Begin typing your search above and press return to search.
proflie-avatar
Login
exit_to_app
exit_to_app
Tandav Poster
cancel
Homechevron_rightEntertainmentchevron_rightMovie Newschevron_rightതാണ്ഡവ്: വിശ്വാസത്തെ...

താണ്ഡവ്: വിശ്വാസത്തെ മുറിവേൽപ്പിച്ചാൽ ജനമധ്യത്തിൽ ചെരിപ്പൂരിയടിക്കുമെന്ന്​ ബി.ജെ.പി നേതാവ്​

text_fields
bookmark_border

മുംബൈ: ഹിന്ദുദൈവങ്ങളെ അപമാനിച്ചുവെന്നാരോപിച്ച്​ ആമസോൺ പ്രൈമിൽ റിലീസ്​ ചെയ്​ത വെബ്​ ഷോയായ താണ്ഡവിനെതിരെ ബഹിഷ്​കരണ ആഹ്വാനം ഉയരുന്നതിനിടെ, നടൻ സെയ്​ഫ്​ അലി ഖാനും അണിയറ പ്രവർത്തകർക്കും​ എതിരെ ഭീഷണിയുമായി ബി.ജെ.പി നേതാവ്​. രാം കദം ആണ്​ താണ്ഡവിൽ അഭിനയിക്കുന്നതിനെ ചൊല്ലി സെയ്​ഫ്​ അലി ഖാനെതിരെ രംഗത്തെത്തിയത്.

എന്തുകൊണ്ടാണ്​ ഹിന്ദുക്കളെയും ഹിന്ദു ദൈവങ്ങളെയും മാത്രം സിനിമകളിലൂടെയും വെബ്​സീരിസുകളിലൂടെയും അപമാനിക്കുന്നു. അതിന്‍റെ അവസാന ഉദാഹരണമാണ്​ താണ്ഡവ്​. ഹിന്ദു വികാരം വ്രണപ്പെടുന്ന ഒരു സീരീസുമായി സെയ്​ഫ്​ അലി ഖാൻ വീണ്ടും ബന്ധ​െപ്പട്ടിരിക്കുന്നു. ശിവനെ കളിയാക്കികൊണ്ടുള്ള ഭാഗം സംവിധായകൻ അലി അബ്ബാസ്​ സഫർ സീരിസിൽനിന്ന്​ നീക്കം ചെയ്യണം. നടൻ സേഷൻ അയൂബ്​ മാപ്പ്​ പറയണം. എന്നാൽ ഇതുവരെ ആവശ്യമായ മാറ്റങ്ങൾ അവർ വരുത്തിയിട്ടില്ല. അതിനാൽ ബി.ജെ.പി താണ്ഡവ്​ ബഹിഷ്​കരിക്കണമെന്ന്​ ആഹ്വാനം ചെയ്യുന്നു -ബി.ജെ.പി നേതാവ്​ പറഞ്ഞു.

പരാതിയുമായി മുംബൈ പൊലീസിനെ സമീപിക്കുമെന്നും രാം കദം കൂട്ടിച്ചേർത്തു. ബോളിവുഡിനെ മുഴുവൻ ഭീഷണിപ്പെടുത്തുന്ന വിഡിയോയും ബി.ജെ.പി നേതാവ്​ പുറത്തുവിട്ടു.

'ബോളിവുഡ്​ സിനിമകളിൽ എന്തുകൊണ്ടാണ്​ ഹിന്ദുദൈവങ്ങളെ അപമാനിക്കുന്നത്​. ഇത്​ ദീർഘകാലമായി തുടരുകയും ചെയ്യുന്നു. ഇപ്പോൾ താണ്ഡവ്​ വെബ്​സീരിൽ ശിവന്‍റെ വേഷം ധരിച്ച്​ ത്രിശൂലവും ഡമരുവുമായി നിൽക്കുന്നു. ഇത്​ അനുവദിക്കാൻ കഴിയില്ല. ബോളിവുഡ്​ ഇത്​ ശ്രദ്ധിച്ച്​ കേൾക്കണം. ഞങ്ങളുടെ വികാരങ്ങളെയും വിശ്വാസങ്ങളെയും ഇതുപോലെ ആരെങ്കിലും മുറിവേൽപ്പിക്കാൻ ശ്രമിച്ചാൽ ജനമധ്യത്തിൽവെച്ച്​ ചെരിപ്പൂരി​ അടിക്കും. ഈ സീരീസ്​ ഉടൻ ബഹിഷ്​കരിക്കണം. സംവിധായകനും നിർമാതാവും നിർബന്ധമായും മുട്ടുകുത്തിനിന്ന്​ കൈകൾ മടക്കിവെച്ച്​ മാപ്പു ചോദിക്കണം' -ബി.ജെ.പി നേതാവിന്‍റെ വിഡിയോയിൽ പറയുന്നു.

ഹിന്ദു ദൈവങ്ങളെ അപമാനിച്ചെന്ന്​ ആരോപിച്ച്​ താണ്ഡവിനെതിരെ ട്വിറ്ററിൽ ബഹിഷ്​കരണ ആഹ്വാനം രൂക്ഷമായിരുന്നു. അലി അബ്ബാസ്​ സഫർ സംവിധാനം ചെയ്യുന്ന 'താണ്ഡവ്​' ഒ.ടി.ടി പ്ലാറ്റ്​ഫോമിൽ വിജയകരമായി മുന്നേറു​േമ്പാഴാണ്​ വിവാദം.

നടനായ മുഹമ്മദ്​ സീഷൻ അയ്യൂബ്​ സ്​റ്റേജ്​ പെർഫോമറായി എത്തിയ സീനിൽ ശിവനോട്​ സാദൃശ്യം തോന്നുന്ന രീതിയിൽ വേഷം ധരിച്ചുവെന്നും 'ആസാദി.. എന്താ....?' എന്ന ഡയലോഗ്​ പറഞ്ഞുവെന്നുമാണ്​ ആരോപണം. ഈ സീൻ ഹിന്ദു ദൈവങ്ങളെ ലക്ഷ്യം വെച്ചുള്ളതാണെന്നും കളിയാക്കാൻ ഉപയോഗിച്ചുവെന്നും പറയുന്നു. സംഘ്​പരിവാർ ​​െ​പ്രാഫൈലുകളിലായിരുന്നു​ പ്രതിഷേധം ശക്തം.

വെള്ളിയാഴ്ചയാണ്​ ആമസോൺ പ്രൈമിൽ താണ്ഡവ്​ റിലീസ്​ ചെയ്​തത്​. രാഷ്​ട്രീയക്കാരന്‍റെ വേഷത്തിലാണ്​ സെയ്​ഫ്​ അലി ഖാൻ എത്തുന്നത്​. വിദ്യാർഥി നേതാവിന്‍റെ വേഷമാണ്​ അയ്യൂബ്​ കൈകാര്യം ചെയ്യുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Web seriesSaif Ali KhanTandavBJP
News Summary - BJP leader says Boycott Tandav Saif Ali Khan must apologise for hurting Hindu sentiments
Next Story