'പിണറായി വിജയം' ഏറ്റെടുത്ത്​ സിനിമാ താരങ്ങളും; വൈറൽ പോസ്റ്റുകൾ വായിക്കാം

നിയമ സഭ തെരഞ്ഞെടുപ്പിൽ വ്യക്​തമായ മേൽക്കൈ ഉറപ്പിച്ച്​ പിണറായി വിജയ​െൻറ നേതൃത്വത്തിലുള്ള എൽ.ഡി.എഫ്​ മുന്നേറവേ, കലാ സാംസ്​കാരിക രംഗത്തുള്ളവർ അഭിനന്ദന പ്രവാഹവുമായി സമൂഹ മാധ്യമങ്ങളിലെത്തുകയാണ്​.

സി.പി.എം സർക്കാരി​െൻറ തുടർവിജയമുറപ്പിച്ചതോടെ നടൻ ആസിഫ്​ അലി പങ്കുവെച്ചത്​ ത​െൻറ ഏറ്റവും പുതിയ സിനിമയുടെ പോസ്റ്ററാണ്​. 'എല്ലാം ശരിയാകും' എന്ന്​ പേരായ സിനിമയുടെ പോസ്റ്ററിൽ ചുവപ്പി​െൻറ മയമാണ്​. എൽ.ഡി.എഫ്​ സ്ഥാനാർഥിയായാണ്​ ആസിഫ്​ ചിത്രത്തിൽ എത്തുന്നതെന്നാണ്​ സൂചന. എന്തായാലും പിണറായി സർക്കാർ വിജയമാഘോഷിക്കു​േമ്പാൾ തന്നെ ആസിഫ്​ പങ്കുവെച്ച സിനിമ പോസ്റ്റർ സമൂഹ മാധ്യമങ്ങളിൽ വലിയ തരംഗമായി മാറിയിട്ടുണ്ട്​​. മൂന്ന്​ മണിക്കൂറുകൾ കൊണ്ട്​ ഒരു ലക്ഷത്തിലധികം ലൈക്കുകളാണ്​ പോസ്റ്ററിന്​ ഫേസ്​ബുക്കിൽ ലഭിച്ചത്​. ജിബു ജേക്കബ്​ സംവിധാനം ചെയ്യുന്ന ചിത്രത്തിൽ നടൻ സിദ്ധീഖും പ്രധാന വേഷത്തിലുണ്ട്​. താരം ഫേസ്​ബുക്കിൽ പങ്കുവെച്ചതാക​െട്ട ചിത്രത്തിലെ ത​െൻറ കഥാപാത്രത്തി​െൻറ സ്റ്റില്ലും. അതിന്​ അടിക്കുറിപ്പായി 'എല്ലാം ശരിയാകും' എന്ന്​ ചേർത്തിട്ടുമുണ്ട്​.

നിയമസഭ തിരഞ്ഞെടുപ്പിൽ വിജയം കൈവരിച്ച പ്രിയപ്പെട്ട എല്ലാ സ്ഥാനാർഥികൾക്കും അഭിനന്ദനങ്ങൾ .

ഭരണതുടർച്ചയിലേക്ക് കാൽവയ്ക്കുന്ന സർക്കാരിനും മുഖ്യമന്ത്രി ശ്രീ. പിണറായി വിജയൻ അവർകൾക്കും എൻ്റെ എല്ലാവിധ ആശംസകൾ . - നടൻ മോഹൻലാലും എൽ.ഡി.എഫ്​ സർക്കാരിന്​ അഭിനന്ദനവുമായി എത്തി.

'ബഹുമാനപ്പെട്ട മുഖ്യമന്ത്രി ശ്രീ പിണറായി വിജയൻ നയിച്ച എൽഡിഎഫിനും സംസ്ഥാനത്തെ തിരഞ്ഞെടുക്കപ്പെട്ട എല്ലാ പ്രതിനിധികൾക്കും അഭിനന്ദനങ്ങൾ. രാഷ്‌ട്രീയ വ്യത്യാസങ്ങളെ അടിസ്ഥാനമാക്കിയുള്ള എല്ലാ വിവരണങ്ങളുടെയും അന്ത്യം ഈ ദിവസം അടയാളപ്പെടുത്തുന്നുവെന്ന പ്രതീക്ഷയുണ്ട്​. അതോടൊപ്പം, നാമെല്ലാം അഭിമുഖീകരിക്കുന്ന ഈ പ്രക്ഷുബ്ധമായ കാലഘട്ടത്തെ അതിജീവിച്ച്​ മുന്നേറാൻ, ഭരണകൂട യന്ത്രങ്ങളും അവിടുത്തെ ജനങ്ങളും ഒരുമിച്ച് കാര്യക്ഷമമായി പ്രവർത്തിക്കുമെന്നും പ്രത്യാശിക്കുന്നു. -പൃഥ്വിരാജ്​ സുകുമാരൻ ഫേസ്​ബുക്ക്​ പോസ്റ്റിൽ കുറിച്ചു.

