Begin typing your search above and press return to search.
proflie-avatar
Login
exit_to_app
exit_to_app
Homechevron_rightEntertainmentchevron_rightMovie Newschevron_right'അന്ന്​ സുകുമാരൻ...

'അന്ന്​ സുകുമാരൻ പറഞ്ഞു, മമ്മൂട്ടി അവൻ... അപകടകാരിയാ'- വൈറലായി ബാലചന്ദ്ര മേനോ​െൻറ കുറിപ്പ്​

text_fields
bookmark_border
അന്ന്​ സുകുമാരൻ പറഞ്ഞു, മമ്മൂട്ടി അവൻ... അപകടകാരിയാ- വൈറലായി ബാലചന്ദ്ര മേനോ​െൻറ കുറിപ്പ്​
cancel
camera_alt

‘നയം വ്യക്​തമാക്കുന്നു’ സിനിമയുടെ ചിത്രീകരണത്തിനിടെ ബാലചന്ദ്ര​ മേനോ​െൻറ വീട്ടിൽ മമ്മൂട്ടിയും ജഗദീഷും ഭക്ഷണം കഴിക്കാനെത്തിയപ്പോൾ. ബാലചന്ദ്ര മേനോൻ ഫേസ്​ബുക്കിൽ പങ്കുവെച്ച ചിത്രം

'വിൽക്കാനുണ്ട് സ്വപ്‌നങ്ങൾ' എന്ന ചിത്രത്തി​െൻറ ദുബൈയിലെ ഷൂട്ടിങ്​ കഴി​െഞ്ഞത്തിയ നടൻ സുകുമാരൻ 'കലിക'യുടെ സെറ്റിൽവെച്ച്​ സംവിധായകൻ ബാലചന്ദ്ര മേനോനോട്​ പറഞ്ഞു-'ഇക്കഴിഞ്ഞ സിനിമയിൽ എ​െൻറ കൂടെ ഒരു ചെറുപ്പക്കാരൻ അഭിനയിച്ചു. മമ്മൂട്ടി. അവൻ ആൾ അപകടകരിയാ...'.

ഭീഷണിയാകുമെന്നല്ല, പ്രതീക്ഷക്കു വക നൽകുന്ന നടൻ എന്ന നിലക്കാണ്​ സ്വന്തം ശൈലിയിൽ സുകുമാരൻ അത്​ പറഞ്ഞ​ത്​. മമ്മൂട്ടിയുടെ ജന്മദിനത്തിൽ ഫേസ്​ബുക്കിൽ പോസ്​റ്റ്​ ചെയ്​ത കുറിപ്പിലാണ്​ ബാലചന്ദ്ര മേനോൻ ഈ സംഭവം ഓർത്തെടുത്തത്​. 'ഇന്നത്തെ 'ബർത്ത്​ഡേ ബോയ്​'ക്കുള്ള എ​െൻറ കുറിപ്പാണിത്​' എന്ന മുഖവരയോടെ തുടങ്ങുന്ന കുറിപ്പ്​ ആരാധകർ ഏറ്റെടുക്കുകയും ചെയ്​തു. സിനിമക്കാരനും കുടുംബസ്​ഥനും എന്ന നിലയിൽ ഭാഗ്യവാനായ മമ്മൂട്ടിയെ 'അനുഭവയോഗമുള്ള ജാതകൻ' എന്നാണ്​ ബാലചന്ദ്ര മേനോൻ വിശേഷിപ്പിക്കുന്നത്​. മമ്മൂട്ടി സ്​ക്രീനിൽ പ്രത്യക്ഷപ്പെടു​േമ്പാൾ പ്രേക്ഷകർ കൂവിയിരുന്നത്​ 'സുന്ദരനായ നിങ്ങൾ കൂളിങ്​ ഗ്ലാസ് കൂടി വെച്ച് മോടി പിടിപ്പിച്ചപ്പോൾ പ്രേക്ഷക​െൻറയുള്ളിൽ നുരഞ്ഞു പൊന്തിയ അസൂയയുടെ ബഹിസ്ഫുരണമായിരുന്നെ'ന്നും അദ്ദേഹം വിവരിക്കുന്നു. 'മമ്മൂട്ടിയുടെ ജാഡ' എന്ന ​പ്രയോഗം തന്നെ നിലവിൽ വന്നിട്ടും അതെല്ലാം മറികടന്ന്​ നിങ്ങൾ 'മൊഞ്ചുള്ള മമ്മുക്ക' ആയെന്നും അദ്ദേഹം പറയുന്നു.

ശരിക്കും ഒരു 'പെണ്ണുകാണൽ' പോലെ കുറ്റും കുറവും കണ്ടുപിടിക്കാനുള്ള വൃത്തികെട്ട മന​സ്സോടെയാണ്​ താൻ മമ്മൂട്ടിയെ ആദ്യം കണ്ടതെന്നും (അന്ന്​ സജിൻ ആയിരുന്നു) ബാലചന്ദ്ര മേനോൻ ഓർക്കുന്നു. ത​െൻറ സിനിമകളായ 'ചിരിയോ ചിരി', ​'ശേഷം കാഴ്​ചയിൽ', 'നയം വ്യക്​തമാക്കുന്നു' എന്നിവയിൽ മമ്മൂട്ടി അഭിനയിച്ചതും ത​െൻറ 'സേഫ്​' എന്ന വിതരണ കമ്പനിയെ തകർച്ചയിൽ നിന്ന്​ കരകയറാൻ 'നയം വ്യക്​തമാക്കുന്നു' സഹായിച്ചതും അദ്ദേഹം കുറിപ്പിൽ ഉൾപ്പെടുത്തിയിട്ടുണ്ട്​. എല്ലാവരും തന്നെ മേനോൻ എന്ന് വിളിക്കുമ്പോൾ മമ്മൂട്ടി എന്തുകൊണ്ടോ തുടക്കം മുതൽ 'മിസ്​റ്റർ മേനോൻ' എന്നാണ്​ വിളിക്കുന്നത്​. അറിഞ്ഞോ അറിയാതെയോ പൗരുഷത്തി​െൻറ പ്രതീകമായ മമ്മൂട്ടിയുടെ ഉള്ളിൽ ഒരു 'കൊച്ചു കുട്ടി' ഒളിഞ്ഞിരിക്കുന്നുണ്ടെന്നും അവനെ എന്നും നിങ്ങൾ കൂടെ കൂട്ടണമെന്നും അവനാണ് നിങ്ങൾക്ക് സുഗന്ധം പകരുന്നതെന്നും പറഞ്ഞാണ്​ കുറിപ്പ്​ അവസാനിപ്പിച്ചിരിക്കുന്നത്​.

ഫേസ്​ബുക്ക്​​ പോസിറ്റി​െൻറ പൂർണരൂപം ചുവടെ:


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:balachandra menonmammootty birthday
News Summary - Balachandra Menon recalls moments with Mammootty
Next Story