ഷറഫുദ്ദീനോടൊപ്പം ഭാവന;ന്റിക്കാക്കാക്കൊരു പ്രേമണ്ടാര്ന്ന് ഫസ്റ്റ് ലുക്ക് പോസ്റ്റര് പുറത്ത്
text_fields
ഭാവനേയും ഷറഫുദ്ദീനും കേന്ദ്ര കഥാപാത്രങ്ങളായി എത്തുന്ന ചിത്രമാണ് 'ന്റിക്കാക്കാക്കൊരു പ്രേമണ്ടാര്ന്ന്'. ചിത്രത്തിന്റെ ടൈറ്റിൽ പോസ്റ്റർ പുറത്ത്. ദുല്ഖര് സല്മാന്, നിവിന് പോളി, ഭാവന, ഷറഫുദ്ദീന്തുടങ്ങിയവരുടെ ഫേസ്ബുക്ക് പേജിലൂടെയാണ് അണിയറപ്രവര്ത്തകര് പോസ്റ്റര് റിലീസ് ചെയ്തത്. ഒരു ഇടവേളക്ക് ശേഷം ഭാവന മലയാളത്തില് നായികയായെത്തുന്ന ചിത്രമാണിത്.
ഭാവന, ഷറഫുദ്ദീന് എന്നിവർക്കൊപ്പം അശോകന്, അനാര്ക്കലി നാസര്, ഷെബിന് ബെന്സണ്, അഫ്സാന ലക്ഷ്മി തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. നവംബര് ആദ്യവാരം ചിത്രം തിയറ്ററുകളിലെത്തും.
ബോണ്ഹോമി എന്റെര്ടൈന്മെന്റ്സിന്റെ ബാനറില് ലണ്ടന് ടാക്കീസുമായി ചേര്ന്ന് റെനിഷ് അബ്ദുള്ഖാദര്, രാജേഷ് കൃഷ്ണ എന്നിവരാണ് ചിത്രം നിര്മ്മിക്കുന്നത്. നിരവധി ചിത്രങ്ങളില് എഡിറ്ററായിരുന്ന ആദില് മൈമൂനത്ത് അഷറഫാണ് ചിത്രത്തിന്റെ രചനയും, എഡിറ്റിംഗും, സംവിധാനവും നിര്വ്വഹിക്കുന്നത്. അരുണ് റഷ്ദിയാണ് ചിത്രത്തിന്റെ ക്യാമറ കൈകാര്യം ചെയ്യുന്നത്. വിനായക് ശശികുമാറിന്റെ വരികള്ക്ക് പോള് മാത്യു, നിശാന്ത് രാംടെകെ, ജോക്കര് ബ്ലൂസ് എന്നിവര് സംഗീതം നല്കുന്നു.
എക്സിക്യൂട്ടീവ് പ്രൊഡ്യൂസര്: കിരണ് കേശവ്, പ്രശോഭ് വിജയന്, കോസ്റ്റ്യൂം: മെല്വി ജെ, മേക്കപ്പ് അമല് ചന്ദ്രന്, പ്രൊഡക്ഷന് കണ്ട്രോളര്: അലക്സ് ഇ കുര്യന്, പ്രൊജക്ട് കോർഡിനേറ്റര്: ഷനീം സഈദ്, ചീഫ് അസോസിയേറ്റ്: ഫിലിപ്പ് ഫ്രാന്സിസ്, തിരക്കഥാ സഹായി: വിവേക് ഭരതന്, ആര്ട്ട്: മിഥുന് ചാലിശേരി, ക്രിയേറ്റീവ് ഡയറക്ടര് & സൗണ്ട് ഡിസൈന്: ശബരീദാസ് തോട്ടിങ്കല്, കാസ്റ്റിംഗ്: അബു വളയംകുളം, സ്റ്റില്സ്: രോഹിത് കെ സുരേഷ്, പിആര്ഒ: ടെന് ഡിഗ്രി നോര്ത്ത് കമ്മ്യൂണിക്കേഷന്സ് എന്നിവരാണ് അണിയറയിൽ പ്രവർത്തിക്കുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.