വേലുപ്പിള്ളൈ പ്രഭാകരനായി ബോബി സിംഹ; സൈബറാക്രമണവുമായി ശ്രീലങ്കൻ ആർമി അനുകൂലികൾ

തമിഴ് പുലി തലവനും, തമിഴ് ഈഴം നേതാവുമായ വേലുപ്പിള്ളൈ പ്രഭാകര​െൻറ ജീവചരിത്ര സിനിമയുടെ ഫസ്റ്റ്​ലുക്​ പോസ്റ്റർ പുറത്തുവിട്ടു. 2018ൽ പ്രഖ്യാപിച്ച 'സീറും പുലി' (raging tiger) എന്ന ചിത്രം രണ്ട്​ വർഷങ്ങൾക്ക്​ ശേഷം പ്രേക്ഷകരിലേക്കെത്താൻ പോകു​േമ്പാൾ പ്രഭാകരനായി വേഷമിടുന്നത്​ പ്രശസ്​ത തമിഴ്​ നടനും ദേശീയ പുരസ്​കാര ജേതാവുമായ ബോബി സിംഹ. നീലം, ഉനക്കുൾ നാൻ, ലൈറ്റ്​മാൻ തുടങ്ങിയ നിരൂപക പ്രശംസ നേടിയ ചിത്രങ്ങൾ സംവിധാനം ചെയ്​ത ജി വെങ്കിടേഷ്​ കുമാറാണ്​ സീറും പുലി സംവിധാനം ചെയ്യുന്നത്​​. വെങ്കിടേഷ്​ കുമാർ വിഖ്യാത സംവിധായകൻ ബാലു മഹേന്ദ്രയുടെ അസിസ്റ്റൻറ്​ ഡയറക്​ടറായി പ്രവർത്തിച്ചിട്ടുണ്ട്​.​

ചിത്രത്തി​െൻറ ഫസ്റ്റ്​ലുക്​ പോസ്റ്റർ സമൂഹ മാധ്യമങ്ങളിലൂടെ പുറത്തുവിട്ടതിന്​ പിന്നാലെ നടൻ ബോബി സിംഹക്കെതിരെ സൈബറാക്രമണം തുടരുകയാണ്​. പ്രഭാകരനെയും എൽ.ടി.ടി.ഇയെയും എതിർക്കുന്നവരാണ്​ താരത്തെ അധിക്ഷേപിച്ച്​ രംഗത്തുള്ളത്​. ശ്രീലങ്കയെയും അവരുടെ സൈന്യത്തേയും അനുകൂലിക്കുന്നവരുടെ എതിർപ്പിനിടയിലും താരത്തിന്​ ആശംസകളുമായി ആരാധകരും എത്തിയിട്ടുണ്ട്​. പ്രഭാകരനെ അവതരിപ്പിക്കാൻ മുന്നോട്ടുവന്നതിന്​​ ബോബി സിംഹയെ അഭിനന്ദനങ്ങൾ കൊണ്ടുമൂടുകയാണവർ.

വിജയ്​ സേതുപതി ശ്രീലങ്കൻ സ്​പിന്നർ മുത്തയ്യ മുരളീധര​െൻറ ബയോപിക്കിൽ നിന്നും പിന്മാറിയ സംഭവം നടന്ന്​ ഏതാനും ദിവസങ്ങൾക്കകമാണ്​ 'സീറും പുലി'യുടെ പ്രഖ്യാപനമെന്നതും ശ്രദ്ദേയമാണ്​. അതേസമയം, 800ൽ നിന്ന്​ പിന്മാറിയതിന്​ തൊട്ടുപിന്നാലെ സേതുപതിക്ക്​ പ്രഭാകര​െൻറ ജീവിതം പറയുന്ന വെബ്​ സീരീസിലേക്ക്​ ക്ഷണം ലഭിച്ചിരുന്നു.

പ്രഭാകര​െൻറ ജീവ ചരിത്രം രണ്ട്​ സിനിമകളാക്കി ഒരുക്കാനാണ്​ ത​െൻറ പദ്ധതിയെന്ന്​ സംവിധായകൻ വെങ്കിടേഷ്​ മുമ്പ്​ പറഞ്ഞിരുന്നു. പ്രഭാകര​െൻറ വിദ്യാർഥി ജീവിതവും അദ്ദേഹം വിമതനും നേതാവുമായി മാറാനുണ്ടായ സാഹചര്യങ്ങളും ആദ്യ ഭാഗത്തിൽ ഉൾകൊള്ളിക്കു​േമ്പാൾ, രണ്ടാം ഭാഗം 'തമിൾ​ ഇൗഴം' ഉണ്ടാകാനിടയായ പ്രഭാകര​െൻറ പോരാട്ടങ്ങളെ ചിത്രീകരിക്കും. 2009ൽ ലങ്കൻ സൈന്യമായിരുന്നു പ്രഭാകരനെ കൊലപ്പെടുത്തിയത്​.