പിണറായി വിജയനും അദ്ദേഹത്തി​െൻറ ടീമിനും ചരിത്ര വിജയത്തിൽ ഹൃദ്യമായ അഭിനന്ദനം നേർന്നുകൊണ്ടാണ്​ ദുൽഖർ സമൂഹ മാധ്യമങ്ങളിലെത്തിയത്​. കേരളം പല പ്രതിസന്ധി ഘട്ടങ്ങളിലൂടെ കടന്നുപോയപ്പോഴും മികച്ച നേതൃപാടവം കാഴ്​ച്ചവെച്ചയാളാണ്​ പിണറായിയെന്നും ദുൽഖർ ​ഫേസ്​ബുക്ക്​ പോസ്റ്റിൽ പറഞ്ഞു.

വിജയിച്ച എല്ലാ സ്ഥാനാർത്ഥികൾക്കും അഭിനന്ദനങ്ങൾ.. ✌🏼

ഭരണം നിലനിർത്തിയ സർക്കാരിനും ആശംസകൾ! -നടൻ ടൊവിനോ തോമസ്​ ത​െൻറ പോസ്റ്റിൽ പറഞ്ഞു.

നാമെല്ലാം പ്രതീക്ഷിച്ച, ആഗ്രഹിച്ച പോലെ കേരളം ചുവന്നു.

പേമാരിയിലും മഹാമാരിയിലും ഒലിച്ചു പോകാതെ മനുഷ്യനേയും സകല ജീവജാലങ്ങളേയും സംരക്ഷിച്ച കേരളത്തിന്റെ ക്യാപ്റ്റനും ഇടതുപക്ഷ ജനാധിപത്യ മുന്നണിയും ഈ നാട് ഇനിയും നയിക്കും.

മതനിരപേക്ഷതയും ജനാധിപത്യവും ഉയർത്തിപ്പിടിച്ച കേരള ജനതക്ക് അഭിവാദനങ്ങൾ. -നടൻ ഇന്നസൻറ്​ കുറിച്ചു.

തൃപ്പൂണിത്തുറയിലെ എൽ.ഡി.എഫ്​ സ്ഥാനാർഥി എം സ്വരാജി​െൻറ തോൽവിയിലുള്ള ദുഃഖം രേഖപ്പെടുത്തിയാണ്​ സംവിധായകൻ അരുൺ ഗോപി രംഗത്തെത്തിയത്​. എം. സ്വാരജ്​, ഇതൊരു തീരാ നഷ്ടമാണ്..!! തൃപ്പൂണിത്തുറയ്ക്കല്ല കേരളത്തിന് തന്നെ!! -അരുൺ ഗോപി എഴുതി.

മെട്രോ മാൻ ശ്രീധരൻ 6000ത്തിലധികം വോട്ടുകളുടെ ലീഡുമായി മുന്നേറുന്ന സമയത്ത്​ സംവിധായകൻ ഒമർ ലുലു ഫേസ്​ബുക്കിൽ പങ്കുവെച്ച പോസ്റ്റും വൈറലായി മാറിയിരുന്നു.

''Confidence Kaa Baap Metro Man

ചിലർ അങ്ങനെയാ എടുത്ത പണി കറക്കറ്റ് ആയി ചെയ്‌ത്‌ തീർക്കും''. -എന്നായിരുന്നു അദ്ദേഹം കുറിച്ചത്​. എന്നാൽ, വൈകുന്നേരമായപ്പോഴേക്കും ഷാഫി പറമ്പിൽ മുന്നേറിയതോടെ 'ഗുയ്സ് പണി പാളി' എന്ന്​ അതേ പോസ്റ്റിന്​ സംവിധായകൻ കമൻറ്​ രേഖപ്പെടുത്തുകയും ചെയ്​തു.

ടീമേ ഉറപ്പാണ്​' എന്ന അടിക്കുറിപ്പോടെ നടൻ ബിനീഷ്​ ബാസ്റ്റിൻ പങ്കുവെച്ച ചിത്രവും ഒരു ലക്ഷത്തിലധികം ലൈക്കുകൾ ഫേസ്​ബുക്കിൽ സ്വന്തമാക്കി.

കെ.കെ രമക്കും, കെ.കെ ശൈലജയ്​ക്കും ആശംസകൾ അറിയിച്ചുകൊണ്ട്​ നടി റിമ കല്ലിങ്കൽ ഫേസ്​ബുക്കിൽ പോസ്റ്റുകളിട്ടു​.