണ്ടെത്തി, ഇപ്പോൾ പഴയ രൂപത്തിലേക്ക്​ മാറാനുള്ള പരിശ്രമത്തിലാണ്​. -റോമൻ പറഞ്ഞു.


റോമൻ ബുർത്​സവ് നിരവധി പരസ്യങ്ങളിൽ മുമ്പ്​ പ്രത്യക്ഷപ്പെട്ടിട്ടുണ്ട്​. എന്നാൽ, കോവിഡ്​ മഹാമാരി അന്താരാഷ്​ട്ര തലത്തിൽ തന്‍റെ പ്രശസ്​തി ഉയരുന്നതിന്​ തടസ്സം സൃഷ്​ടിച്ചതായും അദ്ദേഹം പറയുന്നു. ഫോ​ട്ടോഷൂട്ടുകൾക്കും മറ്റ്​ ഷൂട്ടുകളിലും പ​ങ്കെടുക്കാനായി നിരന്തരം അവധികൾ ചോദിച്ചതിനെ തുടർന്ന്​ റോമന്​ ജോലിയും നഷ്​ടപ്പെട്ടിരുന്നു. എന്തായാലും മഹാമാരിയൊഴിഞ്ഞ്​ തടിയൊക്കെ കുറച്ച്​ പഴയ വൈറൽ താരമായി തിരിച്ചുവരാനാവുമെന്ന പ്രതീക്ഷയിലാണ്​ ഇപ്പോൾ റോമൻ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Leonardo DiCapriolookalike​Covid 19
News Summary - COVID ruined my career says Man who looks like Leonardo DiCaprio
Next Story